ទាន់ហេតុការណ៍
ឯកឧត្តម សុខ ចាន់​ភក្ដី អញ្ជើញ​ចូលរួម​ក្នុង​កិច្ចប្រជុំ​រវាង​ថ្នាក់ដឹកនាំ​ក្រសួង​ព័ត៌មាន និង​សមាគម​អ្នកសារព័ត៌មាន​នៅ​កម្ពុជា​លើក​ទី​០២ ក្រោម​អធិបតីភាព ឯកឧត្តម នេត្រ ភ​ត្ត្រា រដ្ឋមន្ត្រីក្រសួង​ព័ត៌មាន​ - ឯកឧត្តម គង់ សោភ័ណ្ឌ អភិបាល​នៃ​គណៈ​អភិបាលខេត្ត​កណ្ដាល បាន​អញ្ជើញ​ចូលរួម​ក្នុង​ពិធី​ផ្សព្វផ្សាយ​របាយការណ៍​ជាតិ​ការងារ​ប្រយុទ្ធប្រឆាំង​អំពើ​ជួញដូរ​មនុស្ស​ - បញ្ជូន​ខ្លួន​ជនសង្ស័យ​ម្នាក់​ទៅ​ពន្ធនាគារ ក្រោម​បទ​កាត់​រូបរាង​ឈូសឆាយ​ដី​ព្រៃ​យក​ធ្វើជា​កម្មសិទ្ធិ ស្ថិតនៅ​ឃុំ​អូរ​កណ្ដៀរ​សែន​ជ័យ ស្រុក​អូរ​គ្រៀង​សែន​ជ័យ ខេត្ត​ក្រចេះ​. - កាន់​ប្លែក បែកធ្លាយ ក្រុមការងារ​ចុះ​ជួយ​ឃុំ​សំបុក ស្រុក​ចិត្រ​បុរី បែរជា​មក​ជួប​សំណេះសំណាល​ជាមួយ​ប្រជាពលរដ្ឋ​ជា​សមាជិក​បក្ស​នៅ ភូមិ ត្រពាំង​ឈូក ឃុំ​ឃឹម ស្រុក​ស្នួល ទៅវិញ តើ​មាន​គោលបំណង​អ្វី​ឲ្យ​ពិតប្រាកដ​ - ឯកឧត្តម​បណ្ឌិត អ៊ាង សុផល្លែត រដ្ឋមន្ត្រី​ក្រសួង​បរិស្ថាន បាន​អនុញ្ញាឱ្យ​សមាគមយុវជ​ន​លើកកម្ពស់​សេដ្ឋកិច្ច​ប្រជាជន​កម្ពុជា (YAEP) ចូលជួប​សម្តែង​ការគួរសម និង​ទទួល​ស្តាប់​នូវ​អនុសាសន៍​ដ៏​ខ្ពង់ខ្ពស់​ពី​ឯកឧត្តម​រដ្ឋមន្ត្រី នៅ​ទីស្តីការ​ក្រសួង​បរិស្ថាន​ - រថយន្ត​សាំ​យ៉ុង​កែច្នៃ​ដឹក​ឈើ​របស់​មេ​ឈ្មួញ​ឈ្មោះ ធា ត្រូវ​អស់លក្ខណ៍​ជាប់អន្ទាក់​កម្លាំង​បរិស្ថាន​ - ​ឧបនាយករដ្ឋមន្ដ្រី ហ៊ុន ម៉ា​នី តំណាង​សម្ដេច​តេជោ ហ៊ុន សែន និង​សម្ដេច​កិត្តិ​ព្រឹទ្ធ​បណ្ឌិត ប្រគល់​ផ្ទះ​មួយ​ខ្នង​ជូន​យុវជន អន ផានិត ដែល​ប្រឡង​ជាប់​និទ្ទេស A នៅ​ខេត្ត​កំពត​ - សម្តេច​ធិបតី ហ៊ុន ម៉ា​ណែ​ត អនុញ្ញាត​ឱ្យ​ប្រធាន​សមាគម​មិត្តភាព​ឡាវ​-​កម្ពុជា ចូលជួប​សម្តែង​ការគួរសម និង​ពិភាក្សា​ការងារ​នៅ​រដ្ឋធានី​វៀង​ចន្ទន៍ សាធារណរដ្ឋ​ប្រជាធិបតេយ្យ​ប្រជាមានិត​ឡាវ​ - ឧត្តមសេនីយ៍ឯក រ័ត្ន ស្រ៊ាង រំលេច​នូវ​គុណធម៌​ចំពោះ​អតីត​លោកគ្រូ អ្នកគ្រូ សាលា​បាក់​ទូក ក្នុងឱកាស​ជប់លៀង ជូន​ដល់​កម្លាំង​អាវុធហត្ថ​រាជធានី​ភ្នំពេញ​! - ឧត្តមសេនីយ៍ឯក រ័ត្ន ស្រ៊ាង រំលេច​នូវ​គុណធម៌​ចំពោះ​អតីត​លោកគ្រូ អ្នកគ្រូ សាលា​បាក់​ទូក ក្នុងឱកាស​ជប់លៀង ជូន​ដល់​កម្លាំង​អាវុធហត្ថ​រាជធានី​ភ្នំពេញ​!
0

លោក អភិបាល​ខេត្ត​កំពត ជួប​សំណេះសំណាល​ជាមួយ​កងកម្លាំង​ទាំង​បី ក្នុង​ខេត្ត​កំពត ក្នុងឱកាស​ពិធី​បុណ្យចូលឆ្នាំថ្មី​

លោក អភិបាល​ខេត្ត​កំពត ជួប​សំណេះសំណាល​ជាមួយ​កងកម្លាំង​ទាំង​បី ក្នុង​ខេត្ត​កំពត ក្នុងឱកាស​ពិធី​បុណ្យចូលឆ្នាំថ្មី​

«គេហទំព័រ រស្មីស្ទឹងត្រង់ | Rasmeistoengtrang News» ទូរស័ព្ទទំនាក់ទំនង097 72 88 071 | 076 44 44 373

http://www.rasmeistoengtrang.com

(​ខេត្ត​កំពត​)៖ នៅ​ព្រឹក​ថ្ងៃទី​០៨ ខែ​មេសា ឆ្នាំ ២០២០ នេះ លោក ជាវ តា​យ អភិបាល​នៃ​គណៈ​អភិបាលខេត្ត និង​ជា​ប្រធាន​គណៈ​បញ្ជាការ​ឯកភាព​រដ្ឋបាល​ខេត្ត​កំពត បាន​ជួប​សំណេះសំណាល ជាមួយ​ថ្នាក់ដឹកនាំ កងកម្លាំង​មកពី​អង្គភាព ទាំង​បី​ក្នុង​ខេត្ត រួមមាន​ស្នងការដ្ឋាន​នគរបាល​ខេត្ត បញ្ជាការដ្ឋាន​កងរាជអាវុធហត្ថ​ខេត្ត និង​បញ្ជាការដ្ឋាន​តំបន់​ប្រតិបត្តិការ​សឹក​រង​ខេត្ត ។​

​មានប្រសាសន៍​សំណេះសំណាល លោក ជាវ តា​យ អភិបាលខេត្ត បាន​ការកោតសរសើរ​វាយតម្លៃ​ខ្ពស់ ចំពោះ​លទ្ធផល​ការងារ​ដែល​កងកម្លាំង​ប្រដាប់អាវុធ​គ្រប់​ប្រភេទ នា​រយៈពេល​កន្លង​មក​តែង​បាន​ចូលរួម​គាំទ្រ​យ៉ាង​សកម្ម​ក្នុង​ការអនុវត្ត​គោលនយោបាយ ភូមិ ឃុំ​មាន​សុវត្ថិភាព ស្រប​តាម​តួនាទី និង​ភារកិច្ច​រៀងៗ​ខ្លួន​ប្រកបដោយ​ស្មារតី​ទទួលខុសត្រូវ​ខ្ពស់​ក្នុង​ការ បង្ការ និង​ទប់ស្កាត់​បញ្ហា​កើតមានឡើង​ក្នុង​ភូមិសាស្ត្រ​ខេត្ត​កំពត​។​ដោយ​ក្នុង​នោះ សមត្ថកិច្ច កងកម្លាំងប្រដាប់អាវុធ​គ្រប់​ថ្នាក់ គ្រប់ផ្នែក ដែល​បាន​យកចិត្តទុកដាក់ ទាំង​កម្លាំងកាយ​ចិត្ត​ប្រកបដោយ​ការទទួលខុសត្រូវ​ខ្ពស់ ធ្វើឱ្យ​ការងារ​គោលនយោបាយ ភូមិ ឃុំ​មាន​សុវត្ថិភាព ទទួលបាន​លទ្ធផល​គួរឲ្យកត់សម្គាល់​។ ពិសេស​ក្នុង​ស្ថានការណ៍​ប្រទេសជាតិ​យើង​ដែល​កំពុង​ជួបប្រទះ​នូវ​បញ្ហា​ជម្ងឺ​កូវី​ដ​១៩ កងកម្លាំងប្រដាប់អាវុធ​គ្រប់​ប្រភេទ តែង​បាន​ចូលរួម យ៉ាងសកម្ម នៅក្នុង​យុទ្ធនាការ​បង្ការ​និង​ប្រយុទ្ធ​ប្រឆាំង​ជំងឺ​ដ៏​កាច​សាហាវ​នេះ​តាមរយៈ​យុទ្ធនាការ ផ្សព្វផ្សាយ​ជា​សារ​សម្លេង របស់​ក្រសួង​សុខាភិបាល​ស្តីពី​វិធានការ​អនាម័យ​សុខភាព ការត្រៀម​បំរុង កន្លែង​សម្រាប់​ព្យាបាល​អ្នក​ផ្ទុក​ជំងឺ ការ​ស្រង់​ស្ថិតិ​ពលករ​ដែល​វិល​ត្រឡប់​មកពី​ប្រទេស​ជិតខាង​និង​ការចូលរួម​អនុវត្ត​សកម្មរ​បញ្ជា​របស់​ប្រមុខ​រាជរដ្ឋាភិបាល​ក្រសួងមហាផ្ទៃ​និង​រដ្ឋបាល​ខេត្ត​។ ឯកឧត្តម​អភិបាលខេត្ត ក៏​បាន​ក្រើនរំលឹក ដល់​ថ្នាក់ដឹកនាំ​កងកម្លាំង​ទាំង​បី ត្រូវ​បន្ត​យកចិត្តទុកដាក់​ឲ្យបាន​ថា​ខ្លាំង​បន្ថែមទៀត ពិសេស​ត្រូវ​ចូលរួម​នឹង​ខិតខំ​អោយ​បាន​សកម្ម​ក្នុង​ការបំពេញ​តួនាទី​ភារកិច្ច​ដើម្បី​បុព្វហេតុ​ការពារ សន្តិសុខ សណ្ដាប់ធ្នាប់​សាធារណៈ​ក្នុង​ខេត្ត​ឱ្យមាន​លក្ខណៈ​ល្អប្រសើរ​ឡើង​។​

​ក្នុងឱកាស​នោះ លោក ជាវ តា​យ អភិបាលខេត្ត ក៏​បាន​ជូន​ថវិកា​ដល់​តំណាង​អង្គភាព​កងកម្លាំង​ទាំង​បី​ដើម្បី​ជាការ​តបស្នង គុណ​តម្លៃ​ការងារ​ក្នុង​ឱកាស​ឆ្នាំ​ថ្មី​ប្រពៃណី​ជាតិខ្មែរ​ខាងមុខនេះ សរុប​ចំនួន​៤៤,៤៥០,០០០​រៀល រួមមាន​៖ កងកម្លាំង​នគរបាល​ខេត្ត​មាន​ចំនួន​៦១៨ ក្នុង​ម្នាក់​៥០០០០​រៀល​សរុប​ថវិកា ស្មើនឹង​៣០,៩០០,០០០​រៀល ក្នុងនោះ​ក៏​មាន​ការចូលរួម​បដិភាគ​ពី លោក​ឧត្តមសេនីយ៍ទោ ម៉ៅ ច័ន្ទ​មធុ​រិទ្ធ ស្នងការ​នរគ​បាល​ខេត្ត ៥០% ស្មើនឹង ១៥,៤៥០,០០០​រៀល​។​

​កងកម្លាំង​កង​អាវុធហត្ថ​ខេត្ត​ចំនួន​៨៨​នាក់​ក្នុង​ម្នាក់ៗ​ទទួលបាន ៥០០០០​រៀល​សរុប​ថវិកា ស្មើនឹង ៤,៤០០០,០០០​រៀល ក្នុងនោះ​ក៏​មាន​ការចូលរួម​បដិភាគ​ពី ឧត្តមសេនីយ៍ត្រី កែវ សុផល មេបញ្ជាការ​កងរាជអាវុធហត្ថ​ខេត្ត ៥០% ស្មើនឹង ២,២០០,០០០​រៀល​។​

​កម្លាំង​ប្រតិបត្តិការ​សឹក​រង​ខេត្ត ចំនួន​១៨៣​នាក់ ក្នុង​ម្នាក់​៥០០០០​រៀល សរុប​ថវិកា​ស្មើនឹង ៩,១៥០,០០០​រៀល ដោយ​មាន​ការចូលរួម​បដិភាគ​១០០% ពី​លោក ហុក ចិន្តា មេបញ្ជាការរង​តំបន់​ប្រតិបត្តិការ​សឹក​រង​ខេត្តោ​ង​ដែរ​៕

Filed in: ព័ត៌មានជាតិ

Leave a Reply

Submit Comment
«រស្មីស្ទឺងត្រង់ | Rasmei Stoeng Trang» ព័ត៌មានថ្មីៗ ទាន់ហេតុការណ៍ !​ ទាក់ទងផ្តល់​ព័ត៌មាន តាមទូរស័ព្ទលេខ 097 72 88 071 / 076 44 44 373 ឬ តាម Whatsapp | Telegram : 097 72 88 071 / 076 44 44 373 ! សូមអរគុណ !

©២០១៨ រក្សាសិទ្ធិដោយសារព័ត៌មាន «រស្មីស្ទឺងត្រង់ | Rasmei Stoeng Trang» | ទូរស័ព្ទ៖ 097 72 88 071 / 076 44 44 373 |

អាសយដ្ឋាន ៖ ផ្ទះលេខ ៦៤០ ផ្លូវលំ ភូមិរាំងដេក ឃុំគគីរធំ ស្រុកកៀនស្វាយ ខេត្តកណ្ដាល