ក្នុងនាមថ្នាក់ដឹកនាំ សមាជិក សមាជិកា សមាគមរាជសីហ៍ និងក្នុងនាមខ្ញុំបាទផ្ទាល់ ពិតជាមានសេចក្តី សោមនស្សរីករាយក្រៃលែង និងសូមសំដែងនូវអំណរសាទរប្រកបដោយក្តីរំភើបឥតឧបមាគោរពជូនចំពោះ ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត នាឱកាសដែលត្រូវបាន ព្រះករុណា ព្រះបាទ សម្តេចព្រះបរមនាថ នរោត្ដម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរព សក្ការៈដ៏ខ្ពង់ខ្ពស់បំផុត ចេញព្រះរាជក្រឹត្យប្រោសព្រះរាជទានគោរមងារជា សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា។
ការប្រោសព្រះរាជទានគោរមងារជា សម្ដេចមហាបវរធិបតី ជូន ឯកឧត្តមកិត្តិទសាភិបាល បណ្ឌិត ហ៊ុន ម៉ាណែត ពិតជាស័ក្តិសមបំផុតក្នុងនាម ឯកឧត្តមកិត្តិទេសាភិបាល នាយករដ្ឋមន្ត្រី ជា អ្នកដឹកនាំដ៏ឆ្នើម ជាទីគោរពស្រឡាញ់របស់ប្រជាជនកម្ពុជា បានចូលរួមដឹកនាំប្រជាជាតិកម្ពុជា កសាងបាននូវសន្តិ ភាព ស្ថិរភាពជាតិ ឯកភាពជាតិ ការអភិវឌ្ឍជាតិលើគ្រប់វិស័យ ព្រមទាំងមានស្វាមីភក្តិចំពោះព្រះមហាក្សត្រ គោរព ការពារព្រះពុទ្ធសាសនា និងយុត្តិធម៌សង្គម។ មិនតែប៉ុណ្ណោះ ឯកឧត្តមកិត្តិទេសាភិបាល នាយករដ្ឋមន្តី គឺ ជាឥស្សរជនវ័យក្មេងបន្តវេន ជាថ្នាក់ដឹកនាំនិងជាបញ្ញាវន្តខ្មែរពោរពេញដោយសមត្ថភាព ទេពកោសល្យ គុណធម៌ សីលធម៌ សុជីវធម៌ និងតែងតម្កល់ផលប្រយោជន៍ជាតិជាធំក្នុងការដឹកនាំប្រទេសកម្ពុជា ឲ្យមានការរីកចម្រើន ដូចអរិយប្រទេសដទៃទៀតនៅលើសកលលោក។
យើងខ្ញុំទាំងអស់គ្នា សូមលើកហត្ថបួងសួងវត្ថុស័ក្តិសិទ្ធិទាំងឡាយក្នុងលោក និងទេវតាថែរក្សាទឹកដីនៃព្រះ រាជាណាចក្រកម្ពុជា សូមជួយអភិបាលគ្រងរក្សា ព្រោះ ប្រសិទ្ធពរបវរមហាប្រសើរ ជូន ឯកឧត្តមកិត្តិ ទេសាភិបាលបណ្ឌិត ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និង លោកជំទាវ ព្រមទាំងក្រុមគ្រួសារជាទីគោរពស្រឡាញ់ សូមបានសមប្រកបនូវពុទ្ធពរទាំងបួនប្រការគឺ អាយុ វណ្ណៈ សុខៈ និងពលៈ ជា និច្ចនិរន្តរ៍។
