ទាន់ហេតុការណ៍
ឧត្តមសេនីយ៍ឯក រ័ត្ន ស្រ៊ាង ដាក់​ដំណើរការ នូវ​គោលការណ៍​ប្រតិបត្តិ​ស្តង់ដា (SOP) ឆ្ពោះទៅ​រក​ប្រព័ន្ធ​ការងារ​បែប​ឌីជីថល សម្រាប់​អាវុធហត្ថ​រាជធានី​ភ្នំពេញ​អនុវត្ត​ជា​លើកដំបូង​! - រថយន្ត​សណ្ដោង​ម៉ាក​(​យី​ហ្វាន​ដាយ​)​ដឹក​ឈើ​មួយ​គ្រឿង​ត្រូវ​អស់លក្ខណ៍​ជាប់អន្ទាក់​កម្លាំង​មន្ត្រី​ឧទ្យានុ​រក្ស​ - ព័ត៌មាន​វគ្គ​.១. សកម្មភាព​ឈ្មួញ​ប្រមូល​ទិញ​នឹង​ដឹកជញ្ជូន លៀ​ស នៅតែ​បន្ត​កើតមាន ទោះ​ស្ថិតក្នុង​រដូវ​បិទ​រដូវ​នេសាទ​ក៏ដោយ​ - សម្តេច​ធិបតី ហ៊ុន ម៉ា​ណែ​ត​អញ្ជើញ​ជា​អធិបតី​ពិធី​បិទ​វគ្គ​បណ្តុះបណ្តាល​ឆ្នាំ​២០២៣ និង​បើក​វគ្គ​បណ្តុះបណ្តាល​ឆ្នាំ​២០២៤ របស់​សាលា​ភូមិន្ទ​រដ្ឋបាល​ - ឧត្តមសេនីយ៍ត្រី សាន្ត ប៊ុន​ថា​ន មេបញ្ជាការ​កងរាជអាវុធហត្ថ​ខេត្ត​កំពង់ឆ្នាំង អញ្ជើញ​ជា​អធិបតី​ក្នុង​ពិធី​ប្រជុំ​ត្រួតពិនិត្យ - តើ​លោក ភារម្យ នឹង​លោក សុន​.​ជា​នរណា​ឲ្យ​ពិតប្រាកដ បានជា​ហ៊ាន​ដឹកជញ្ជូន​ឈើ​ទាំងថ្ងៃទាំងយប់​ចេញពី​ខេត្ត​មណ្ឌល​គី​រី យកទៅ​លក់​ឲ្យ យួន បាន​ដោយ​រលូន មន្ត្រី​ជំនាញ​ពាក់ព័ន្ធ​មិន​ហ៊ាន​ក្អក​នោះទេ​.? - ឧត្តមសេនីយ៍ឯក រ័ត្ន ស្រ៊ាង អញ្ជើញ​ចូលរួម​ទស្សនា​ការប្រកួត​កីឡាបាល់ទាត់ ពានរង្វាន់ កងរាជអាវុធហត្ថ​រាជធានី​ភ្នំពេញ ឆ្នាំ​២០២៤​វគ្គ​ជម្រុះ ៨​ក្រុម​ចុងក្រោយ​! - ឧបនាយករដ្ឋមន្ត្រី សាយ សំ​អាល់​៖​សូម​ថ្លែងអំណរគុណ​ដល់​មន្ត្រីរាជកា​រ កងកម្លាំង​ជុំវិញ​ខេត្ត អ្នកស្ម័គ្រចិត្ត និង​ប្រជាពលរដ្ឋ​ទាំងអស់​ដែល​បាន​ចូលរួម​សម្រេច​យុទ្ធនាការ​ចុះបញ្ជី​ដីធ្លី​បង្ហើយ ដើម្បី​ទទួលបាន​នូវ​សុវត្ថិភាព​ផ្លូវច្បាប់​ក្នុង​ការកាន់កាប់​ក​ម្មសិ​ទ្ធ​ស្រប​ច្បាប់​ - ​ឯកឧត្តម ហ៊ុយ វណ្ណៈ ៖ «​តើ​វិស័យ​សារព័ត៌មាន​ស្ថិតក្នុង​ស្ថានភាព​ណា​? ហើយ​មាន​តួនាទី​កម្រិតណា​?» - ​រដ្ឋមន្ត្រី​ក្រសួង​បរិស្ថាន​បន្ត​ចុះសួរសុខទុក្ខ​នឹង​ជួប​សំណេះសំណាល​ជាមួយ​ថ្នាក់ដឹកនាំ​និង​មន្ត្រី​បរិស្ថាន​នៅ​ខេត្ត​ព្រៃវែង​
0

លោកជំទាវ​បណ្ឌិត ពេ​ជ ចន្ទ​មុនី ហ៊ុន​ម៉ា​ណែ​ត អញ្ជើញ​ទស្សនា​មហា​កំផែង រម្មណីយដ្ឋាន​ដ៏​ល្បីល្បាញ របស់​សាធារណរដ្ឋ​ប្រជាមានិត​ចិន

លោកជំទាវ​បណ្ឌិត ពេ​ជ ចន្ទ​មុនី ហ៊ុន​ម៉ា​ណែ​ត អញ្ជើញ​ទស្សនា​មហា​កំផែង រម្មណីយដ្ឋាន​ដ៏​ល្បីល្បាញ របស់​សាធារណរដ្ឋ​ប្រជាមានិត​ចិន

«គេហទំព័រ រស្មីស្ទឹងត្រង់ | Rasmeistoengtrang News» ទូរស័ព្ទទំនាក់ទំនង097 72 88 071 | 076 44 44 373

http://www.rasmeistoengtrang.com

នៅ​ព្រឹក​ថ្ងៃទី​១៥ ខែ​កញ្ញា ឆ្នាំ​២០២៣ នេះ ក្នុងឱកាស​អញ្ជើញ​អមដំណើរ​សម្ដេច​ធិបតី ហ៊ុន ម៉ា​ណែ​ត នាយករដ្ឋមន្ត្រី នៃ​ព្រះរាជាណាចក្រ​កម្ពុជា បំពេញ​ទស្សនកិច្ច​ផ្លូវការ​នៅ​ប្រទេស​ចិន​នោះ លោកជំទាវ​បណ្ឌិត ពេ​ជ ចន្ទ​មុនី ហ៊ុន​ម៉ា​ណែ​ត ភរិយា​ដ៏​ឧត្តុង្គឧត្តម​របស់ សម្តេច​មហា​បវរ​ធិបតី ហ៊ុន ម៉ា​ណែ​ត បាន​អញ្ជើញ​ទស្សនា​មហា​កំផែង រម្មណីយដ្ឋាន​ដ៏​ល្បីល្បាញ របស់​សាធារណរដ្ឋ​ប្រជាមានិត​ចិន​។​

​វត្តមាន​នៃ​ការអញ្ជើញ​ដល់​របស់​លោកជំទាវ​បណ្ឌិត ត្រូវបាន​ការទទួល​បដិ​សណ្ឋារ​កិច្ច​ស្វាគមន៍​យ៉ាង​កក់ក្តៅ​បំផុត នៃ​ថ្នាក់ដឹកនាំ​មហា​កំផែង​។ ក្នុង​ដំណើរ​ទស្សនា​នោះ លោកជំទាវ​បណ្ឌិត និង​គណៈប្រតិភូ​អមដំណើរ​ទាំងអស់ បាន​អញ្ជើញ​ទស្សនា​យ៉ាង​យកចិត្តទុកដាក់ នៅ​តាម​ផ្នែក​ទាំងអស់ នៃ​មហា​កំផែង ដែល​ជា​សំណង់​ប្រវត្តិសាស្ត្រ​ដ៏​ល្បី​បំផុត និង​ជា​អច្ឆរិយៈ​របស់​ពិភពលោក​។

​លោកជំទាវ​បណ្ឌិត មានប្រសាសន៍​ទៅកាន់​ថ្នាក់ដឹកនាំ នៃ​មហា​កំផែង​ថា នេះ​គឺជា​លើកទីមួយ ដែល​លោក​ជំទាវ​បណ្ឌិត បាន​អញ្ជើញ​មក​ទស្សនា​មហា​កំផែង បើទោះបី​លោកជំទាវ​បណ្ឌិត ធ្លាប់​បាន​អាន​ប្រវត្តិ​នៃៗ​ហា​កំផែង​នេះ ពីមុនៗ​ក៏ពិតមែន​។
​លោកជំទាវ​បណ្ឌិត​មានប្រសាសន៍​លើកឡើង​ថា លោកជំទាវ​បាន​អញ្ជើញ​មក​ទស្សនា​ដោយផ្ទាល់ គឺ​ពិតជា​សំណង​ប្រវត្តិសាស្ត្រ​ដ៌​អស្ចារ្យ​ខ្លាំងណាស់​។ លោកជំទាវ​បណ្ឌិត បាន​ថ្លែងអំណរគុណ​ជូន​ចំពោះ​រដ្ឋាភិបាល​ចិន ដែល​បាន​រៀបចំ​កម្មវិធីដ៌​វិសេសសវិសាល​នេះ ដើម្បី​លោកជំទាវ​បាន​មក​ទស្សនា​ដោយផ្ទាល់​មហា​កំផែង ជា​ប្រវត្តិសាស្ត្រ​មានតម្លៃ​មហាសាល របស់​ប្រទេស និង​ប្រជាជន​ចិន​។

​សូមបញ្ជាក់​ថា មហា​កំផែង​ចិន (​ជញ្ជាំង​វែង​មួយ​ម៉ឺន​លី​) គឺជា​បណ្តុំ​នៃ​បន្ទាយ​តំរៀប​គ្នា​ជា​បន្តបន្ទាប់​ដែល​ត្រូវបាន​សាងសង់​ឆ្លងកាត់​ព្រំដែន​ភាគ​ខាងជើង​នៃ​រដ្ឋ​ចិន​បុរាណ និង អធិរាជ​ចិន ក្នុង​ប្រវត្តិសាស្ត្រ ដើម្បី​ការពារ​ការប្រឆាំង និង​ឈ្លានពាន​ពី​សំណាក់​ក្រុម​ពនេចរ​ផ្សេងៗ ពី​តំបន់​ខាងក្រៅ​។​ជញ្ជាំង​ជាច្រើន​ត្រូវបាន​សាងសង់​តាំងពី​ដើម​សតវត្ស​ទី 7 មុន​គ្រឹស្តសករាជ ជាមួយ​នឹង​ការសាងសង់​លាតសន្ធឹង​បន្តបន្ទាប់​ទៀត​ដោយ​អធិរាជ ឈីន សុ​ី ហ័ង (Qin Shi Huang) ដែល​ជា​អធិរាជ​ទី​មួយ​នៃ​ប្រទេស​ចិន ក្នុង​ឆ្នាំ 220 ដល់​ឆ្នាំ 206 មុន​គ​.​ស​។​
​ក្រោយមកទៀត ខ្សែ​រាជវង្ស​បន្តបន្ទាប់​ជា​ច្រើន​បាន​កសាង និង​ថែរក្សា​ជញ្ជាំង​បន្ទាយ​ព្រំដែន​ជា​ច្រើន​ខ្សែ​នេះ​។ ជញ្ជាំង​ព្រំដែន​ដែល​កសាង​ឡើង​ដោយ​រាជវង្ស​ផ្សេងៗ​គ្នា​មាន​សណ្ឋាន​ខុសៗ​គ្នា​ជា​ច្រើន​ផងដែរ​។ ជញ្ជាំង​កំផែង​ភាគច្រើន​ធ្វើ​ពី​ថ្ម ឬ​ដោយ​ពុម្ភ​ដី​ចាក់​លាយ​ជាមួយ​ក្រួស​។​ផ្នែក​ដែល​ល្បី​បំផុត​នៃ​ជញ្ជាំង​ត្រូវបាន​សាងសង់​ឡើង​ដោយ​រាជវង្ស​មីង ក្នុង​ឆ្នាំ​១៣៦៨ ដល់​ឆ្នាំ​១៦៤៤​។

​ក្រៅ​ពី​ជា​បន្ទាយ​ការពារ គោលបំណង​ផ្សេង​ទៀត​នៃ​មហា​កំផែង​បានរួម​បញ្ជូល​នៃ​ការគ្រប់គ្រង​ព្រំដែន ដែល​អនុញ្ញាត​ឱ្យ​មានកា​រ​យក​ពន្ធ​លើ​ទំនិញ​ដែល​ដឹកជញ្ជូន​ឆ្លងកាត់​តាមផ្លូវ​សូត្រ​នេះ ការធ្វើ​ពាណិជ្ជកម្ម ការគ្រប់គ្រង​អន្តោប្រវេសន៍ និង​ចំណាកស្រុក ។ លើសពីនេះ មហា​កំផែង​ត្រូវបាន​ពង្រឹង​ជា​លក្ខណៈ​ការពារ​ដោយ​ការសាងសង់​ប៉​មយាម បន្ទាយ​ទាហាន ស្ថានីយ៍​យោធភូមិ ដែល​មាន​សមត្ថភាព​ផ្តល់​សញ្ញា​តាមរយៈ​ផ្សែង ឬ​ភ្លើង​។​

​មហា​កំផែង​មាន​ប្រវែង​សរុប 21,196.18 គីឡូម៉ែត្រ​លាតសន្ធឹង​ពី ឧបទ្វីប ឡៅ ទុង (Liaodong) នៅ​ភាគ​ខាងកើត ប្រទេស​ចិន ទៅ ឧបទ្វីប លុប លេគ (Lop Lake) (​ជា​ភាស​ម៉ុង​ហ្គោលី​) ប្រែ​ថា​បឹង​អំបិល នៅ​ភាគ​ខាងលិច និង​ពី​ព្រំដែន​ចិន​-​រុស្ស៊ី​បច្ចុប្បន្ន នៅ​ភា​ខាងជើង​ទៅ​ទន្លេ​តាវ នៅ​ភាគខាងត្បូង​។

​សព្វថ្ងៃនេះ បន្ទាយ​ការពារ​នៃ​មហា​កំផែង​ត្រូវបាន​ទទួលស្គាល់​ជាទូទៅ​ថា​ជា​ស្នាដៃ​ស្ថាបត្យកម្ម​ដ៏​គួរឱ្យ​ចាប់អារម្មណ៍​បំផុត​មួយ​ក្នុង​ប្រវត្តិសាស្ត្រ​ចិន​។ បច្ចុប្បន្ន​មហា​កំផែង​ចិន ទទួលបាន​នូវ​ការចូលរួម​ទស្សនា ពី​បណ​កតា​មឹដឹកនាំ​ពិភពលោ​ក អ្នក​ទេសចរណ៍​អន្តរជាតិ ពិសេស​ទេសចរណ៍​ផ្ទៃក្នុង​រាប់លាន​នាក់ ក្នុង​មួយ​ឆ្នាំៗ​។ សូម​បញ្ជាក់​ដែរ ក្នុងឱកាស នៃ​ការអញ្ជើញ​ទស្សនា​មហា​កំផែង​នោះដែរ លោកជំទាវ​បណ្ឌិត ពេ​ជ ចន្ទ​មុនី ហ៊ុន​ម៉ា​ណែ​ត អញ្ជើញ​សរសេ​រលើ​សៀវភៅ​ក្រាំងមាស ទុក​ជា​អនុស្សាវរីយ៍​ដើម្បី​បញ្ជាក់​ពី​វត្តមាន​ពេល​វេលា​ថ្ងៃ ខែ ឆ្នាំ នៃ​ការអញ្ជើញ​ទស្សនា​មហា​កំផែង ដើម្បី​ទុកជា​អនុស្សាវរីយ៍​រក្សាទុក​ក្នុង​បណ្ណាល័យ​របស់​មហា​កំផែង​។
​នៅក្នុង​ឱកាស​នោះ​ដែរ ថ្នាក់ដឹកនាំ​មហា​កំផែង បាន​ជូន​សៀវភៅ​រូបថត​មហា​កំផែង ជូន​លោក​ជំទាវ​បណ្ឌិត និង​ថតរូប​អនុស្សាវរីយ៍ក្ ង​បរិយាកាស​ស្និទ្ធស្នាល​រ៉ាក់ទាក់​បំផុត​៕​

Filed in: ព័ត៌មានជាតិ

Leave a Reply

Submit Comment
«រស្មីស្ទឺងត្រង់ | Rasmei Stoeng Trang» ព័ត៌មានថ្មីៗ ទាន់ហេតុការណ៍ !​ ទាក់ទងផ្តល់​ព័ត៌មាន តាមទូរស័ព្ទលេខ 097 72 88 071 / 076 44 44 373 ឬ តាម Whatsapp | Telegram : 097 72 88 071 / 076 44 44 373 ! សូមអរគុណ !

©២០១៨ រក្សាសិទ្ធិដោយសារព័ត៌មាន «រស្មីស្ទឺងត្រង់ | Rasmei Stoeng Trang» | ទូរស័ព្ទ៖ 097 72 88 071 / 076 44 44 373 |

អាសយដ្ឋាន ៖ ផ្ទះលេខ ៦៤០ ផ្លូវលំ ភូមិរាំងដេក ឃុំគគីរធំ ស្រុកកៀនស្វាយ ខេត្តកណ្ដាល