ទាន់ហេតុការណ៍
​អភិបាលខេត្ត​កំពង់ចាម ដាក់​គោលការណ៍ ៤ ចំណុច ពាក់ព័ន្ធ​ការប្រមូល​សំរាម​របស់​ក្រុមហ៊ុន​ស៊ីន​ទ្រី នៅក្នុង ៨ ក្រុង ស្រុក​ - សម្តេច​តេជោ ហ៊ុន សែន អញ្ជើញ​ព្រលែង​កូន​ត្រី ក្នុង​ទិវា​មច្ឆជាតិ​១​កក្កដា នៅ​អាង​ត្រពាំងថ្ម ខេត្ត​បន្ទាយមានជ័យ​ - សម្តេច​តេជោ ហ៊ុន សែន អញ្ជើញ​ជួប​ឯកឧត្តម Gotaro OGAWA អតីត​ឯកអគ្គរដ្ឋទូត​ជប៉ុន ប្រចាំ​ព្រះរាជាណាចក្រ​កម្ពុជា ពី​ឆ្នាំ​២០០០ ដល់​ឆ្នាំ​២០០៣ ចូលជួប​សំដែង​ការគួរសម​ - ​ចាស់ជរា​គ្មាន​ទីពឹង​២​នាក់​ប្តី​ប្រពន្ធ មាន​ជំងឺ​ប្រចាំកាយ ពិការ​សម្រាក​នៅ​លើ​គ្រែ​ដើរ​ពុំរួច ទទួលបាន​អំណោយ​ពី ឧត្តមសេនីយ៍ឯក រ័ត្ន ស្រ៊ាង​! - អគ្គនាយក​ក្រុមហ៊ុន ឃ្វី​ន លី​ហ្គើ​ស៊ី គ្រុប ខូ​អិល ធី​ឌី បាន​ផ្ដល់​វិទ្យុ​(ID)​ចំនួន​10​គ្រឿង ឧបត្ថម្ភ​ជូន​អធិការដ្ឋាន​នៃ​អធិការ​ស្រុក​កៀនស្វាយ​ - ​សម្ដេច​តេជោ ហ៊ុន សែន អញ្ជើញ​ជួប​ឯ​កឧត្តម​បណ្ឌិត Takeshi kasai នាយក​ប្រចាំ​តំបន់​អាស៊ី​ប៉ា​ស៊ី​ហ្វីក នៃ​អង្គការ​សុខភាព​ពិភពលោក (WHO) ចូលជួប​សម្ដែង​ការគួរសម​ - រាជរដ្ឋាភិបាល​កម្ពុជា​កំណត់​យក​ថ្ងៃអាទិត្យ ទី​២៣ ខែកក្កដា ឆ្នាំ​២០២៣ ជា​ថ្ងៃ​បោះឆ្នោត​ជ្រើសតាំង​តំណាងរាស្ត្រ សម្រាប់​នីតិកាល​ទី​៧ នៃ​រដ្ឋសភា​ - ​ឯកឧត្តម អ៊ុន ចាន់​ដា អញ្ជើញ​ដឹកនាំ​កិច្ចប្រជុំ ពិនិត្យ ពិភាក្សា​គម្រោង​អភិវឌ្ឍន៍​សួនច្បារ​មាត់ទន្លេ ក្រុង​កំពង់ចាម​ - លោក​ឧត្តមសេនីយ៍ឯក រ័ត្ន ស្រ៊ាង បាន​ចូលរួម​ក្នុង​មិ​ទ្ទិញ​អបអរសាទរ​ខួប​អនុស្សាវរីយ៍​លើក​ទី​៧១ ថ្ងៃ​បង្កើត​គណបក្ស​ប្រជាជន​កម្ពុជា (២៨ មិថុនា ឆ្នាំ​១៩៥១ – ២៨ មិថុនា ឆ្នាំ​២០២២) - ឯកឧត្តម ខៀវ កាញារីទ្ធ រដ្ឋមន្ត្រី ក្រសួង​ព័ត៌មាន បាន​ចូលរួម​ជា​គណៈអធិបតី​ក្នុង​កម្មវិធី ជួបជុំ​អាហារ​សាមគ្គី យុវជន​សារព័ត៌មាន និង​ប្រគល់​ពានរង្វាន់​អ្នកកាសែត​ឆ្នើម ឆ្នាំ​២០២២
0

សម្តេច​តេជោ ហ៊ុន សែន និង​នាយករដ្ឋមន្ត្រី​វៀតណាម អញ្ជើញ​ប្រារព្ធ​ខួប​លើក​ទី​៤៥​នៃ​ទិវា​ការចងចាំ​ដំណើរ​ឆ្ពោះទៅ​កាន់​ការផ្ដួលរំលំរ​បប​ប្រល័យពូជសាសន៍ ប៉ុល ពត និង​សម្ពោធ​សមិទ្ធផល​នានា​

សម្តេច​តេជោ ហ៊ុន សែន និង​នាយករដ្ឋមន្ត្រី​វៀតណាម អញ្ជើញ​ប្រារព្ធ​ខួប​លើក​ទី​៤៥​នៃ​ទិវា​ការចងចាំ​ដំណើរ​ឆ្ពោះទៅ​កាន់​ការផ្ដួលរំលំរ​បប​ប្រល័យពូជសាសន៍ ប៉ុល ពត និង​សម្ពោធ​សមិទ្ធផល​នានា​

«គេហទំព័រ រស្មីស្ទឹងត្រង់ | Rasmeistoengtrang News» ទូរស័ព្ទទំនាក់ទំនង011 40 37 29 | 097 72 88 071

http://www.rasmeistoengtrang.com

ព្រឹក​ថ្ងៃ​ចន្ទ ៦​រោច ខែ​ជេស្ឋ ឆ្នាំ​ខាល ចត្វា​ស័ក ព​.​ស​. ២៥៦៦ ត្រូវ​នឹង ថ្ងៃទី​២០ ខែមិថុនា ឆ្នាំ​២០២២ សម្តេច​អគ្គមហាសេនាបតី​តេជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា និង ឯកឧត្តម Phạm Minh Chính នាយករដ្ឋមន្ត្រី​វៀតណាម​បាន អញ្ជើញ​ជា​អធិបតី ក្នុង​ខួប​លើក​ទី​៤៥​នៃ​ទិវា​ការចងចាំ​ដំណើរ​ឆ្ពោះទៅ​កាន់​ការផ្ដួលរំលំរ​បប​ប្រល័យពូជសាសន៍ ប៉ុល ពត (២០ មិថុនា ១៩៧៧ – ២០ មិថុនា ២០២២) និង សម្ពោធ​សមិទ្ធផល​នានា​នៅ​តំបន់​ប្រវត្តិសាស្ត្រ​យោធា​តេ​ជោកោះ​ថ្ម X16 ស្ថិតនៅ​ភូមិ​កោះ​ថ្ម ឃុំ​ទន្លូ​ង ស្រុក​មេមត់ ខេត្ត​ត្បូងឃ្មុំ​។

​ក្នុងឱកាស​រំលឹក​ទិវា​ជា​ប្រវត្តិសាស្ត្រ​នេះ សម្តេច​តេជោ ហ៊ុន សែន បាន​ថ្លែងអំណរគុណ ដល់​នាយករដ្ឋមន្ត្រី​វៀតណាម ដែល​អនុញ្ញាត​ឲ្យសម្តេចបាន​អញ្ជើញ​ទៅ​អ៊ុច​ធូប និង​ថ្លែងអំណរគុណ​ពលរដ្ឋ​វៀតណាម ដែល​បាន​ជួយ​សម្តេច​កាលពី​៤៥​ឆ្នាំមុន ក្នុង​ដំណើរ​ទៅ​ស្វែងរក​កម្លាំង​ដើម្បី​រំដោះ​ប្រជាជន​កម្ពុជា​ពីរ​របស់ ប៉ុល ពត​។ សម្តេច​តេជោ ហ៊ុន សែន បាន​មានប្រសាសន៍ថា កាលពី​រយៈពេល ៤៥​ឆ្នាំមុន នៃ​ដំណើរ​តស៊ូ​រំដោះជាតិ សម្ដេច​មាន​ជំរើស​មួយចំនួន ដែល​សម្តេច​ត្រូវ​សម្រេច​ជ្រើសរើស តែ​អ្វី​ដែល​សម្តេច​បាន​ជ្រើសរើស​នាពេលនោះ គឺ​ត្រូវ​ឆ្លងដែន​ចូល​ទៅ​កាន់​ប្រទេស​វៀតណាម​ដោយ​ខុសច្បាប់ ដើម្បី​សុំ​អន្តរាគមន៍​ជំនួយ​គាំទ្រ​ផ្នែក​ប្រដាប់អាវុធ ដើម្បី​រំដោះ​ប្រជាជន​កម្ពុជា​ពី​របប​អាវខ្មៅ ឃោរឃៅ យង់ឃ្នង​នោះ​។ សម្តេច​តេជោ នាយករដ្ឋមន្ត្រី បាន​មានប្រសាសន៍​បញ្ជាក់​ថា កាលពី​អំឡុង ៤៥​ឆ្នាំ​មុន​នោះ គឺ​ជា​ការសម្រេចចិត្ត​ស្លាប់​-​រស់ ដែល​យើង​មិន​មាន​ជម្រើស​ល្អ​ជាង​នោះ​ឡើយ​។ សម្តេច​តេជោ បញ្ជាក់ថា «​អ្វីៗ​ត្រូវ​ចាប់ផ្តើម​នៅទីនេះ គឺ​តំបន់​កោះ​ថ្ម​-X-16»​នេះ ។​

​សម្តេច​តេជោ ហ៊ុន សែន បាន​មានប្រសាសន៍​បញ្ជាក់​ទៀត​ថា​បើ​គ្មាន​២០​មិថុនា ១៩៧៧ ក៏​គ្មាន​១២​ឧសភា និង​២​ធ្នូ ឆ្នាំ​១៩៧៨ ដែរ ហើយក៏​មិន​អាច​មាន​ថ្ងៃ ៧ មករា ដែល​ជា​ថ្ងៃ​ផ្ដួលរំលំ​របប​ប្រល័យ​ពូជសាសន៍ ប៉ុល ពត បានដែរ​។​សម្តេច​តេ​ជោបាន​មានប្រ​សាសន៍​អះអាងថា សម្តេច​ជា​តួអង្គ​មួយ ដែល​បាន​ត​ភ្ជាប់​នយោបាយ​សំខាន់ ៤៥​ឆ្នាំ​មកនេះ និង​ជា​អ្នក​បង្កើត​កងទ័ព មិនមែន​ត្រឹមតែ​ជា​មេទ័ព​នោះទេ​។ សម្តេច​តេជោ​បាន​ថ្លែងទៀតថា ទង្វើ​របស់​វៀតណាម ដោយ​ចូល​មក​ជួយ​រំដោះ​ប្រជាជន​កម្ពុជា កាលពី​៤៥​ឆ្នាំមុន ជា​រឿង​ត្រឹមត្រូវ ដោយ​កាត់ក្តី​ដោយ​តុលាការ​កូនកាត់ ដែល​ទទួលស្គាល់​ដោយ​អង្គការសហប្រជាជាតិ​នាពេល​បច្ចុប្បន្ន​នេះ​។

​នៅ​ថ្ងៃ​រំលឹក​ទិវា​ជា​ប្រវត្តិសាស្ត្រ​នេះ​សម្ដេច​តេជោ ហ៊ុន សែន បាន​ស្រក់​ទឹកភ្នែក និង​អួលដើមក ខណៈ ដែល​សម្តេច​រំលឹក​អំពី​ប្រវត្តិសាស្ត្រ ទៅកាន់​ប្រទេស​វៀ​ណាម​កាលពី​៤៥​ឆ្នាំមុន ដើម្បី​ស្នើសុំ​កងកម្លាំង​វៀតណាម​មកជួយ រំដោះ​ប្រទេស​កម្ពុជា​ចេញពី​របប​ប្រល័យ​ពូជសាសន៍ ប៉ុល ពត​។ សម្តេច​តេជោ ហ៊ុន សែន បាន​បញ្ជាក់​ដោយ​ចោទ​ជា​សំនួរ​ថា តើ​ការអន្តរាគមន៍​របស់​កងទ័ព​វៀតណាម​ចូល​មក​ជួយ​រំដោះ​ប្រជាជន​កម្ពុជា​ត្រូវ ឬ​ខុស​? ចម្លើយ គឺ​តាមរយៈ​តុលាការ​កូនកាត់ កម្ពុជា​-​អង្គការសហប្រជាជាតិ ដែល​កាត់ទោស​មេដឹកនាំ​ខ្មែរក្រហម ហើយ​តុលាការ​នោះ​មានឈ្មោះ​ជា​ផ្លូវការ​ថា អង្គជំនុំជម្រះ​វិសាម័ញ្ញ​ក្នុង​តុលាការ​កម្ពុជា ។​

​សម្តេច​តេជោ ហ៊ុន សែន បានបញ្ជាក់​ថា សន្តិភាព បាន​កើតឡើង​រយៈពេល​ជាង ៤៣​ឆ្នាំ​មកហើយ ក្រោម​ការដឹកនាំ​របស់​គណបក្ស​ប្រជាជន​កម្ពុជា​។ រយៈពេល ៤៣​ឆ្នាំ​មកនេះ កម្ពុជា​បាន​ធ្វើ​កិច្ចការ​ជាច្រើន​ជាមួយ​វៀតណាម ក្នុងនោះ​សម្រេច​ការបោះបង្គោល​ព្រំដែន ៨៤​ភាគរយ ខណៈ​ដែល​ចំណុច​សេសសល់ ១៦​ភាគរយ​ទៀត កំពុង​ដំណើរការ​ជា​បន្តបន្ទាប់ ដោយ​ឈរ​លើ​ទស្សនវិស័យ​ព្រំដែន​សន្តិភាព មិត្តភាព និង​កិច្ចសហប្រតិបត្តិការ​ជាមួយ​ប្រទេស​ជិតខាង​។​

​ជាថ្មី​ម្ដងទៀត នៅថ្ងៃនេះ សម្តេច​តេជោ ហ៊ុន សែន បាន​មានប្រសាសន៍​បញ្ជាក់​ទៀត​ថា គោលដៅ​របស់​សម្តេច គឺ​កែប្រែ​តំបន់​ព្រំដែន​កម្ពុជា​-​វៀតណាម ទៅជា​តំបន់​សន្តិភាព និង​អភិវឌ្ឍ​។ សម្តេច​តេជោ​បាន​ថ្លែងថា សម្តេច​បាន​ចុះហត្ថលេខា ដោយ​បង្ក​ដី​នៅ តំបន់ X16 ជាង​១​ពាន់​ហិកតា ដើម្បី​ធ្វើ​ជា​តំបន់​ពាណិជ្ជកម្ម​។ សម្តេច​បាន​ស្នើ​ឱ្យ​បង្កលក្ខណៈ​ងាយស្រួល​ដល់ ប្រជាជន​កម្ពុជា និង​វៀតណាម ចូល​ទស្សនា​ទៅវិញទៅមក​តំបន់​ប្រវត្តិសាស្ត្រ X16 ដោយ​មិន​ចាំបាច់​ប្រើប្រាស់​លិខិតឆ្លងដែន​។ សម្ដេច​តេ​ជោបាន​មានប្រ​សាសន៍ថា​ក្នុង​រយៈពេល​ដ៏​ខ្លី​ខាងមុខ​នេះ​តំបន់​ព្រំដែន​កម្ពុជា​-​វៀតណាម​នៃ​តំបន់ x-16 នេះ​នឹង​ក្លាយទៅជា​តំបន់​សេដ្ឋកិច្ច​វិនិយោគ​ដ៏​សំខាន់​សម្រាប់​សក្តានុពល​រវាង​ប្រជាជន​និង​ប្រជាជន​នៃ​ប្រទេស​ទាំង​ពីរ​ហើយ​នឹង​ធ្វើឲ្យ​សេដ្ឋកិច្ច​តំបន់​នេះ​មាន​ភាពល្អប្រសើរ​បន្ថែម​ទៀត​នាពេលខាងមុខ​។

​បន្ទាប់​ពី​ការ​ថ្លែង​នៅ​សង្កថា​រួចហើយ សម្តេច​តេជោ និង​ឯកឧត្តម​នាយករដ្ឋមន្ត្រី​វៀតណាម​ក៏​បាន​អញ្ជើញ​សម្ពោធ​សមិទ្ធផល​សំខាន់ៗ​ជាច្រើន ដាក់ឱ្យ​ប្រើប្រាស់​ចាប់ពីពេលនេះ​តទៅ​៕

Filed in: ព័ត៌មានជាតិ

Leave a Reply

Submit Comment
«រស្មីស្ទឺងត្រង់ | Rasmei Stoeng Trang» ព័ត៌មានថ្មីៗ ទាន់ហេតុការណ៍ !​ ទាក់ទងផ្តល់​ព័ត៌មាន តាមទូរស័ព្ទលេខ 011 40 37 29 | 097 72 88 071 ឬ តាម Whatsapp | Telegram : 011 40 37 29 | 097 72 88 071 ! សូមអរគុណ !

©២០១៨ រក្សាសិទ្ធិដោយសារព័ត៌មាន «រស្មីស្ទឺងត្រង់ | Rasmei Stoeng Trang» | ទូរស័ព្ទ៖ 011 40 37 29 | 097 72 88 071 | អ៊ីម៉ែល៖ mailtobot168@gmail.com

អាសយដ្ឋាន ៖ ផ្ទះលេខ ៦៤០ ផ្លូវលំ ភូមិរាំងដេក ឃុំគគីរធំ ស្រុកកៀនស្វាយ ខេត្តកណ្ដាល