ឃុំបន្ទាយដែក ៖ នៅថ្ងៃព្រហស្បត៍ ១២កើតខែអស្សុជ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី២៦ ខែតុលា ឆ្នាំ២០២៣ វេលាម៉ោង ០៨:០០នាទី នៅវត្តសិរីបន្ទាយដែក មានរៀបចំពិធីក្រុងពិលី ដើម្បីត្រៀមប្រណាំងនៅក្រុងតាខ្មៅ ថ្ងៃទី ២៩ ខែតុលា ឆ្នាំ២០២៣ ខាងមុខ ។ នាឱកាសនោះផងដែរ ក៏មានការជួបសំណេះសំណាលជាមួយកីឡាករទូកងទាំង ៤ ក្នុងវត្តសិរីបន្ទាយដែក ក្រោមអធិបតីភាព ព្រះគ្រូចៅអធិការវត្តសិរីបន្ទាយដែក លោក ទេព សុផាត មេឃុំបន្ទាយដែក លោក កែម សុគួន សមាជិកក្រុមប្រឹក្សាឃុំ លោកវ.ត្រី សុខ ណេត នាយប៉ុស្តិ៍នគរបាលរដ្ឋបាលបន្ទាយដែក លោក លោកស្រីមេភូមិ អនុភូមិ ប្រជាការពារក្រុមកីឡាករទូក ង ។
ក្នុងពិធីក្រុងពិលីនេះដែរ លោក មេឃុំបន្ទាយដែក បានប្រគេនថិវិកាចំនួន ២ លានរៀល ដល់ព្រះចៅអធិកាវត្ត ដើម្បីចាត់ចែងទូកងចំនួន ៤ ក្នុងវត្តសិរីបន្ទាយដែក ៕
