«ចូលរួមរិះគន់និងន័យស្ថាបនារួមគ្នាទប់ស្កាត់នៃបទល្មើសល្បែងស៊ីសងក្នុងមូលដ្ឋានដើម្បីភូមិ-ឃុំ មានសុវត្ថិភាព.!»
ខេត្តកំពង់ស្ពឺ៖ ប្រភពព័ត៌មានរាយការណ៍មកថា ទីតាំងល្បែងស៊ីសងខុសច្បាប់«ភ្នាល់មាន់ជល់ តាមប្រព័ន្ធអនឡាញ» នៅតាមបណ្តោយផ្លូវជាតិលេខ៤១ ស្ថិតនៅផ្សារ គគ្រួស ឃុំពេជ្រន្នី ស្រុកគងពិសី ខេត្តកំពង់ស្ពឺ បើកលេងយ៉ាងអនាធិបតេយ្យ ពោរពេញដោយអ្នកញៀនល្បែងប្រមូលផ្ដុំគ្នាអង្គុយចាក់ស្រែកហ៊ោរឡើងទ្រហ៊ឹង មិនខ្លាចរញើតអាជ្ញាធរសមត្ថកិច្ចនៅក្នុងមូលដ្ឋានបន្តិចសោះឡើយ!
ពលរដ្ឋដាក់ការសង្ស័យប្រហែលអាជ្ញាធរនៅក្នុងមូលដ្ឋានត្រូវថ្នាំសណ្តំអ្វីមួយ បានស្រវាំងភ្នែកមើលមិនឃើញ ទើបនាំគ្នាដើរបញ្ច្រាសទិស ផ្ទុយពីគោលនយោបាយ ភូមិ ឃុំ ឲ្យមានសុវត្ថិភាព ទាំង៧ចំណុច របស់រាជរដ្ឋាភិបាល ដែលបានដាក់ចេញដោយក្រសួងមហាផ្ទៃ។
សង្ឃឹមថា អាជ្ញាធរនិងមានប្រធានការនិងទប់ស្កាត់បង្ក្រាបនៃល្បែងស៊ីសងក្នុងមូលដ្ឋានទាល់តែអស់តាមប្រសាសន៍ថ្នាក់ដឹកនាំផងដែរ ។
អង្គភាពសារព័ត៌មានរង់ចាំការបំភ្លឺពីសំណាក់អាជ្ញាធរពាក់ព័ន្ធដល់ម៉ោងធ្វើការ ៕
