ទាន់ហេតុការណ៍
ឯកឧត្តម គង់ សោភ័ណ្ឌ អភិបាល​នៃ​គណៈ​អភិបាលខេត្ត​កណ្ដាល បាន​អញ្ជើញ​ចូលរួម​ក្នុង​ពិធី​ផ្សព្វផ្សាយ​របាយការណ៍​ជាតិ​ការងារ​ប្រយុទ្ធប្រឆាំង​អំពើ​ជួញដូរ​មនុស្ស​ - បញ្ជូន​ខ្លួន​ជនសង្ស័យ​ម្នាក់​ទៅ​ពន្ធនាគារ ក្រោម​បទ​កាត់​រូបរាង​ឈូសឆាយ​ដី​ព្រៃ​យក​ធ្វើជា​កម្មសិទ្ធិ ស្ថិតនៅ​ឃុំ​អូរ​កណ្ដៀរ​សែន​ជ័យ ស្រុក​អូរ​គ្រៀង​សែន​ជ័យ ខេត្ត​ក្រចេះ​. - កាន់​ប្លែក បែកធ្លាយ ក្រុមការងារ​ចុះ​ជួយ​ឃុំ​សំបុក ស្រុក​ចិត្រ​បុរី បែរជា​មក​ជួប​សំណេះសំណាល​ជាមួយ​ប្រជាពលរដ្ឋ​ជា​សមាជិក​បក្ស​នៅ ភូមិ ត្រពាំង​ឈូក ឃុំ​ឃឹម ស្រុក​ស្នួល ទៅវិញ តើ​មាន​គោលបំណង​អ្វី​ឲ្យ​ពិតប្រាកដ​ - ឯកឧត្តម​បណ្ឌិត អ៊ាង សុផល្លែត រដ្ឋមន្ត្រី​ក្រសួង​បរិស្ថាន បាន​អនុញ្ញាឱ្យ​សមាគមយុវជ​ន​លើកកម្ពស់​សេដ្ឋកិច្ច​ប្រជាជន​កម្ពុជា (YAEP) ចូលជួប​សម្តែង​ការគួរសម និង​ទទួល​ស្តាប់​នូវ​អនុសាសន៍​ដ៏​ខ្ពង់ខ្ពស់​ពី​ឯកឧត្តម​រដ្ឋមន្ត្រី នៅ​ទីស្តីការ​ក្រសួង​បរិស្ថាន​ - រថយន្ត​សាំ​យ៉ុង​កែច្នៃ​ដឹក​ឈើ​របស់​មេ​ឈ្មួញ​ឈ្មោះ ធា ត្រូវ​អស់លក្ខណ៍​ជាប់អន្ទាក់​កម្លាំង​បរិស្ថាន​ - ​ឧបនាយករដ្ឋមន្ដ្រី ហ៊ុន ម៉ា​នី តំណាង​សម្ដេច​តេជោ ហ៊ុន សែន និង​សម្ដេច​កិត្តិ​ព្រឹទ្ធ​បណ្ឌិត ប្រគល់​ផ្ទះ​មួយ​ខ្នង​ជូន​យុវជន អន ផានិត ដែល​ប្រឡង​ជាប់​និទ្ទេស A នៅ​ខេត្ត​កំពត​ - សម្តេច​ធិបតី ហ៊ុន ម៉ា​ណែ​ត អនុញ្ញាត​ឱ្យ​ប្រធាន​សមាគម​មិត្តភាព​ឡាវ​-​កម្ពុជា ចូលជួប​សម្តែង​ការគួរសម និង​ពិភាក្សា​ការងារ​នៅ​រដ្ឋធានី​វៀង​ចន្ទន៍ សាធារណរដ្ឋ​ប្រជាធិបតេយ្យ​ប្រជាមានិត​ឡាវ​ - ឧត្តមសេនីយ៍ឯក រ័ត្ន ស្រ៊ាង រំលេច​នូវ​គុណធម៌​ចំពោះ​អតីត​លោកគ្រូ អ្នកគ្រូ សាលា​បាក់​ទូក ក្នុងឱកាស​ជប់លៀង ជូន​ដល់​កម្លាំង​អាវុធហត្ថ​រាជធានី​ភ្នំពេញ​! - ឧត្តមសេនីយ៍ឯក រ័ត្ន ស្រ៊ាង រំលេច​នូវ​គុណធម៌​ចំពោះ​អតីត​លោកគ្រូ អ្នកគ្រូ សាលា​បាក់​ទូក ក្នុងឱកាស​ជប់លៀង ជូន​ដល់​កម្លាំង​អាវុធហត្ថ​រាជធានី​ភ្នំពេញ​! - ​ឯកឧត្តម​បណ្ឌិត អ៊ាង សុផល្លែត ដឹកនាំ​ប្រតិភូ​ក្រសួង​បរិស្ថាន​ចុះ​ត្រួតពិនិត្យ​ទីតាំង​ភូមិសាស្ត្រ​ដើម្បី​ត្រៀម​រៀបចំ​ដាំ​ដុះ ស្តារ​ព្រៃឈើ​ឡើង​វិញ​នៅ​រដូវវស្សា​
0

​សម្តេច​តេជោ ហ៊ុន សែន អញ្ជើញ​បិទ​សន្និបាត​ក្រសួងមហាផ្ទៃ​

​សម្តេច​តេជោ ហ៊ុន សែន អញ្ជើញ​បិទ​សន្និបាត​ក្រសួងមហាផ្ទៃ​

«គេហទំព័រ រស្មីស្ទឹងត្រង់ | Rasmeistoengtrang News» ទូរស័ព្ទទំនាក់ទំនង011 40 37 29 | 097 72 88 071

http://www.rasmeistoengtrang.com

នៅ​រសៀល ថ្ងៃ​ព្រហស្បតិ៍ ៤​កើត ខែ​ផល្គុន ឆ្នាំ​ខាល ចត្វា​ស័ក ព​.​ស​. ២៥៦៦ ត្រូវ​នឹង ថ្ងៃទី​២៣ ខែ​កុម្ភៈ ឆ្នាំ​២០២៣ នេះ សម្តេច​អគ្គមហាសេនាបតី​តេជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា បាន​អញ្ជើញ​ជា​អធិបតីភាព​ដ៏​ខ្ពង់ខ្ពស់​បិទ​សន្និបាត​បូកសរុប​លទ្ធផល​ការងារ​ឆ្នាំ​២០២២ និង​លើក​ទិសដៅ​ការងារ​ឆ្នាំ​២០២៣ របស់​ក្រសួង​មហាផ្ទៃ ដែល​ពិធី​នេះ ធ្វើឡើង​នៅ​សណ្ឋាគារ​សុខា​ភ្នំពេញ​។

​ក្រសួងមហាផ្ទៃ គឺជា​សេនាធិការ​មួយ​ដ៏​សំខាន់​របស់​រាជរដ្ឋាភិបាល ដោយ​មាន​បេសកម្ម​ដឹកនាំ គ្រប់គ្រង​រដ្ឋបាល​ដែនដី​គ្រប់​ថ្នាក់ លើ​វិស័យ​នយោបាយ​រដ្ឋបាល គ្រប់គ្រង​កងកម្លាំង​នគរបាល​ជាតិ​លើ​វិស័យ​សន្តិសុខ​ជាតិ សណ្តាប់ធ្នាប់​សាធារណៈ និង​សុវត្ថិភាព​សង្គម​។ សន្និបាត​នេះ​មាន​សារៈសំខាន់​ណាស់ ក្នុង​ការពិនិត្យ​ឡើងវិញ​លើ​ការងារ​ទាំងឡាយ​របស់​ស្ថាប័ន និង​អង្គភាព​នានា ស្ថិតក្រោម​សមត្ថកិច្ច​របស់​ក្រសួងមហាផ្ទៃ ក៏ដូចជា​ដាក់​ចេញ​ទិសដៅ​ការងារ​សម្រាប់​ឆ្នាំ​២០២៣ ឱ្យ​កាន់តែ​មាន​ប្រសិទ្ធភាព​។​

​សម្ដេច​តេជោ ហ៊ុន សែន មានប្រសាសន៍ថា ឆ្នាំ ២០២៣​នេះ កម្ពុជា​នឹង​មាន​ព្រឹត្តិការណ៍​ប្រវត្តិសាស្ដ្រ​សំខាន់ៗ ដូចជា ព្រឹត្តិការណ៍​ស៊ី​ហ្គេម និង​អាស៊ាន​ប៉ា​រ៉ា​ហ្គេម ២០២៣ ព្រឹត្តិការណ៍ បោះឆ្នោត​ជា​ដើម ដូច្នេះ​សម្ដេច​បាន​ឱ្យ​ក្រសួង​មហាផ្ទៃ​ត្រូវ​ខិតខំ​សហការ​ជាមួយ​ភាគី​ពាក់ព័ន្ធ​រក្សា​នូវ​សុខ​សុវត្ថិភាព និង​សន្ដិសុខ​សណ្ដាប់ធ្នាប់ សោភ័ណភាព អនាម័យ និង​ច​រារណ៍​ឱ្យបាន​ល្អប្រសើរ​។ សម្តេច​តេ​ជោបាន​មានប្រ​សាសន៍​ទៀត​ថា ការ​យកឈ្នះ​លើ​ជំងឺ​កូវី​ដ​១៩ គឺ​បាន​ឆ្លើយតប​ទាន់​ពេលវេលា​លើ​គ្រោះមហន្តរាយ​នានា គឺជា​លទ្ធផល​បាន​មក​ពី​កំណែទម្រង់​វិមជ្ឈការ និង​សហវិមជ្ឈការ​។​

​សម្ដេច​តេជោ​នាយករដ្ឋមន្ត្រី បាន​មានប្រសាសន៍​ទៀតថា ក្នុង​រយៈពេល ២-៣ ឆ្នាំ​ចុងក្រោយ​នេះ ការផលិត​គ្រឿងញៀន មាន​ការកើនឡើង​គួរឱ្យកត់សម្គាល់ ដូច្នេះ​សម្ដេច​តេជោ​ឱ្យ​មាន​ការពិនិត្យ​ឡើង​វិញ​ចំពោះ​បញ្ហា​នេះ ពិសេស​ការផលិត​គ្រឿងញៀន​កែឆ្នៃ និង​ត្រួតពិនិត្យ​លើ​ការ​ចរាចរណ៍​ចេញចូល​លើ​បញ្ហា​គ្រឿងញៀន​នេះ​។ ជាមួយគ្នា​នេះ​សម្ដេច​សុំ​ឱ្យ​គ្រប់គ្រង​ហត្ថ​ពលកម្ម​បរទេស​ឱ្យ​បាន​ល្អប្រសើរ និង​ឱ្យ​មាន​ការចូលរួម ពី​គ្រប់ភាគី​ពិសេស​ពលករ​បរទេស​។​

​សម្ដេច​តេជោ ហ៊ុន សែន បាន​មានប្រសាសន៍​បញ្ជាក់​ថា បច្ចុប្បន្ននេះ ការងារ​ថ្នាក់​ខេត្ត ថ្នាក់ស្រុក គឺ​នៅ​មាន​ស្ដ្រី​តិចពេក​។​សម្ដេច​តឹ​ជោក៏​បាន​ណែនាំ​ឱ្យ​មាន​ការតែងតាំង​ស្ដ្រី​ជា​អភិបាលរង​យ៉ាងតិច​២-៣ នាក់​បន្ថែមទៀត​។ សម្ដេច​បាន​មានប្រសាសន៍​បញ្ជាក់​ថា រាជរដ្ឋាភិបាល​បាន​ផ្ដល់​អំណាច​ដើម្បី​ឱ្យ​មូលដ្ឋាន​អាច​ជ្រើសរើស ប៉ុន្ដែ​ការស្នើ​មក​នោះ មិន​មាន​ស្ដ្រី​ច្រើនឡើយ​។ សម្ដេច​បញ្ជាក់ថា មន្ដ្រី​មូលដ្ឋាន​មិន​គួរ​មាន​ការខ្វះខាត​ស្ដ្រី​នោះ​ទេ​។ គ្រូបង្រៀន សាស្ដ្រាចារ្យ គឺជា​មូលដ្ឋាន ក្នុង​ការជ្រើសរើស​ជា​អភិបាលរង​ខេត្ត ស្រុក ដែល​ការងារ​នេះ​អាច​ផ្លាស់ប្ដូរ​ក្របខណ្ឌ​បាន​។​

​សម្ដេច​តេជោ​នាយករដ្ឋមន្ត្រី​បាន​មានប្រសាសន៍បន្ត​ទៀតថា កា​ជ្រើសរើស​មន្ដ្រី គឺ​សុំ​ស្នើ​ឱ្យ​យក​មន្ដ្រី​ក្របខណ្ឌ​ស្រាប់ ដូច​ជា​សាស្ដ្រាចារ្យ គ្រូបង្រៀន ថ្នាក់​បរិញ្ញាបត្រ និង​ថ្នាក់​ទី​១២ បូក​២ ជាដើម​។ សម្ដេច​បញ្ជាក់ថា បើ​ចង់ឱ្យ​មាន​ការលើកតំកើន​ស្ដ្រី​នៅ​គ្រប់​តួនាទី គឺ​ត្រូវតែ​ចូលរួម​ដោយ​ខ្លួនឯង​មន្ដ្រី​នៅ​ថ្នាក់​មូលដ្ឋាន​។

​នៅថ្ងៃនេះ សម្ដេច​តេជោ ហ៊ុន សែន មានប្រសាសន៍​សារជាថ្មី​អំពី ការរួម​គ្នា​កម្ចាត់​ចោល​នូវ​រាល់​ព័ត៌មាន​ក្លែងបន្លំ ដែល​ព័ត៌មាន​ក្លែងបន្លំ​នេះ វា​អាក្រក់ និង​សាហាវ ដែល​ផ្ទុយ​ពី​សិទ្ធិ​បញ្ចេញមតិ ដូច្នេះ​ការបង្កើត​ឆា​ណែ​ល​តេ​ឡេ​ក្រាម គឺជា​ផ្នែក​មួយ​ដើម្បី​ឆ្លើយតប​ទាន់​ពេល​ចំ​ពោះ​ករណី​មាន​ព័ត៌មាន​ក្លែងក្លាយ​កើតឡើង​។ សម្ដេច​តេ​ជោក៏​ជំរុញ​ឲ្យ​អាជ្ញាធរ​មូលដ្ឋាន​ក៏ដូចជា​អាជ្ញាធរ​ខេត្ត​នីមួយៗ​អាច​បង្កើត​ជា​គ្រុប តេ​លេក្រា​ម ដើម្បី​ងាយស្រួល​ក្នុង​ការទទួលបាន​ព័ត៌មាន​លឿន រហ័ស​ទាន់​ចិត្ត និង​មាន​ប្រសិទ្ធភាព ជាពិសេស​ដើម្បី​លុបបំបាត់​ចោល​នូវ​ព័ត៌មាន​ក្លែងក្លាយ​ផ្សេងៗ​ឲ្យទាន់​ពេលវេលា​។

​សម្ដេច​តេជោ ហ៊ុន សែន បាន​មានប្រសាសន៍ថា ក្នុង​កិច្ច​គាំពារ​ដើម្បី​រក្សា​លំនឹង​ដល់​ជីវភាព​គ្រួសារ​ក្រីក្រ រាជរដ្ឋាភិបាល​បាន​ដាក់ចេញ​នូវ ការ ឧបត្ថម្ភ​សាច់ប្រាក់​ជូន​ដល់​គ្រួសារ​ក្រីក្រ និង​គ្រួសារ​ដែល​ងាយ​រងគ្រោះ និង​រង​ហានិភ័យ​នានា​ផង​ដែរ​ដើម្បី​ជួយ​ដល់​ប្រជា​ពល​ដ្ឋ ដែល​មក​ដល់ពេលនេះ រដ្ឋាភិបាល​បាន​ចំណាយ​ថវិកា​អស់​ជាង ១ ពាន់​លាន​ដុល្លារ​រួច​ទៅ​ហើយ​ដែរ​។​

​មុន​នឹង​បញ្ចប់ សម្តេច​តេជោ​នាយករដ្ឋមន្ត្រី ក៏​បាន​ជូនពរ​ឱ្យ​មន្ត្រីក្រោមឱវាទ​ក្រសួងមហាផ្ទៃ​ទាំងអស់​ទទួលបាន​នូវ​សេចក្តីសុខ សេចក្តីចម្រើន និង​ទទួលបាន​នូវ​ភាពជោគជ័យ​ជា​បន្តបន្ទាប់​ទៀត ក្នុង​ផែនការ​សកម្មភាព​ការងារ​នៃ​ឆ្នាំ​បន្ទាប់​។​

​បន្ទាប់មក​សម្តេច​តេជោ ហ៊ុន សែន ក៏​បាន​អញ្ជើញ​បំពាក់​មេដាយ និង​គ្រឿង​ឥស្សរិយយស​ដល់​មន្ត្រី​ក្រោម​ឱវាទ​ក្រសួង​មហាផ្ទៃ​មួយ​ចំនួន ដែល​មាន​ស្នាដៃ​ល្អ​ក្នុង​ការអភិវឌ្ឍន៍​មូលដ្ឋាន និង​ការងារ​បម្រើ​ប្រជាជន​នា​ពេលកន្លងមក ក្នុង​បរិយាកាស​រីករាយ និង​ស្និទ្ធស្នាល​ក្រៃលែង​៕

Filed in: ព័ត៌មានជាតិ

Leave a Reply

Submit Comment
«រស្មីស្ទឺងត្រង់ | Rasmei Stoeng Trang» ព័ត៌មានថ្មីៗ ទាន់ហេតុការណ៍ !​ ទាក់ទងផ្តល់​ព័ត៌មាន តាមទូរស័ព្ទលេខ 011 40 37 29 | 097 72 88 071 ឬ តាម Whatsapp | Telegram : 011 40 37 29 | 097 72 88 071 ! សូមអរគុណ !

©២០១៨ រក្សាសិទ្ធិដោយសារព័ត៌មាន «រស្មីស្ទឺងត្រង់ | Rasmei Stoeng Trang» | ទូរស័ព្ទ៖ 011 40 37 29 | 097 72 88 071 |

អាសយដ្ឋាន ៖ ផ្ទះលេខ ៦៤០ ផ្លូវលំ ភូមិរាំងដេក ឃុំគគីរធំ ស្រុកកៀនស្វាយ ខេត្តកណ្ដាល