ខេត្តក្រចេះ ៖ ព្រឹកថ្ងៃអាទិត្យ ៥កើត ខែមាឃ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២ ខែកុម្ភៈ ឆ្នាំ២០២៥ ឯកឧត្តម វ៉ា ថន អភិបាលខេត្តក្រចេះ អញ្ជើញជាអធិបតីភាពក្នុងពិធីសម្ពោធឆ្លងកុដិ និងសមិទ្ធផលនានា នៅវត្តពោធិវនារាម ស្ថិតនៅភូមិធំ ឃុំសណ្តាន់ ស្រុកសំបូរ ខេត្តក្រចេះ ។
សូមបញ្ជាក់ថា អគារកុដិ១ខ្នង មានទំហំ ទទឹង១២ម៉ែត្រ និងបណ្តោយ១៨ម៉ែត្រ កម្ពស់២ជាន់ ធ្វើអំពីថ្ម ដំបូលប្រក់ក្បឿងរចនាបទខ្មែរ ដែលបានចាប់ផ្តើមកសាងនៅថ្ងៃទី០៤ ខែមករា ឆ្នាំ២០២៣ រហូត រួចរាល់ជាស្ថាពរនៅថ្ងៃទី២៩ ខែធ្នូ ឆ្នាំ២០២៤ ដែលចំណាយថវិកាសរុបចំនួន ១៤៤,៩៤១ដុល្លាអាមេរិក ក្រោមការខិតខំប្រឹងប្រែងផ្តួចផ្តើមគំនិត របស់ព្រះគ្រូ ផាយ ច័ន្ទសីហា ព្រះចៅអធិការវត្ត ព្រមទាំងមានការចូលរួមពីអាជ្ញាធរ ពុទ្ធបរិស័ទ សប្បុរសជននានាក្នុងនិងក្រៅស្រុក ៕
