ទាន់ហេតុការណ៍
​ក្រសួង​ព័ត៌មាន​ជួបជុំ​ពិភាក្សា​ជាមួយ​មេធាវី​សម្ដេច​តេជោ ដើម្បី​សហការ​ក្នុង​ការការពារ​អ្នកសារព័ត៌មាន មាន​វិជ្ជាជីវៈ​ត្រឹមត្រូវ - មន្ត្រី​កាំកុងត្រូល​ខេត្ត​ត្បូងឃ្មុំ បន្ត​ចុះ​ត្រួតពិនិត្យ​រកឃើញ និង​ដកហូត​ទឹកក្រូច​ខូចគុណភាព​៧០​កំប៉ុង នំ​ចម្រុះ​១០​គីឡូក្រាម និង​ត្រី​បបែល​ងៀត​ផ្ទុក​សារធាតុ​គីមី​០៩​គីឡូក្រាម ពី​ផ្សារ​ជី​មាន់ ក្នុង​ស្រុក​ពញាក្រែក - ​អគ្គស្នងការដ្ឋាន​នគ​របាល​ជាតិ បើក​កិច្ចប្រជុំ​ពិនិត្យ​វាយតម្លៃ​សភាពការណ៍​បទល្មើស លួច ឆក់ ក្នុង​រាជធានី​ភ្នំពេញ​, ខែ​ធ្នូ ឆ្នាំ​២០១៩ បទល្មើស​កើតឡើង​៥៦​ករណី បង្ក្រាបបាន​៤១​ករណី​ - ​ដងផ្លូវ​ជាច្រើន​កន្លែង នៅ​ភូមិសាស្ត្រ​ខេត្ត​កែប ត្រូវបាន​មន្ទីរជំនាញ​ជួសជុល និង​កែលម្អ ប្រកប​ដោយ​សោភ័ណភាព​ - ​គណៈប្រតិភូ​ខេត្តកំពត ចូលរួម​ទទួល​ជ័យលាភី​ទីក្រុង​ទេសចរណ៍ ស្អាត​អាស៊ាន នៅ​ប្រទេស​ប្រុយ​ណេ​ - រដ្ឋមន្ត្រី​កសិកម្ម​៖ បញ្ហា​ខ្វះខាត​ទឹក មិនមែន​ជា​រឿង​លេងសើច​ទេ ក្រសួង​ពាក់ព័ន្ធ​ត្រូវតែ​ធ្វើ ផែន ការ គ្រប់គ្រង​ទឹក ឲ្យបាន​ច្បាស់លាស់ - សម្តេច​តេជោ ហ៊ុន សែន អរគុណ​អ្នកព័ត៌មាន ដែល​ជួយ​ផ្សាយ​ព័ត៌មាន​ពិត​ពី​ការអភិវឌ្ឍ​របស់​កម្ពុ​ជា - ​ឧត្តមសេនីយ៍ឯក ហ៊ុន ម៉ា​ណែ​ត អរគុណ​សាលា​នាយទាហាន​សកម្ម ដែល​បំពេញ​តួនាទី​ជា​ថ្នាល​បណ្តុះបណ្តាល​ជួរ​នាយទាហាន​វ័យក្មេង​ - នាយ​ឧត្តមសេនីយ៍ សៅ សុខា ដឹកនាំ​រៀបចំ​ប្រារព្ធ​ពិធី​អបអរ​ជ័យជម្នះ​៧ មករា នៅ​ស្រុក​រមាស​ហែក ខេត្ត​ស្វាយរៀង​ - ​រដ្ឋបាល​ខេត្ត​កែប រៀបចំ​ពិធី​បង្សុកូល ឧទ្ទិស​កុសល​ជូន​ដល់​ដួងព្រលឹង​ជនរងគ្រោះ​ដែល​ស្លាប់​ដោយសារ​បាក់​រលំ​អគារ​
0

​បិទ​បញ្ចប់​ការរុករក រក​ឃើញ​ជនរងគ្រោះ​ក្នុង​ហេតុការណ៍​បាក់​រលំ​អគារ មាន​អ្នកស្លាប់​៣៦​នាក់ និង​អ្នករងរបួស​២៣​នាក់​

​បិទ​បញ្ចប់​ការរុករក រក​ឃើញ​ជនរងគ្រោះ​ក្នុង​ហេតុការណ៍​បាក់​រលំ​អគារ មាន​អ្នកស្លាប់​៣៦​នាក់ និង​អ្នករងរបួស​២៣​នាក់​

(​ខេត្ត​កែប​)៖ អំឡុង​ពេល​ប្រតិ​ប​តិ្ត​ការរុករក​ជនរងគ្រោះ​ត្រូវបាន​បញ្ចប់ គិត​ត្រឹម​វេលា​ម៉ោង​១១​និង​៣៥​នាទី​ព្រឹក ថ្ងៃទី​០៥ ខែ​មករា ឆ្នាំ​២០២០ ក្រុម​សមត្ថកិច្ច​ចម្រុះ​បាន​រក​ឃើញ​ជនរងគ្រោះ​ក្នុងគនរ​ថ្ម​ចំនួន​៥៩​នាក់ ក្នុងនោះ​អ្នករបួស​២៣​នាក់ ចំណែក​អ្នកស្លាប់​មាន​ចំនួន​៣៦​នាក់ ស្រី​១៤​នាក់ ប្រុស​២២​នាក់ ហើយ​ក្នុងចំណោម​អ្នកស្លាប់​ខាងលើ​ក៏​មាន​ក្មេងៗ​ចំនួន​៦​នាក់​ផង​ដែរ​។​

​ជុំវិញ​ករណី​បាក់​រលំ​អគារ​នេះដែរ សម្តេច​តេជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា បាន​និង​កំពុង​តាមដាន​យ៉ាង​យកចិត្តទុកដាក់ និង​ខ្វាយខ្វល់​យ៉ាងខ្លាំង ដោយ​សម្តេច​បាន​ដាក់​ទិសដៅ​ដល់​ក្រុម​សមត្ថកិច្ច​ចម្រុះ​ធ្វើ​ការរុករក​ជនរងគ្រោះ​ដ៏​សកម្ម​បំផុត ដើម្បី​ជួយសង្គ្រោះ​មនុស្ស​ឱ្យបាន​ទាន់ពេលវេលា​។​

​ជាមួយនឹង​ប្រតិបត្តិការ​រុករក​ជន​រងគ្រោះ​នេះ សម្តេច​តេជោ ហ៊ុន សែន ប្រមុខ​រាជរដ្ឋាភិបាល នៃ​ព្រះរាជាណាចក្រ​កម្ពុជា បាន​ស្ថិតនៅ​ទីតាំង​កើតហេតុ​ទាំង​យប់​ទាំង​ថ្ងៃ ដើម្បី​ចូលរួម​ដឹកនាំ​ក្នុង​ការរុករក​ជនរ​ង​គ្រោះ​ដែល​ជាប់​នៅក្នុង​គំនរ​បាក់បែក​ក្រោម​អគារ​បាក់​រលំ ហើយ​សម្តេច​ក៏​បាន​ចុះ​ទៅ​សួរសុខទុក្ខ​ជនរងគ្រោះ​នៅក្នុង​មន្ទីរពេទ្យបង្អែក​ខេត្ត​កែប​ផង​ដែរ​។​

​អំឡុង​ពេល​បិទ​ប្រតិបត្តិការ​រុករក​នេះ សម្តេច​តេជោ ហ៊ុន សែន បាន​ថ្លែងថា នេះ​ជា​សោកនាដកម្ម​ដ៏​គួរឱ្យ​សោកសង្រេង និង​ជា​ឧបទ្ទវហេតុ​ដ៏​អាក្រក់ ក្នុង​ទឹកដី​ខេត្ត​កែប ប៉ុន្តែ​ទោះបី​បែបណា​ក៏​ពុំ​មាន​ការដកតំណែង​អភិបាល​ខេត្ត​ឬ​មន្ត្រី​ណា​នោះដែរ ព្រោះ​ការបាក់​ស្រុត​អគារ​មិនមែនជា​កំហុស​របស់​ថ្នាក់ដឹកនាំ​ណា​ម្នាក់​ឡើយ ហើយ​ប្រទេស​ណា​ក៏​កើតឡើង​ដូចគ្នា​ដែរ តែ​គ្មាន​ការដក​តំណែង​មន្ត្រី​ណា​នោះឡើយ​។ ការបាក់​អគារ​នេះ​ក៏​អាចពាក់ព័ន្ធ​នឹង​កំហុស​២​យ៉ាង​របស់​មេជាង ដូចជា​ការចាក់​សសរ​បេតុង​ប្រើ​ដែក​សរសៃ​តូច​ពេក និង​ការចាក់​ពី​ដាន​មិន​ស្រប​នឹង​លក្ខណៈ​បច្ចេកទេស​ជា​ដើម​។​

​ក្នុង​ឱកាស​នេះ​ដែរ សម្តេច​តេជោ នាយករដ្ឋមន្ត្រី ក៏​សូម​ចូលរួម​សោកស្តាយ និង​ចូលរួម​រំលែក​ទុក្ខ​យ៉ាង​ក្រៀមក្រំ ចំពោះ​ក្រុម​គ្រួសារ​នៃ​សព​កម្មករសំណង់​ទាំង​ក្មេង ចាស់ ប្រុស ស្រី ដែល​បាន​ស្លាប់​បាត់បង់​ជីវិត នៅ​ក្រោម​គំនរ​ថ្ម​បាក់បែក ព្រមទាំង​បាន​ចុះសួរសុខទុក្ខ​ជនរងគ្រោះ​ដែល​កំពុង​សម្រាក​ព្យាបាល​នៅ​មន្ទីរពេទ្យបង្អែក​ខេត្ត​កែប​។​

​ជាមួយគ្នានេះ ក្រៅ​ពី​បាន​រំលែក​ទុក្ខ​ដល់​ក្រុមគ្រួសារ​សព សម្តេច​តេជោ ហ៊ុន សែន បាន​ផ្តល់​នូវ​ថវិកា​ជូន​ដល់​អ្នក​រងរបួស​ក្នុង​ឧបទ្ទវហេតុ​បាក់​អគារ ក្នុង​ម្នាក់​១​មុឺន ដុល្លារ និង​អ្នកស្លាប់ ក្នុង​ម្នាក់​ចំនួន​៥​មុឺន ដុល្លារ និង​បន្ថែម​ថវិកា​ចំនួន​១០​លាន​រៀល​បន្ថែមទៀត សម្រាប់​យក​ទៅ​ចាត់ចែង​ធ្វើ​បុណ្យ​សព​។​

​សូមបញ្ជាក់​ថា កាលពី​វេលា​ម៉ោង​៤​រសៀល ថ្ងៃទី​០៣ ខែ​មករា ឆ្នាំ​២០២០ អគារ​មួយ​កន្លែង​ដែល​ទើប​សង់​ថ្មី​មាន​កម្ពស់​៧​ជាន់ ជិត​វត្ត​សម្មា​ធិ ស្ថិតក្នុង​ភូមិ​កែប សង្កាត់​កែប ក្រុងកែប ខេត្ត​កែប បាន​បាក់ស្រុត​ទាំងស្រុង បណ្តាល​ឱ្យ​កម្មករសំណង់​រាប់សិប​នាក់​ស្លាប់​និង​របួស​។​បន្ទាប់ពី​មាន​ហេតុការណ៍​កើតឡើង គេ​ឃើញ​វត្ត​មាន​អាជ្ញាធរ​ខេត្ត​កែប ខេត្ត​កំពត ខេត្ត​ព្រះសីហនុ និង​ខេត្ត​ជាប់​ព្រំប្រទល់ ព្រមទាំង​សមត្ថកិច្ច​ចម្រុះ បាន​យក​គ្រឿងចក្រ​ជីក​កកាយ​ដើម្បី​ជួយសង្គ្រោះ​មនុស្ស​ក្នុង​អគារ​បាក់បែក​។​

​ក្នុង​ប្រតិ​ប​តិ្ត​ការរុករក​នេះដែរ ប្រមុខ​រាជរដ្ឋាភិបាល​កម្ពុជា ក៏​បាន​ចុះ​បញ្ជា​ផ្ទាល់ ដោយ​មាន​ការចូលរួម​ពី​មន្ត្រី​ជាន់ខ្ពស់​ក្នុង​ជួរ​រាជរដ្ឋាភិបាល​ជាច្រើនរូប និង​ក្រុម​សមត្ថកិច្ច​ចម្រុះ ហើយ​ប្រតិបត្តិការ​រុករក​នេះ បាន​ប្រើ​រយៈពេល​ជាង​៤៤​ម៉ោង និង​បាន​បិទ​បញ្ចប់​នៅវេលា​ម៉ោង​១១​និង​៣៥​នាទី​ព្រឹក ថ្ងៃទី​០៥ ខែ​មករា ឆ្នាំ​២០២០ ដោយ​រក​ឃើញ​ជនរងគ្រោះ​នៅក្នុង​គំនរ​ថ្ម​បាក់បែក ចំនួន​៥៩​នាក់ ស្រី​២២​នាក់ ក្នុងនោះ​អ្នក​រង​របួស​មាន​ចំនួន​២៣​នាក់ និង​អ្នកស្លាប់​មាន​ចំនួន​៣៦​នាក់ ស្រី​១៤​នាក់​៕

Filed in: ព័ត៌មានជាតិ

Recent Posts

Bookmark and Promote!

Leave a Reply

Submit Comment
«រស្មីស្ទឺងត្រង់ | Rasmei Stoeng Trang» ព័ត៌មានថ្មីៗ ទាន់ហេតុការណ៍ !​ ទាក់ទងផ្តល់​ព័ត៌មាន តាមទូរស័ព្ទលេខ xxx xxx xxx ឬ តាម Whatsapp : xxx xxx xxx | Telegram : xxx xxx xxx ! សូមអរគុណ !

©២០១៨ រក្សាសិទ្ធិដោយសារព័ត៌មាន «រស្មីស្ទឺងត្រង់ | Rasmei Stoeng Trang»ា | ទូរស័ព្ទ៖ xxx xxx xxx | អ៊ីម៉ែល៖ mailtobot@gmail.com

សហការផ្តល់ព័ត៌មាន៖ xxx xxx xxx | អ៊ីម៉ែល ៖ mailtobot@gmail.com