ទាន់ហេតុការណ៍
លោក អភិបាលរាជធានីភ្នំពេញ បានអញ្ជើញចុះ ត្រួតពិនិត្យ មើលវឌ្ឍភាពការងារស្ថាបនាផ្លូវនៅមុខទីស្តីការគណៈរដ្ឋមន្រ្តី - ​លោក សោម ពិសិដ្ឋ ដឹកនាំ​កិច្ចប្រជុំ​គណ​:​បញ្ជាការ​ឯកភាព រដ្ឋបាល​ខេត្ត​កែប​ - សេចក្តីជូនដំណឹង - ​ឯកឧត្តម​ឧត្តមសេនី​យ៍​ឯក​ហ៊ុន​ម៉ាណែត និង​លោកជំទាវ​ឧបត្ថម្ភ​រថយន្ត​សង្គ្រោះ​មួយ​គ្រឿង​ដល់​ស្នងការដ្ឋាន​នគរបាល​ខេត្ត​កណ្តាល​ - ​ប្រជាពលរដ្ឋ​ជួប​បញ្ហា​ខ្វះខាត ចំនួន​១០​គ្រួសារ នៅ​ភូមិ​កោះ​សោម ឃុំ​អង្កោល បាន​ទទួល​អំណោយ​ពី​សហភាព​សហព័ន្ធ​យុវជន​កម្ពុជា​ខេត្ត​កែប​ - លោក គង់សោភ័ណ្ឌអភិបាល ខេត្តកណ្តាល បានអញ្ជើញ ក្នុងកិច្ចប្រជុំ ពិភាក្សាដោះស្រាយ ដីធ្លីមួយ ចំនួនក្នុងស្រុក កៀនស្វាយ ខេត្តកណ្តាល - លោក នុត ពុធដារ៉ា អភិបាលរង ខេត្តកណ្ដាល ជំរុញអោយអភិបាលក្រុង/ ស្រុក និងមន្ទីរ អង្គភាព ពាក់ព័ន្ធ ត្រូវឆ្លើយតបនូវរាល់លិខិតរបស់ក្រសួងមហាផ្ទៃ ពាក់ព័ន្ធ នឹងការចុះផ្សាយរបស់សារព័ត៌មាន អោយបានលឿន និង ទទួលយកបាន! - លោក គីម រិទ្ធី អញ្ជើញជាអធិបតីភាព ក្នុងពិធីប្រកាសតែងតាំង លោក ខណ្ណារ៉ា អេលីត ជាប្រធានការិយាល័យគយ និង រដ្ឋករជ្រៃធំ នៃសាខាគយរដ្ឋករ ខេត្តកណ្ដា ជំនួសលោក មួង ដារ៉ា - ​កិច្ចប្រជុំ​ស្តីពី​ការចុះ​ធ្វើ​សវនកម្ម​លើ​ការគ្រប់គ្រង​ហិរញ្ញវត្ថុ និង​ការគ្រប់គ្រង​ទ្រព្យសម្បត្តិ​រដ្ឋ សម្រាប់​ការិយបរិច្ឆេទ​ឆ្នាំ ២០១៩ និង​ឆ្នាំ​ពាក់ព័ន្ធ​របស់​រដ្ឋបាល​ខេត្ត​ - សម្ដេច​តេជោ ហ៊ុន សែន អបអរសាទរ​ទិវា​មច្ឆា​ជាតិ ថ្ងៃទី​១ ខែកក្កដា ឆ្នាំ​២០២០
0

លោក​អភិបាល​ខេត្ត​កំពត ប្រាប់​មន្ត្រី​ឲ្យខិត​ខំ​រួមគ្នា​ជំរុញ​ការងារ​ផ្តល់​សេវា​សុខាភិបាល​ឲ្យ​កាន់តែ​ប្រសើរ​

លោក​អភិបាល​ខេត្ត​កំពត  ប្រាប់​មន្ត្រី​ឲ្យខិត​ខំ​រួមគ្នា​ជំរុញ​ការងារ​ផ្តល់​សេវា​សុខាភិបាល​ឲ្យ​កាន់តែ​ប្រសើរ​

(​ខេត្ត​កំពត​)៖ សិទ្ធិ និង​ការទទួលខុសត្រូវ លើ​មន្ទីរ​សុខាភិបាល ត្រូវបាន​រាជរដ្ឋាភិបាល​ធ្វើកំណែទម្រង់ ផ្ទេរ​ឲ្យ​ស្ថិត​នៅ​ក្រោមការ​គ្រប់​គ្រង់​ផ្ទាល់ របស់​រដ្ឋបាល​ខេត្ត​និមួយៗ ទាំង​ធនធាន​ហិរញ្ញវត្ថុ ធនធានមនុស្ស និង​រចនាសម្ព័ន្ធ​គ្រប់គ្រង​ផ្សេងៗ ។ ដើម្បី​សម្រេច​ការងា​នេះ អភិបាល​ខេត្ត​កំពត​បា​ន​ណែនាំ​ដល់​មន្ត្រី​ទាំងអស់ ត្រូវ​ខិតខំ​រួម​សហការ​គ្នា ជំរុញ​ដល់​ការងារ​ផ្តល់​សេវា​សុខាភិបាល​ឲ្យ​កាន់តែ​ល្អ​ប្រសើរ​ថែម​ទៀត ពិសេស​នៅតាម​មូលដ្ឋាន​។

​ថ្លែង​នៅក្នុង​ពិធី​ផ្សព្វផ្សាយ​ដាក់ឲ្យ​ដំណើរការ មន្ទីរ​សុខាភិបាល​ខេត្ត​កំពត នៅក្រោម​រចនាសម្ព័ន្ធ​រដ្ឋបាល​ខេត្ត​ជា​ផ្លូវការ នៅ​រសៀល​ថ្ងៃ​ទី​១១ ខែមិថុនា ឆ្នាំ​២០២០ នៅ​សាលប្រជុំ​សាលាខេត្ត​កំពត លោក ជាវ តា​យ អភិបាល​ខេត្ត​កំពត បាន​មានប្រសាសន៍ថា ការផ្ទេរ​ធនធាន​ហិរញ្ញវត្ថុ ធនធានមនុស្ស និង​រចនាសម្ព័ន្ធ​គ្រប់គ្រង​របស់​មន្ទីរ​សុខាភិបាល​ខេត្ត ឲ្យ​ស្ថិតនៅក្រោម​ការគ្រប់គ្រង​ផ្ទាល់​របស់​រដ្ឋបាល​ខេត្ត គឺជា​ការអនុវត្ត​កម្មវិធី​កំណែទម្រង់​វិមជ្ឈការ និង​វិសហមជ្ឈការ ក្នុង​គោលបំណង​បង្កើន​ប្រសិទ្ធភាព គុណភាព តម្លាភាព ប្រកប​ដោយ​ក្រមសីលធម៌​វិជ្ជាជីវៈ និង​អាច​ឆ្លើយតប​តម្រូវការ​ទាន់ពេលវេលា ក្នុង​ការផ្តល់​សេវា​សុខាភិបាល​ជូន​ដល់​ពលរដ្ឋ ឲ្យ​កាន់តែ​ប្រសើរ និង​ចូលរួម​គាំពារ​សុខមាលភាព​ប្រជាជន​ដល់​មូលដ្ឋាន​។

​លោក​បាន​បញ្ជាក់​ផងដែរ​ថា បើទោះជា​មន្ទីរ​សុខាភិបាល​ត្រូវ​ផ្ទេរ​ឲ្យ​ស្ថិត​នៅ​ក្រោមការ​គ្រប់​គ្រង់​របស់​រដ្ឋបាល​ខេត្ត​ក៏ពិតមែន ប៉ុន្តែ​អ្វី​ដែល​មាន ត្រូវតែ​រក្សាទុក​នៅ​ដដែល ដូចជា​រចនាសម្ព័ន្ធ និង​ប្រាក់​បៀរ​វត្ស​ជាដើម​។ ប៉ុន្តែ​អ្វី​ជា​ការងារ​សំខាន់ គឺ​មន្ត្រី​ទាំងអស់ ត្រូវ​ចេះ​សហការ​រួម​គ្នា​ជំរុញ ដល់​ការងារ​ផ្តល់​សេវា​សុខាភិបាល​ឲ្យបាន​កាន់តែ​ប្រសើរ និង​ឆ្លើយតបបាន​ទាន់ពេលវេលា ពិសេស​ការអនុវត្ត​ការងារ​នៅតាម​មូលដ្ឋាន​។​

​បើ​តាម​មន្ត្រី​ជំនាញ ប្រព័ន្ធ​គ្រប់គ្រង​ថ្មី​នេះ ក្រសួង​សុខាភិបាល​ត្រូវតែ​ទទួលខុសត្រូវ និង​គណនេយ្យភាព​ចំពោះ​រាជរដ្ឋាភិបាល​, ក្រុមប្រឹក្សា និង​គណៈ​អភិបាលខេត្ត ត្រូវ​ទទួលខុសត្រូវ និង​គណនេយ្យភាព​ចំពោះ ក្រសួង​សុខាភិបាល និង​ប្រជាពលរដ្ឋ​ក្នុង​ដែន​សមត្ថកិច្ច​របស់​ខ្លួន ចំពោះ​ការផ្តល់​សេវា​សុខាភិបាល​។ រីឯ​ប្រធាន​មន្ទីរ​សុខាភិបាល​វិញ ក៏​ត្រូវ​មាន​ការទទួល​ខុសត្រូវ​និង​គណនេយភាព ចំពោះ​ក្រុមប្រឹក្សា និង​គណៈ​អភិបាលខេត្ត​ដែរ ក្នុង​ការគ្រប់គ្រង ការចាត់ចែង ការគាំទ្រ​ផ្នែក​បច្ចេកទេស និង​ការតាមដាន​ត្រួតពិនិត្យ​លើ​ការផ្តល់​សេវា​សុខាភិបាល​ដែល​បាន​ប្រគល់​ទៅឲ្យ​រដ្ឋបាល​ខេត្ត​នោះ​៕

Filed in: ព័ត៌មានជាតិ

Recent Posts

Bookmark and Promote!

Leave a Reply

Submit Comment
«រស្មីស្ទឺងត្រង់ | Rasmei Stoeng Trang» ព័ត៌មានថ្មីៗ ទាន់ហេតុការណ៍ !​ ទាក់ទងផ្តល់​ព័ត៌មាន តាមទូរស័ព្ទលេខ xxx xxx xxx ឬ តាម Whatsapp : xxx xxx xxx | Telegram : xxx xxx xxx ! សូមអរគុណ !

©២០១៨ រក្សាសិទ្ធិដោយសារព័ត៌មាន «រស្មីស្ទឺងត្រង់ | Rasmei Stoeng Trang»ា | ទូរស័ព្ទ៖ xxx xxx xxx | អ៊ីម៉ែល៖ mailtobot@gmail.com

សហការផ្តល់ព័ត៌មាន៖ xxx xxx xxx | អ៊ីម៉ែល ៖ mailtobot@gmail.com