ទាន់ហេតុការណ៍
ជនដៃដល់​ដែល​ជា​ឃាតករ បាញ់សម្លាប់​លោក រ៉េត ស៊ី​ណាត នាយរង​ការិយាល័យ​ព្រហ្មទណ្ឌ​ក្នុង​ហេតុការណ៍​គ្រោះថ្នាក់​ចរាចរណ៍​បាន​ស្លាប់​ហើយ ក្រោយ​ផ្ទុះអាវុធ​មួយ​ប្រាវ​ជាមួយ​សមត្ថកិច្ច​នៅ​ខេត្ត​ក្រចេះ​ - ឯកឧត្តម ឃួ​ង ស្រេង អភិបាល នៃ​គណ​:​អភិបាល​រាជធានី​ភ្នំពេញ បើក​កិច្ចប្រជុំ​ស្តី​ពី​ការសិក្សា​លើ​ប្រព័ន្ធ​លូ ប្រឡាយ​ - ​ប្រជាពលរដ្ឋ ត្រូវ​ជឿទុកចិត្ត​លើ​ការខិតខំ​របស់​រដ្ឋបាល​ខេត្ត​ក្នុង​ការដោះស្រាយ​បញ្ហា​ប្រឈម​ពិតប្រាកដ​ជូន​បងប្អូន​ - ​សកម្មភាព​កម្លាំង​កង​រាជ​អាវុធហត្ថ​រាជធានី​ភ្នំពេញ ថ្ងៃ​ចន្ទ ១៣​រោច ខែ​បុស្ស ឆ្នាំ​ជូត ទោ​ស័ក ព​.​ស​២៥៦៤ ត្រូវ​នឹង​ថ្ងៃទី​១១ ខែ​មករា ឆ្នាំ​២០២១ ! - ​ប្រជា​ពលរដ្ធ ខិតខំ​យកចិត្តទុកដាក់​បង្កើន​ការដាំដុះ​បន្លែ​ក្នុងស្រុក ដើម្បី​ផ្គង​ផ្គង់​ទីផ្សារ ជួយ​បង្កើន​ប្រាក់​ចំណូល​ក្នុង​គ្រួសារ បង្កើត​ការងារ​ - ​ក្រុមការងារ ស​.​ស​.​យ​.​ក ឃុំ​សាលា​ក្រៅ ផ្តល់​ស្បៀងអាហារ​ដល់​ក្រុមគ្រួសារ​ខ្វះខាត ខណ​:​ពេល​កំពុង​ជួប​វិបត្តិ នៃ​ជម្ងឺ​កូវី​ដ​១៩ - អភិបាល​ខេត្ត​កំពត​ប្រាប់​ឲ្យ​បង្កើន​ប្រសិទ្ធភាព​គ្រប់គ្រង និង​ប្រមូល​ចំណូល​លើ​អាជីវកម្ម​រ៉ែ​គ្រប់​ប្រភេទ - គម្រោង​លំនៅដ្ឋាន​ប្រណីត KP ម៉ន ដា​នី​ថ្មី ទំហំ​១២៥​ហិច​តា​ជាប់​ផ្លូវជាតិ​លេខ​៣ ចាប់ផ្តើម​បើក​លក់​ថ្ងៃនេះ​ហើយ​ - ឯកឧត្តម ហ៊ុន ម៉ា​ណែ​ត ប្រធាន​យុវជន​គណបក្ស​ថ្នាក់កណ្តាល ដឹកនាំ​កិច្ចប្រជុំ​គណៈអចិន្ត្រៃយ៍ នៃ​យុវជន​គណបក្ស​ថ្នាក់កណ្តាល​(​យ​.​គ​.​ក​.) - ​លោកជំទាវ ខៀវ ទេព រង្ស៊ី កាញារីទ្ធ និង​មន្ត្រីរាជការ​ក្រសួង​ព័ត៌មាន​អញ្ជើញ​ជួប​សំណេះសំណាល និង​ចែក​អំណោយ​ជូន​ប្រជាពលរដ្ឋ​ក្រីក្រ និង​ចាស់ជរា នៅ​ស្រុក​កោះសូទិន
0

អភិបាល​ខេត្ត​កំពត​ប្រាប់​អាជ្ញាធរ និង​ពលរដ្ឋ​ឲ្យ​បន្តបង្កើន​ការប្រុងប្រយ័​ត្ន​ចំពោះ​ជំងឺ​កូវី​ដ​១៩ កុំ​អាង​វាក់​សាំង​

អភិបាល​ខេត្ត​កំពត​ប្រាប់​អាជ្ញាធរ និង​ពលរដ្ឋ​ឲ្យ​បន្តបង្កើន​ការប្រុងប្រយ័​ត្ន​ចំពោះ​ជំងឺ​កូវី​ដ​១៩ កុំ​អាង​វាក់​សាំង​

«គេហទំព័រ រស្មីស្ទឹងត្រង់ | Rasmeistoengtrang News» ទូរស័ព្ទទំនាក់ទំនង011 40 37 29 | 097 72 88 071

http://www.rasmeistoengtrang.com

(​ខេត្ត​កំពត​)៖ បើ​ទោះ​ប្រមុខ​រាជរដ្ឋាភិបាល​គ្រោង​ផ្តល់​ការចាក់​វាក់​សាំង​ការពារ​ជំងឺ​ឆ្លងកូវី​ដ​១៩​ដោយ​ឥតគិតថ្លៃ​ជូន​ពលរដ្ឋ​គ្រប់រូប​ក៏ដោយ ក៏​អភិបាល​ខេត្ត​កំពត​បាន​ប្រាប់​ដល់​អាជ្ញាធរ និង​ប្រជាពលរដ្ឋ​ទាំងអស់​ឲ្យ​បន្ត​បង្កើន​ការប្រុងប្រយ័ត្ន​ចំពោះ​ការឆ្លង​រីក​រាលដាល​នៃ​ជំងឺ​នេះ​ទៅក្នុង​សហគមន៍ នៃ​ខេត្ត​កំពត​ឲ្យបាន​កាន់តែ​ល្អប្រសើរ​ឡើង​។​

​ការលើកឡើង​បែប​នេះ ជា​ប្រសាសន៍​របស់ លោក ជាវ តា​យ ប្រធាន​គណៈកម្មាធិការ​កាកបាទក្រហមកម្ពុជា​ខេត្ត​កំពត នៅក្នុង​ពិធី​ចែក​អំណោយ​មនុស្សធម៌ របស់​សាខា​កាកបាទក្រហមកម្ពុជា​ខេត្ត ជូន​ដល់​ប្រជាពលរដ្ឋ​ប្រឈម​ងាយ​រងគ្រោះ​ចំនួន ១០០​គ្រួសារ​មក​ពី​ស្រុក​បន្ទាយមាស និង​ស្រុក​អង្គរជ័យ ខេត្ត​កំពត នៅ​ថ្ងៃ​អាទិត្យ ទី​០៣ ខែ​មករា ឆ្នាំ​២០២១ នៅ​សាលាបឋមសិក្សា អ៊ុយ ស៊ើង ត្រាំ សសរ ស្រុក​បន្ទាយមាស​។ លោក ជាវ តា​យ ប្រធាន​គណៈកម្មាធិការ​សាខា​កាកបាទក្រហមកម្ពុជា​ខេត្ត​កំពត ដោយ​ពិធី​នោះ​មាន​ក៏​មាន​ការចូលរួម​ពី​សមាជិក សមាជិកា គណៈកម្មការ​សាខា​កាកបាទ​ក្រហម ក្រុង​ស្រុក ផង​ដែរ​នោះ​។​

​លោក ជាវ តា​យ បាន​បញ្ជាក់ទៀតថា បច្ចុប្បន្ន​ស្ថិតនៅ​ក្នុង​ស្ថានភាព​ពិភពលោក​ក៏​ដូចជា​កម្ពុជា​យើង​បាន​នឹង​កំពុង​ជួប​នូវ​វិបត្តិ ជា​សកល​នៃ​ជំងឺ​កូវី​ត​១៩ ប្រមុខ​រាជរដ្ឋាភិបាល សម្ដេច​តេជោ ហ៊ុន​សែន បាន​យកចិត្តទុកដាក់​យ៉ាងខ្លាំងបំផុត និង​បាន​ប្រើ​គ្រប់​វិធីសាស្ត្រ​ដោយមាន​ចំណាត់ការ​យ៉ាង​មាន​ប្រសិទ្ធភាព ដើម្បី​ទប់ស្កាត់​ការឆ្លង​រីក​រាលដាល​ជំងឺ​កូវី​ដ​១៩ ចូលមកក្នុង​សហគមន៍​។

​ហើយ​ក្នុង​រយៈពេល​ចុងក្រោយ​នេះ នៅពេល​ជំងឺ​កូវី​ដ​១៩ បាន​ផ្ទុះ​ឆ្លង​រាលដាល​ខ្លាំង​នៅ​ប្រទេស​ថៃ សម្តេច​តេជោ បាន​បញ្ជា​ឲ្យ រាល់​ពលករ​មកពី​ប្រទេស​ថៃ​ត្រូវ​ចូល​ទៅ​ធ្វើ​ចត្តា​ឡីស័​កនៅ​ព្រំ​ដែនផ្ទាល់​តែម្តង​មិន​អនុញ្ញាតឲ្យ​មក​ផ្ទះ​ទេ ព្រោះ​ពលករ​មកពី​ប្រទេស​ថៃ​ងាយ​ប្រឈម​និង​បញ្ហា​ការ​ឆ្លងកូវី​ដ​១៩​ខ្លាំង​។​

​ទទ្ទឹម​នឹង​នេះ សម្តេច​ក៏​គ្រោង​នឹង​ផ្តល់ជូន​ការចាក់​វាក់​សាំង​ការពារ​ជំងឺ​កូវី​១៩ ដល់​ពលរដ្ឋ​គ្រប់រូប​ដោយ​ឥតគិតថ្លៃ ដែល​ជំហាន​ដំបូង​នេះ​ត្រូវ​ប្រើ​វាក់​សាំង​ចំនួន ១​លាន​ដូស​នៅ​ពេល​ខាង​មុខ​ផង​ដែ​រ​។​

​បើទោះបី​យ៉ាងនេះក្តី លោក​អភិបាលខេត្ត ក៏បាន អំពាវនាវ​ដល់​ពលរដ្ឋ ពិសេស​អាជ្ញា​ត្រូវ​បន្ត​បង្កើន​ការប្រុងប្រយ័ត្ន​ចំពោះ​បញ្ហា ជំងឺ​កូវី​ដ​១៩​នេះ​បន្ថែម​ទៀត ដោយ​មិន​ត្រូវ​ធ្វេសប្រហែស​ឬ​បណ្ដែតបណ្ដោយ​ចំពោះ​បញ្ហា​នេះ បើទោះជា​មាន​វាក់​សាំង​ការពារ​ហើយ​ក៏ដោយ​ចុះ​។​

​ក្នុងឱកាស​នោះ លោក ជាវ តា​យ ក៏បាន ពាំនាំ​ការ​ផ្តាំផ្ញើ​សួរសុខទុក្ខ​ពី​សម្ដេច​តេជោ​ហ៊ុន សែន​ប្រមុខ​រាជរដ្ឋាភិបាល និង​សម្ដេច​កិតិ្ត​ព្រឹទ្ធ​បណ្ឌិត ប៊ុន រ៉ានី ហ៊ុន សែន​ប្រធាន​កាកបាទក្រហមកម្ពុជា ជូន​ចំពោះ​ប្រជាពលរដ្ឋ ដោយ​មិន​រើសអើង គ្រប់​កាលៈទេសៈ និង​បាន ជំរុញ លើកទឹកចិត្ត​ដល់​ពលរដ្ឋ​គ្រប់​រូប​ត្រូវ​បន្ត​អនុវត្ត​វិធាន​សុវត្ថិភាព​សង្គម ពិសេស​វិធាន​អនាម័យ​រស់នៅ​ស្អាត ផឹក​ស្អាត ហូប​ស្អាត​ឲ្យបាន​ជាប្រចាំ ហើយ​បើ​មិនចាំបាច់ សូម​កុំ​ចូលរួម​ក្នុង​កម្មវិធី​ផ្សេងៗ ដែល​មាន​មនុស្សម្នា​ច្រើន​។

​ជាមួយ​ឱកាស​នោះ លោក ជាវ តា​យ អភិបាលខេត្ត ក៏​បាន​ផ្ដាំផ្ញើ​និង​លើកទឹកចិត្ត​ឲ្យ​ប្រជាពលរដ្ឋ ត្រូវ​បង្កើន​ការដាំដុះ​ឬ​បង្កើត​ជា​វ៉ា​រី​វប្បកម្ម​ការចិញ្ចឹម​ត្រី និង​សត្វ រួមផ្សំ​បន្ថែមទៀត ដើម្បី​បង្កើន​ជីវភាព​គ្រួសារ​ឲ្យបាន​កាន់តែ​ល្អប្រសើរ ព្រោះ​អំណោយ​ដែល​បាន​ដល់ពេល​នេះ​គ្រាន់តែ​បាន​ជួយ​រំលែក​ការលំបាក​មួយ​គ្រា​តែប៉ុណ្ណោះ​។​

​អំណោយ​ដែល​បាន​ផ្តល់ជូន​ប្រជាពលរដ្ឋ​ងាយ​រងគ្រោះ​ទាំង​ចំនួន​១០០ គ្រួសារ ក្នុងនោះ​មក​ពី​ស្រុក​បន្ទាយមាស​៥០​គ្រួសារ និង​ស្រុក​អង្គរជ័យ​៥០​គ្រួសារ ក្នុង​មួយ​គ្រួសារ​ទទួលបាន​អង្ករ​២៥​គីឡូក្រាម មី​១​កេស ទឹកត្រី​១​យួរ ស្ករស​១​គីឡូក្រាម និង​ថវិកា​មួយចំនួន​ផង​ដែរ​៕

Filed in: ព័ត៌មានជាតិ

Leave a Reply

Submit Comment
«រស្មីស្ទឺងត្រង់ | Rasmei Stoeng Trang» ព័ត៌មានថ្មីៗ ទាន់ហេតុការណ៍ !​ ទាក់ទងផ្តល់​ព័ត៌មាន តាមទូរស័ព្ទលេខ 011 40 37 29 | 097 72 88 071 ឬ តាម Whatsapp | Telegram : 011 40 37 29 | 097 72 88 071 ! សូមអរគុណ !

©២០១៨ រក្សាសិទ្ធិដោយសារព័ត៌មាន «រស្មីស្ទឺងត្រង់ | Rasmei Stoeng Trang» | ទូរស័ព្ទ៖ 011 40 37 29 | 097 72 88 071 | អ៊ីម៉ែល៖ mailtobot168@gmail.com

អាសយដ្ឋាន ៖ ផ្ទះលេខ ៦៤០ ផ្លូវលំ ភូមិរាំងដេក ឃុំគគីរធំ ស្រុកកៀនស្វាយ ខេត្តកណ្ដាល