ទាន់ហេតុការណ៍
​លោក ជាវ តា​យ សំណេះសំណាល​ជាមួយ​លោកគ្រូ អ្នកគ្រូ និង​សិស្ស​ថ្នាក់​ទី​១២​ឆ្នាំ​សិក្សា​២០១៩-២០២០ ក្នុង​ស្រុក​កំពង់ត្រាច​ខេត្ត​កំពត​ - អភិបាល​រាជធានី​ភ្នំពេញ និង​ស្នងការ បន្ត​ចុះ​ចែក​ម៉ាស​ជូន​ប្រជាពលរដ្ឋ​នៅ​ក្បែរ​ផ្សារ​ដើម​គរ ដើម្បី​ការពារ​ជំងឺ​កូវី​ដ​-១៩ - គណៈកម្មាធិការ​គ្រប់គ្រង​គ្រោះមហន្តរាយ​ខេត្តកំពត​ត្រៀម​ទាំង​មធ្យោបាយ​សម្ភារៈ​និង​យន្តការ​ដើម្បី​ឆ្លើយតប​ជួយសង្គ្រោះ​ពលរដ្ឋ - សម្តេច​តេជោ ហ៊ុន សែន អបអរសាទរ​ខួប​អនុស្សាវរីយ៍​លើក​ទី​៦៧ នៃ​ទិវា​បុណ្យ​ឯករាជ្យ​ជាតិ ៩ វិច្ឆិកា ! - ​រដ្ធ​មន្ដ្រី​កសិកម្ម ÷​ដែល​ត្រូវ​ចែក​ជូន​គ្រួសារ​កសិករ​ចំនួន ​៤២៥០ ​គ្រួសារ​ ដើម្បី​ធ្វើការ​ស្ដារ​ដំណាំ​ស្រូវ​ឡើងវិញ​ - សម្ដេច​ក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួង​មហាផ្ទៃ បាន​អញ្ជើញ​ជា​អធិបតីភាព​ក្នុង​ពិធី​បើក​សិក្ខាសាលា​ជាតិ​ស្ដីពី​ការពិគ្រោះ​យោបល់​លើ​សេចក្ដីព្រាង​ឯកសារ​ទស្សនទាន​សម្រាប់​រៀបចំ​កម្មវិធី​ជាតិ​សម្រាប់​ការអភិវឌ្ឍ​តាម​បែប​ប្រជាធិបតេយ្យ​នៅ​ថ្នាក់ក្រោម​ជាតិ​ដំណាក់កាល​ទី​២ - សម្តេច​តេជោ​ហ៊ុន សែន​អញ្ជើញ​ជា​អធិបតី​ក្នុង​ពិធី​ចុះហត្ថលេខា​លើ​កិច្ចព្រមព្រៀង​និង​អនុស្សារណៈ​សំខាន់​ចំនួន​៣​រវាង​រដ្ឋាភិបាល​កម្ពុ​ជា​និង​ហុងគ្រី​ - អភិបាលខេត្ត​ស្វាយរៀង បើក​សិក្ខាសាលា​សមារ​ណ​កម្មវិធី​វិនិយោគ​បី​ឆ្នាំ​រំកិល​ក្រុង និង​សង្កាត់​ឆ្នាំ​២០២១-២០២៣ - អភិបាលខេត្ត​ស្វាយរៀង បើក​សិក្ខាសាលា​សមារ​ណ​កម្មវិធី​វិនិយោគ​បី​ឆ្នាំ​រំកិល​ក្រុង និង​សង្កាត់​ឆ្នាំ​២០២១-២០២៣ - ​ខេត្ត​កំពត​នៅ​តែ​ទទួល​អ្នកទេសចរ​បាន​ជិត​៧​ម៉ឺន​នាក់​មក​កម្សាន្ត​ក្នុង​ឱកាស​បុណ្យ​អុំទូក អក​អំបុក និង​សំពះ​ព្រះ​ខែ​
0

គណៈកម្មាធិការ​គ្រប់គ្រង​គ្រោះមហន្តរាយ​ខេត្តកំពត​ត្រៀម​ទាំង​មធ្យោបាយ​សម្ភារៈ​និង​យន្តការ​ដើម្បី​ឆ្លើយតប​ជួយសង្គ្រោះ​ពលរដ្ឋ

គណៈកម្មាធិការ​គ្រប់គ្រង​គ្រោះមហន្តរាយ​ខេត្តកំពត​ត្រៀម​ទាំង​មធ្យោបាយ​សម្ភារៈ​និង​យន្តការ​ដើម្បី​ឆ្លើយតប​ជួយសង្គ្រោះ​ពលរដ្ឋ

(​ខេត្ត​កំពត​)៖ គណៈកម្មាធិការ​គ្រប់គ្រង​គ្រោះមហន្តរាយ​ខេត្ត​កំពត​បាន​បង្កើន​ការត្រៀម​លក្ខណៈ​បន្ថែម​ទាំង​មធ្យោបាយ​សម្ភារៈ និង​យន្តការ​ដើម្បី​ឆ្លើយតប​ជួយសង្គ្រោះ​នឹង​កាត់បន្ថយ​ហានិភ័យ​ផ្សេងៗ​ជូន​ដល់​ប្រជាពលរដ្ឋ​របស់​ខ្លួន ក្នុងករណី​មាន​គ្រោះធម្មជាតិ ឬ​ហេតុការណ៍​អាក្រក់​កើតឡើង​។

​ថ្លែង​ក្នុង​កិច្ចប្រជុំ គណៈកម្មាធិការ​គ្រប់គ្រង​គ្រោះមហន្តរាយ​ខេត្ត​ដើម្បី​ពិនិត្យ​លើ​សេចក្ដីព្រាង នៃ​ខ្លឹមសារ​សេចក្ដីសម្រេច​កែសម្រួល​សមាសភាព​របស់​គណៈ​កម្មា​ធិ​ការគ្រប់គ្រង​គ្រោះមហន្តរាយ​ខេត្ត នៅ​ព្រឹក​ថ្ងៃទី​១១ ខែវិច្ឆិកា ឆ្នាំ​២០២០ ឯកឧត្តម ជាវ តា​យ អភិបាល​ខេត្ត​កំពត បាន​លើកឡើង​ថា គ្រប់​សមាសភាព និង​អ្នកពាក់ព័ន្ធ​ទាំងអស់ ក្រោយពី​ទទួលបាន​នូវ​យន្តការ​នៃ​សេចក្ដីសម្រេច​ថ្មី​នេះ ត្រូវ​ចូលរួម​បង្កើន​ស្មារតី​ឆន្ទៈ ត្រៀមលក្ខណៈ អនុវត្ត​ការងារ​តាម​តួនាទី​ភារកិច្ច​ដូច​បាន​កំណត់​ក្នុង​សេចក្តីសម្រេច​របស់​គណៈ​កម្មា​ធិ​ការ ពោល​គឺ​ត្រូវ​ត្រៀម​លក្ខណៈ​ទាំង​មធ្យោបាយ​សម្ភារៈ និង​យន្តការ​ក្នុង​បេសកកម្ម​ជួយ​សង្គ្រោះ ព្រមទាំង​ការកាត់បន្ថយ​ហានិភ័យ​ផ្សេងៗ ដោយ​ប្រើ​វិធានការ​សរុប មធ្យោបាយ​សរុប កម្លាំង​សរុប ឲ្យបាន​សកម្ម​ថែមទៀត​។

​ឯកឧត្តម​អភិបាលខេត្ត​បាន​សង្កត់ធ្ងន់ថា យើង​មិន​អាច​មើលឃើញ ឬ​កំណត់​គ្រោះមហន្តរាយ​ធម្មជាតិ​បាន ប៉ុន្តែ​យើង​អាច​ត្រៀមលក្ខណៈ​ទុកជាមុន ដើម្បី​អាច​ចៀសវាង​បាន ឬ​កាត់​បន្ថយ​ហានិភ័យ​ឲ្យបាន​ច្រើន​បំផុត តាម​ដែល​អាច​ធ្វើទៅបាន នៅតាម​ក្រុង​ស្រុក​និមួយៗ​។​

​ក្នុងឱកាស​នោះ​ដែរ ឯកឧត្តម ជាវ តា​យ បាន​បញ្ជាក់​ដែរ​ថា សម្រាប់​ខេត្ត​កំពត​បញ្ហា​ដែល​តែងតែ​កើតមាន​ជា​រៀងរាល់​ឆ្នាំ​គឺ​ទឹកជំនន់​លិច​ក្រុង និង​បណ្តា​ស្រុក​មួយចំនួន តែ​ឆ្នាំនេះ​ខេត្ត​កំពត​មិន​បាន​ទទួល​រងគ្រោះ​ដោយ​ទឹកជំនន់​នោះទេ ហើយ​ជា​បន្តបន្ទាប់​ទៀត រដ្ឋបាល​ខេត្ត​នឹង​រៀបចំ​ក្រុង​ឲ្យ​កាន់តែ​ស្អា​ត់ ជាពិសេស​ការស្តា និង​ស្ថាបនា​ហេដ្ឋារចនាសម្ព័ន​ផ្លូវថ្នល់ ប្រព័ន្ធ​លូបង្ហូរទឹក ប្រឡាយ​ព្រែកជីក ការស្តា​ព្រែក​កំពង់បាយ និង​ការរៀបចំ​អាង​ចម្រុះ​ទឹក​កខ្វក់​ជាដើម ដើម្បី​បង្កើន​សោភ័ណ្ឌភាព និង​ធានាបាន​ថា ខេត្ត​កំពត​មិន មានការ​ជន់​លិច​ក្រុង​ទៀត​ទេ ពេល​មាន​ភ្លៀង​ធ្លាក់​ខ្លាំង ឬ​ពេល​បើកទ្វារ​ទឹក​ទំនប់​វា​រី​អគ្គីសនី​កំចាយ​។​

​ជាមួយ​ឱកាស​នោះដែរ ឯកឧត្តម​អភិបាលខេត្ត​ក៏​បាន​ធ្វើ​ការណែនាំ​ដល់​អភិបាលក្រុង ស្រុក ក៏​ត្រូវតែ​អនុវត្ត​រៀបចំ កែសម្រួល​សមាសភាព​គណៈ​កម្មា​ធិ​ការគ្រប់គ្រង​គ្រោះមហន្តរាយ​នៅ​ថ្នាក់​ក្រុង ស្រុក និង​ឃុំ សង្កាត់ ដូចគ្នា​នោះ​ថ្នាក់​ខេត្ត​ផងដែរ​។ ដើម្បី​ធ្វើ​យ៉ាងណាឲ្យ​យន្តការ​ការងារ​គ្រប់គ្រង​គ្រោះ​មហន្តរាយ​នេះ​ស្រប​តាម​អនុក្រឹត្យ​លេខ​១៨៨ អនក្រ​.​បក​ស្តីពី​ការរៀបចំ និង​ការប្រព្រឹត្តិទៅ របស់​គណៈកម្មាធិការ​គ្រប់គ្រង​គ្រោះមហន្តរាយ​ថ្នាក់ក្រោម​ជាតិ ឲ្យបាន​ដំណើរការ​ប្រកបដោយ​ប្រសិទ្ធភាព និង​ឆ្លើយតប​ក្នុង​ការជួយ​សង្គ្រោះ ព្រមទាំង​កាត់​បន្ថយ​បាន​នូវ​ហានិភ័យ​ផ្សេងៗ​ជូន​ដល់​ប្រជាពលរដ្ឋ​រងគ្រោះ នៅក្នុង​សហគមន៍​បាន​ទាន់ពេលវេលា​និង​មាន​ប្រសិទ្ធភាព​ខ្ពស់​៕ សេង ណា​រិទ្ធ​

Filed in: ព័ត៌មានជាតិ

Recent Posts

Bookmark and Promote!

Leave a Reply

Submit Comment
«រស្មីស្ទឺងត្រង់ | Rasmei Stoeng Trang» ព័ត៌មានថ្មីៗ ទាន់ហេតុការណ៍ !​ ទាក់ទងផ្តល់​ព័ត៌មាន តាមទូរស័ព្ទលេខ 011 40 37 29 | 097 72 88 071 ឬ តាម Whatsapp | Telegram : 011 40 37 29 | 097 72 88 071 ! សូមអរគុណ !

©២០១៨ រក្សាសិទ្ធិដោយសារព័ត៌មាន «រស្មីស្ទឺងត្រង់ | Rasmei Stoeng Trang» | ទូរស័ព្ទ៖ 011 40 37 29 | 097 72 88 071 | អ៊ីម៉ែល៖ mailtobot168@gmail.com

អាសយដ្ឋាន ៖ ផ្ទះលេខ ៦៤០ ផ្លូវលំ ភូមិរាំងដេក ឃុំគគីរធំ ស្រុកកៀនស្វាយ ខេត្តកណ្ដាល