ទាន់ហេតុការណ៍
លោកជំទាវ ម៉ែន សំអន ស្នើ​ឱ្យ​មន្ទីរ ស្ថាបន័​ពាក់ព័ន្ធ ក្នុង​ខេត្ត​ស្វាយរៀង ត្រូវ​បន្ដ​សហការ​គ្នា​ឱ្យ​ល្អ ក្នុង​ការជួយ​ដល់​ប្រជាពលរដ្ឋ​ - សម្ដេច​តេជោ ហ៊ុន សែន​៖ ការប្រើ​ពាក្យ​ថា «​សមិទ្ធិផល​ថ្មី​លើ​ដី​សន្តិភាព​» គឺជា​រឿង​ត្រឹមត្រូវ​ណាស់​ - សម្តេច​តេជោ ហ៊ុន សែន អញ្ជើញ​បើក​ការដ្ឋាន​សាងសង់​ស្ពានបេតុង​ខ្សែ​កាប្លិ៍​ឆ្លងកាត់​ទន្លេបាសាក់ ពី​តំបន់​កោះ​ពេជ្រ ទៅ​កាន់​ទីក្រុង​រណប​កោះ​ន​រា និង​ពី​កោះនរា ទៅ​ផ្លូវ​ជាតិ​លេខ​១ - ​នាយ​ឧត្តមសេនីយ៍ សែម សុវណ្ណនី អញ្ជើញ​ជា​អធិបតី​ក្នុង​ពិធី​ជូន​ដំណើរ​កង​ម្លាំង​មួក​ខៀវ​កម្ពុជា​៧៣​នាក់​ទៅ​បំពេញបេកកម្ម​ក្រោមឆ​ត្រអង្គ​ការសហ​ប្រជាតិ - កម្លាំង​នគរបាល​ខេត្ត​កែប សហការ​ចុះបង្ក្រាប​ល្បែងស៊ីសង​ជល់​មាន់ នៅ​ស្រុក​ដំណាក់​ចង្អើរ​ - ​សម្តេច​តេជោ ហ៊ុន សែន បន្ត​អញ្ជើញ​ចុះសួរសុខទុក្ខ និង​ចែក​អំណោយ​ជូន​ពលរដ្ឋ​រងគ្រោះ​ជំនន់​ទឹកភ្លៀង នៅ​ស្រុក​អូរជ្រៅ និង​ម៉ាឡៃ ១​ម៉ឺន​គ្រួសារ​ទៀត​ - ជនសង្ស័យ​ចំនួន​១៤​នាក់ ត្រូវបាន អាវុធហត្ថ​រាជធានី​ភ្នំពេញ បញ្ជូនទៅ​តុលាការ​ពាក់ព័ន្ធ​ករណី​គ្រឿងញៀន​ - សម្ដេច​តេជោ ហ៊ុន សែន អញ្ជើញ​សួរសុខទុក្ខ និង​ផ្ដល់​អំណោយ​ជូន​ប្រជាពលរដ្ឋ​ធំ​រង​គ្រោះ​ទឹកជំនន់ នៅ​ស្រុក​ថ្មពួក ខេត្ត​បន្ទាយមានជ័យ (​គោលដៅ​ទី​មួយ​ចំនួន​៥០០០​គ្រួសារ​) - រដ្ឋ​មន្ត្រី​សង្គមកិច្ច ជួប​សំណេះសំណាល សួរសុខទុក្ខ និង​នាំយក​អំណោយ​ចែកជូន​ដល់​ប្រជាជន​ចំនួន ២០០ គ្រួសារ ដែល​ងាយ​រងគ្រោះ អំឡុង​ពេល​ប្រយុទ្ធ​នឹង​ជំងឺ​កូវី​ដ​១៩ និង បងប្អូន​រងគ្រោះ ដោយ​ទឹកជំនន់​ - ​ឯកឧត្តម ហ៊ុន ម៉ា​នី នាំយក​អំណោយ​ស្ថានទូត​ចិន​ប្រចាំ​កម្ពុជា ចែក​ជូន​ពលរដ្ឋ​រង​គ្រោះ​ដោយ​សារ​ទឹកជំនន់​៨០០​គ្រួសារ នៅ​ខណ្ឌ​ដង្កោ
0

សិក្ខាសាលា​ពិគ្រោះ​យោបល់ ស្ដីពី​ការរៀបចំ​ផែនការ​បែងចែក​តំបន់​ប្រើប្រាស់​ឆ្នេរសមុទ្រ​ខេត្តកំពត

សិក្ខាសាលា​ពិគ្រោះ​យោបល់ ស្ដីពី​ការរៀបចំ​ផែនការ​បែងចែក​តំបន់​ប្រើប្រាស់​ឆ្នេរសមុទ្រ​ខេត្តកំពត

(​ខេត្ត​កំពត​)៖ នៅ​ព្រឹក​ថ្ងៃទី​២៥ ខែ​កញ្ញា ឆ្នាំ​២០២០ លោក នៃ គង់ អភិបាលរង​ខេត្ត និង​ជា​ប្រធាន​គម្រោង ICM តំណាង​ដ៏​ខ្ពង់ខ្ពស់ លោក ជាវ តា​យ អភិបាល​នៃ​គណៈ​អភិបាលខេត្ត​កំពត បាន​អញ្ជើញ​ចូលរួម​ក្នុង​ពិធី​បើក​សិក្ខាសាលា​ពិគ្រោះ​យោបល់ ស្ដីពី​ការរៀបចំ​ផែនការ​បែងចែក​តំបន់​ប្រើប្រាស់​ឆ្នេរសមុទ្រ ដោយ​មាន​ការអញ្ជើញ​ចូលរួម​ពី​លោក លោកស្រី ប្រធាន អនុប្រធាន​មន្ទីរ​អង្គភាព​ជុំវិញ​ខេត្ត កងកម្លាំង​ទាំង​បី​ប្រភេទ អភិបាល​ក្រុង​ស្រុក លោក​មេឃុំ​ចៅសង្កាត់​ពាក់ព័ន្ធ តំណាង​សហគមន៍​នេសាទ តំណាង​សហគមន៍​ការពារ​ព្រៃកោងកាង តំណាង​កំពង់ផែ​វិញ​ហួរ កំពង់ផែ​គ្រី​ស្តាល់​រ៉ាយ តំណាង​កំពង់ផែ​ទ្រី​ភាព មន្ត្រី​ជំនាញ និង​ទីប្រឹក្សា​សរុប​ចំនួន ១០០​នាក់​។ សិក្ខាសាលា​នេះ​រៀបចំ​ដោយ​ការិយាល័យ​គ្រប់គ្រង​តំបន់ឆ្នេរ​ខេត្តកំពត និង​គាំទ្រ​ថវិកា​ដោយ​អង្គការ PEMSEA​។

​នៅក្នុង​ឱកាស​នេះ​ដែរ លោក នៃ គង់ អភិបាលរង​ខេត្ត បាន​មានប្រសាសន៍ថា ខេត្ត​កំពត​ជា​ខេត្ត​មួយ​ក្នុង​ចំណោម​ខេត្ត​ទាំង​បួន​ជាប់​មាត់សមុទ្រ​នៃ​ព្រះរាជាណាចក្រ​កម្ពុជា​ដែល​មាន​ឆ្នេរសមុទ្រ​ប្រវែង ៦៦,៥០​គម ដែល​បច្ចុប្បន្ន​កំពុងតែ​មាន​សកម្មភាព​សេដ្ឋកិច្ច​យ៉ាង​មមាញឹក ដូចជា​ការសាងសង់​កំពង់ផែ​ទឹក​ជ្រៅ កំពង់ផែ​ទេសចរណ៍​អន្តរជាតិ តំបន់​សេដ្ឋកិច្ច​ពិសេស តំបន់ឧស្សាហកម្ម និង​វារីវប្បកម្ម​សមុទ្រ ជាដើម ។​ល​។ ប៉ុន្តែ​សកម្មភាព​ទាំងនេះ​នៅ​មាន​បញ្ហា​ប្រឈម​កើតឡើង​ជារឿយៗ​ចំពោះ​ការប្រើប្រាស់​តំបន់​ទាំងនោះ ដោយសារតែ​មាន​ការខ្វែង​គំនិត​គ្នា រវាង​ការអភិវឌ្ឍន៍​និង​ការអភិរក្ស ដូចនេះ ការរៀបចំ​បែក​ចែក​ប្រើប្រាស់​តំបន់ឆ្នេរ ពិតជា​មាន​សារៈសំខាន់​សម្រាប់​ការអភិវឌ្ឍន៍​និង​ការអភិរក្ស​តំបន់ឆ្នេរ​ខេត្តកំពត នឹង​កាត់បន្ថយ​នូវ​វិវាទ​ទាំងឡាយ​ដែល​បណ្ដាល​មកពី​ការប្រើប្រាស់ និង​រក្សាបាន​នូវ​ការអភិរក្ស​ធនធាន​សមុទ្រ​ប្រកបដោយ​ចីរភាព ។ ផែនការ​បែងចែក​ប្រើប្រាស់​តំបន់ឆ្នេរ​ធ្វើឲ្យ​មាន​ការទាក់ទាញ​វិនិយោគិ​ន មក​វិនិយោគ​នៅតាម​តំបន់ឆ្នេរ​បន្ថែមទៀត ព្រោះ​ជា​ផែនទី​បង្ហាញផ្លូវ​ដល់​ពួកគាត់​ក្នុង​ការសម្រេចចិត្ត​ជ្រើសរើស​តំបន់​ត្រឹមត្រូវ​និង​មាន​សុខដុម​នីយកម្ម​គ្រប់ភាគី​ពាក់ព័ន្ធ​។

​ជា​ចុងក្រោយ លោក​អភិបាលរង​ខេត្ត​បាន​ធ្វើការ​ផ្តាំផ្ញើ​ដល់​សិក្ខាកាម​ទាំងអស់ យកចិត្តទុកដាក់​នៅ​ក្នុង​ការពិភាក្សា ផ្ដល់យោបល់ ចែករំលែក​បទពិសោធ​ន៍​ដែល​ខ្លួន​កំពុងតែជួបប្រទះ​ជាក់ស្ដែង​នៅតាម​មូលដ្ឋាន​រៀងៗ​ខ្លួន ដើម្បី​ជា​ធាតុ​ចូល​យ៉ាង​សំខាន់​ក្នុង​អង្គ​សិក្ខាសាលា​នេះ​ឲ្យទទួល​បាន​លទ្ធផល​ជោគជ័យ ៕

Filed in: ព័ត៌មានជាតិ

Recent Posts

Bookmark and Promote!

Leave a Reply

Submit Comment
«រស្មីស្ទឺងត្រង់ | Rasmei Stoeng Trang» ព័ត៌មានថ្មីៗ ទាន់ហេតុការណ៍ !​ ទាក់ទងផ្តល់​ព័ត៌មាន តាមទូរស័ព្ទលេខ xxx xxx xxx ឬ តាម Whatsapp : xxx xxx xxx | Telegram : xxx xxx xxx ! សូមអរគុណ !

©២០១៨ រក្សាសិទ្ធិដោយសារព័ត៌មាន «រស្មីស្ទឺងត្រង់ | Rasmei Stoeng Trang»ា | ទូរស័ព្ទ៖ xxx xxx xxx | អ៊ីម៉ែល៖ mailtobot@gmail.com

សហការផ្តល់ព័ត៌មាន៖ xxx xxx xxx | អ៊ីម៉ែល ៖ mailtobot@gmail.com