ទាន់ហេតុការណ៍
ឯកឧត្តម ម៉ែន វិបុល ចុះ​ចែក​អំណោយ​មនុស្សធម៌រ​បស់​សាខា​កាកបាទ​ក្រហម​ខេត្ត​ស្វាយរៀង ដល់​ស្ត្រី​ទើប​សម្រាលកូន​នៅ​មន្ទីរពេទ្យបង្អែក​ខេត្ត​ស្វាយរៀង​ - ក្រុមហ៊ុន ជីប ម៉ុង អ៊ិន​ស៊ី ស៊ី​មេន សហការ​ជាមួយ​មន្ទីរ​បរិស្ថាន រៀបចំ​ទិវា អនាម័យ សម្អាត​បរិស្ថាន នៅ​ខេត្ត​កែប​ - សម្តេច​សខេង​៖​ក្រសួង​បាន​ប្រឹងប្រែង​សង់​ពន្ធនាគារ​បន្ថែមទៀត​ទាក់ទង​ទៅនឹង​គ្រឿងញៀន​ - មន្ត្រី​ជំនាញ អង្គការ​ដៃគូ អាជ្ញាធរ​និង​ប្រជាពលរដ្ឋ​ត្រូវ​រួម​គ្នា​អភិរក្ស​តំបន់ការពារទេសភាព​អន្លង់​ព្រីង​ - ឯកឧត្តម ថោង ខុន សម្ពោធ​ ​ពុទ្ធិ​សមិទ្ធផល​ជាច្រើន​នៅក្នុង​វត្ត​សម្ដេចជោតញ្ញា​ណ ហៅ​វត្ត​តាំងគោក តម្លៃ​ជាង ៩ ម៉ឺន​ដុល្លារ​ - ​ពិធី​បញ្ចុះ​ខណ្ឌសីមា​ព្រះវិហារ​ថ្មី និង​សម្ពោធ​សមិទ្ធផល​នានា វត្ត​ដងទង់ ស្ថិតក្នុង​ភូមិ​ថ្មី ឃុំ​ដងទង់ ស្រុក​ដងទង់ ខេត្ត​កំពត​ - សម្តេច​តេជោ ហ៊ុន សែន អញ្ជើញ​ទទួល​ស្វាគមន៍​អ្នកដំណើរ​នៅ​លើ​នាវា​ទេសចរណ៍ WESTERDAM ទាំង​ពេល​នេះ​និង​ពេល​ក្រោយ​ទៀត​ - កម្ពុជា​ស្វាគមន៍​នារ​វា​ទេសចរណ៍ MS Westerdam សហរដ្ឋអាមេរិក​ចូល​ចត​ - ​រដ្ឋលេខាធិការ​ក្រសួង​ដែនដី​ជំរុញ​អាជ្ញាធរ​ឃុំ​សង្កាត់​ឱ្យ​ដោះស្រាយ​វិវាទ​ដីធ្លី នៅ​ក្រៅ​ប្រព័ន្ធ​តុលាការ​ - រដ្ឋមន្ត្រីក្រសួង​ព័ត៌មាន ក្រើន​រំ​ឮ​ក​អ្នកសារព័ត៌មាន ត្រូវ​ផ្សាយ​ព័ត៌មាន​ប្រកបដោយ​វិជ្ជាជីវៈ ក្រមសីលធម៌ និង​ប្រភព​ច្បាស់លាស់ ដែល​ជា​អាវ​ក្រោះ​ការពារ​ខ្លួន​
0

សម្តេច​តេជោ ហ៊ុន សែន អញ្ជើញ​ចូល​ជួប​ជូនពរ និង​ពិភាក្សា​ការងារ​ជាមួយ​ប្រធានាធិបតី​ឥណ្ឌូនេស៊ី​

សម្តេច​តេជោ ហ៊ុន សែន អញ្ជើញ​ចូល​ជួប​ជូនពរ និង​ពិភាក្សា​ការងារ​ជាមួយ​ប្រធានាធិបតី​ឥណ្ឌូនេស៊ី​

នៅ​ព្រឹក​ថ្ងៃទី​២០ ខែតុលា ឆ្នាំ​២០១៩​នេះ ក្នុង​ដំណើរ​អញ្ជើញ​ចូលរួម​ពិធី​ស្បថ​ចូលកាន់​តំណែង​ប្រធានាធិបតី​ឥណ្ឌូនេស៊ីរ​បស់ ឯកឧត្តម ចូកូ វី​ដូ​ដូ សម្តេច​អគ្គមហាសេនាបតី​តេជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា បាន​អញ្ជើញ​ចូលជួប​ជូនពរ និង​ពិភាក្សា​ការងារ​ដោយ​ផ្ទាល់​ជាមួយ​ឯកឧត្តម ចូកូ វី​ដូ​ដូ (Joko Widodo) ប្រធានាធិបតី​ឥណ្ឌូនេស៊ី​។

​ជា​កិច្ច​ចាប់ផ្តើម​នៃ​ជំនួប​នោះ ឯកឧត្តម ប្រធានាធិបតី​ឥណ្ឌូនេស៊ី បាន​ថ្លែងអំណរគុណ​សម្តេច​តេជោ​នាយករដ្ឋមន្ត្រី ដែល​បាន​អញ្ជើញ​ចូលរួម​ក្នុង​ពិធី​ស្បថ​ចូលកាន់​តំណែង​របស់​ឯកឧត្តម​។ ឯកឧត្តម ក៏​បាន​អរគុណ​សម្តេច​តេជោ ហ៊ុន សែន ដែល​បាន​ជំរុញ​កិច្ចសហការ​ទ្វេភាគី​ដ៏​រឹងមាំ​រវាង​ឥណ្ឌូនេស៊ី និង​កម្ពុជា​។​

​សម្តេច​តេជោ​នាយករដ្ឋមន្ត្រី ក៏​បាន​ថ្លែងអំណរគុណ ឯកឧត្តម​ប្រធានាធិបតី ដែល​បាន​អញ្ជើញ​សម្តេច និង​គណៈប្រតិភូ​ចូលរួម​ក្នុង​ពិធី ហើយ​សម្តេច​ពិតជា​រីករាយ​ក្នុង​ការចូលរួម​ពិធី​ដ៏​សែន​មាន​អត្ថន័យ​មួយ​នេះ​។​

​សម្តេច​តេជោ​ប្រមុខរាជ​រដ្ឋាភិបាល​កម្ពុជា ក៏​បាន​នាំយក​នូវ​ព្រះរាជបន្ទូល​ផ្តាំផ្ញើ​សាកសួរ​សុខទុក្ខ​របស់​ព្រះមហាក្សត្រ​ខ្មែរ ព្រះករុណា ព្រះបាទ​សម្តេច ព្រះបរមនាថ នរោត្តម សីហនុ ជាទី​គោរព​សក្តារៈដ៏​ខ្ពង់ខ្ពស់ ជូន​ឯកឧត្តម​ប្រធានាធិបតី​ផងដែរ​។​

​សម្តេច​តេជោ ហ៊ុន សែន បាន​បង្ហាញ​ក្តីសង្ឃឹម​ថា​ក្នុង​អាណត្តិ​ថ្មី​នេះ ឯកឧត្តម​ប្រធានាធិបតី​នឹង​រក​ពេលវេលា​សមស្រប​ទៅ​ទស្សនកិច្ច​នៅ​កម្ពុជា ខណៈ​ដែល​អតីត​ប្រធានាធិបតី​ឥណ្ឌូនេស៊ី​ចំនួន​៤​រូប​មក​ហើយ​បាន​បំពេញ​ទស្សនកិច្ច​នៅ​កម្ពុជា​។​

​នៅក្នុង​ជំនួប​នេះ​សម្តេច​តេជោ ហ៊ុន សែន ក៏​បាន​លើក​ពី​បញ្ហា​របស់​ទីម័​រដែ​លចង់​ក្លាយ​ជា​សមាជិក​អាស៊ាន​ផងដែរ​។ សម្តេច​តេជោ ហ៊ុន សែន បាន​ថ្លែង​បង្ហាញ​ក្តីសង្ឃឹម​ថា ប្រទេស​សមាជិក​អាស៊ាន​ទាំងអស់​នឹង​សម្រេច​ពី​ការចង់​ក្លាយ​ជា​សមាជិក​អាស៊ាន​របស់​ប្រទេស​ទីម័​រខាង​កើត នៅក្នុង​កិច្ចប្រជុំ​កំពូល​អាស៊ាន​នា​ទីក្រុង​បាងកក នៅ​ចុងឆ្នាំ​នេះ​។

​សម្តេច​តេជោ បាន​ថ្លែងថា ប្រទេស​ទីម័​រខាង​កើត បាន​ខិតខំ​គ្រប់​លទ្ធភាព​ដើម្បី​ក្លាយ​ជា​សមាជិក​អាស៊ាន ជា​ពិសេស​បាន​បើក​ស្ថានទូត​នៅ​ប្រទេស​ទាំង​១០ នៃ​សមាជិក​អាស៊ាន​។ សម្តេច​តេជោ​សង្ឃឹមថា ឯកឧត្តម​ប្រធានាធិបតី​នឹង​គាំទ្រ​ប្រទេស​ទី​ម័រជា​សមាជិក​របស់​អាស៊ាន​។

​ឯកឧត្តម​ប្រធានាធិបតី​ឥណ្ឌូនេស៊ី គាំទ្រ​ការលើកឡើង​របស់​សម្តេច​តេជោ ហ៊ុន សែន ក្នុង​ការអនុញ្ញាត​ឱ្យ​ទីម័​រក្លាយ​ជា​សមាជិក​ទី​១១ របស់​អាស៊ាន ហើយ​ឥណ្ឌូនេស៊ី​គាំទ្រ​ប្រទេស​ទី​ម័រ​។ ឯកឧត្តម ប្រធានាធិបតី បាន​លើកឡើង​ថា ជា​រឿង​ដ៏​សម្រាប់​ការអនុញ្ញាត​ឱ្យ​ទីម័​រក្លាយ​ជា​សមាជិក​អាស៊ា​ន​។​

​សម្រាប់​បញ្ហា​ទំនាក់ទំនង​ទ្វេភាគី​វិញ ឯកឧត្តម​ប្រធានាធិបតី បាន​មើលឃើញ​មានការ​វិវឌ្ឍន៍​យ៉ាង​ល្អប្រសើរ​។ ដូចជា​វិស័យ​សុខាភិបាល​ប្រទេស​ទាំង​ពីរ​មានការ​វិនិយោគ​រួម​គ្នា ហើយ​វិស័យ​ដឹកជញ្ជូន​វិញ​ប្រទេស​ទាំង​ពីរ​មាន​ការហោះហើរ​ត្រង់​ជាមួយ​គ្នា​ផង​ដែរ​។ ប៉ុន្តែ​ឯកឧត្តម​មើលឃើញថា នៅ​មាន​វិស័យ​ជាច្រើន​ទៀត​ដែល​មាន​សក្តានុពល​ហើយ​ត្រូវ​យកចិត្តទុកដាក់​បន្ថែ​ម​ដូច​ជា​ការដឹកជញ្ជូន​ផ្លូវដែក និង​តាម​ផ្លូវទឹក​ជាដើម​។​

​សូមបញ្ជាក់​ថា នៅ​ថ្ងៃ​ទី​២០ ខែតុលា ឆ្នាំ​២០១៩​នេះ ឯកឧត្តម​ប្រធានាធិបតី ចូកូ វី​ដូ​ដូ នឹង​ស្បថ​ចូលកាន់​តំណែង​ជា​ប្រធានាធិបតី​របស់​ឥណ្ឌូនេស៊ី សម្រាប់​អាណត្តិ​ទី​២​របស់​លោក​ពី​ឆ្នាំ​២០១៩ ដល់ ២០២៤ បន្ទាប់​ពី ឯកឧត្តម​បាន​ឈ្នះឆ្នោត​កាលពី​ខែ​មេសា កន្លងទៅនេះ​។​

​ពិធី​ចូលកាន់​តំណែង​របស់​ឯកឧត្តម​ត្រូវបាន​ប្រារព្ធធ្វើឡើង​យ៉ាងអ​ធឹ​កអធម​ដោយ​មាន​ការអញ្ជើញ​ចូលរួម​ពី​មេដឹកនាំ​ប្រទេស​សមាជិក​អាស៊ាន និង​មេដឹកនាំ​ប្រទេស​ជា​មិត្ត​មួយចំនួនទៀត​៕

Filed in: ព័ត៌មានជាតិ

Recent Posts

Bookmark and Promote!

Leave a Reply

Submit Comment
«រស្មីស្ទឺងត្រង់ | Rasmei Stoeng Trang» ព័ត៌មានថ្មីៗ ទាន់ហេតុការណ៍ !​ ទាក់ទងផ្តល់​ព័ត៌មាន តាមទូរស័ព្ទលេខ xxx xxx xxx ឬ តាម Whatsapp : xxx xxx xxx | Telegram : xxx xxx xxx ! សូមអរគុណ !

©២០១៨ រក្សាសិទ្ធិដោយសារព័ត៌មាន «រស្មីស្ទឺងត្រង់ | Rasmei Stoeng Trang»ា | ទូរស័ព្ទ៖ xxx xxx xxx | អ៊ីម៉ែល៖ mailtobot@gmail.com

សហការផ្តល់ព័ត៌មាន៖ xxx xxx xxx | អ៊ីម៉ែល ៖ mailtobot@gmail.com