ទាន់ហេតុការណ៍
ប្រជា​ពលរដ្ឋ​ខ្មែរ​ជាច្រើន​កំពុងតែ​បាន​មេខ្យល់​ជម្លៀស​ឆ្លងដែន​ដោយ​ខុសច្បាប់​ស្ទើរតែ​រាល់ថ្ងៃ ហាក់បីដូចជា​មិន​មាន​ការរំខាន​ដល់​អាជ្ញាធរ​ឬ​សមត្ថកិច្ច​ពាក់ព័ន្ធ​ទាល់តែសោះ​.. - ឯកឧត្តម សុខ ចាន់​ភក្ដី អញ្ជើញ​ចូលរួម​ក្នុង​កិច្ចប្រជុំ​រវាង​ថ្នាក់ដឹកនាំ​ក្រសួង​ព័ត៌មាន និង​សមាគម​អ្នកសារព័ត៌មាន​នៅ​កម្ពុជា​លើក​ទី​០២ ក្រោម​អធិបតីភាព ឯកឧត្តម នេត្រ ភ​ត្ត្រា រដ្ឋមន្ត្រីក្រសួង​ព័ត៌មាន​ - ឯកឧត្តម គង់ សោភ័ណ្ឌ អភិបាល​នៃ​គណៈ​អភិបាលខេត្ត​កណ្ដាល បាន​អញ្ជើញ​ចូលរួម​ក្នុង​ពិធី​ផ្សព្វផ្សាយ​របាយការណ៍​ជាតិ​ការងារ​ប្រយុទ្ធប្រឆាំង​អំពើ​ជួញដូរ​មនុស្ស​ - បញ្ជូន​ខ្លួន​ជនសង្ស័យ​ម្នាក់​ទៅ​ពន្ធនាគារ ក្រោម​បទ​កាត់​រូបរាង​ឈូសឆាយ​ដី​ព្រៃ​យក​ធ្វើជា​កម្មសិទ្ធិ ស្ថិតនៅ​ឃុំ​អូរ​កណ្ដៀរ​សែន​ជ័យ ស្រុក​អូរ​គ្រៀង​សែន​ជ័យ ខេត្ត​ក្រចេះ​. - កាន់​ប្លែក បែកធ្លាយ ក្រុមការងារ​ចុះ​ជួយ​ឃុំ​សំបុក ស្រុក​ចិត្រ​បុរី បែរជា​មក​ជួប​សំណេះសំណាល​ជាមួយ​ប្រជាពលរដ្ឋ​ជា​សមាជិក​បក្ស​នៅ ភូមិ ត្រពាំង​ឈូក ឃុំ​ឃឹម ស្រុក​ស្នួល ទៅវិញ តើ​មាន​គោលបំណង​អ្វី​ឲ្យ​ពិតប្រាកដ​ - ឯកឧត្តម​បណ្ឌិត អ៊ាង សុផល្លែត រដ្ឋមន្ត្រី​ក្រសួង​បរិស្ថាន បាន​អនុញ្ញាឱ្យ​សមាគមយុវជ​ន​លើកកម្ពស់​សេដ្ឋកិច្ច​ប្រជាជន​កម្ពុជា (YAEP) ចូលជួប​សម្តែង​ការគួរសម និង​ទទួល​ស្តាប់​នូវ​អនុសាសន៍​ដ៏​ខ្ពង់ខ្ពស់​ពី​ឯកឧត្តម​រដ្ឋមន្ត្រី នៅ​ទីស្តីការ​ក្រសួង​បរិស្ថាន​ - រថយន្ត​សាំ​យ៉ុង​កែច្នៃ​ដឹក​ឈើ​របស់​មេ​ឈ្មួញ​ឈ្មោះ ធា ត្រូវ​អស់លក្ខណ៍​ជាប់អន្ទាក់​កម្លាំង​បរិស្ថាន​ - ​ឧបនាយករដ្ឋមន្ដ្រី ហ៊ុន ម៉ា​នី តំណាង​សម្ដេច​តេជោ ហ៊ុន សែន និង​សម្ដេច​កិត្តិ​ព្រឹទ្ធ​បណ្ឌិត ប្រគល់​ផ្ទះ​មួយ​ខ្នង​ជូន​យុវជន អន ផានិត ដែល​ប្រឡង​ជាប់​និទ្ទេស A នៅ​ខេត្ត​កំពត​ - សម្តេច​ធិបតី ហ៊ុន ម៉ា​ណែ​ត អនុញ្ញាត​ឱ្យ​ប្រធាន​សមាគម​មិត្តភាព​ឡាវ​-​កម្ពុជា ចូលជួប​សម្តែង​ការគួរសម និង​ពិភាក្សា​ការងារ​នៅ​រដ្ឋធានី​វៀង​ចន្ទន៍ សាធារណរដ្ឋ​ប្រជាធិបតេយ្យ​ប្រជាមានិត​ឡាវ​ - ឧត្តមសេនីយ៍ឯក រ័ត្ន ស្រ៊ាង រំលេច​នូវ​គុណធម៌​ចំពោះ​អតីត​លោកគ្រូ អ្នកគ្រូ សាលា​បាក់​ទូក ក្នុងឱកាស​ជប់លៀង ជូន​ដល់​កម្លាំង​អាវុធហត្ថ​រាជធានី​ភ្នំពេញ​!
0

មន្ត្រីជាន់ខ្ពស់​ក្រសួង​សង្គមកិច្ច​៖ អ្នកផ្តល់​មុខរបរ និង​ជនពិការ​ផ្ទាល់ ត្រូវ​ផ្តល់ និង​ជ្រើសរើស​ជំនាញ​ឲ្យស្រប​ប្រភេទ​ពិការភាព​រប​ស់​ខ្លួន​

មន្ត្រីជាន់ខ្ពស់​ក្រសួង​សង្គមកិច្ច​៖ អ្នកផ្តល់​មុខរបរ និង​ជនពិការ​ផ្ទាល់ ត្រូវ​ផ្តល់ និង​ជ្រើសរើស​ជំនាញ​ឲ្យស្រប​ប្រភេទ​ពិការភាព​រប​ស់​ខ្លួន​

«គេហទំព័រ រស្មីស្ទឹងត្រង់ | Rasmeistoengtrang News» ទូរស័ព្ទទំនាក់ទំនង097 72 88 071 | 076 44 44 373

http://www.rasmeistoengtrang.com

(​ភ្នំពេញ​)៖ មន្ត្រីជាន់ខ្ពស់ នៃ​ក្រសួង​សង្គមកិច្ច អតីតយុទ្ធជន និង​យុវនីតិសម្បទា បាន​ផ្តល់​អនុសាសន៍​ថា អ្នកផ្តល់​មុខរបរ​បង្ហាត់បង្រៀន ជា​ពិសេស​ជន​មាន​ពិការភាព ត្រូវ​ផ្តល់ និង​ជ្រើសរើស​មុខរបរ និង​ជំនាញ​ឱ្យ​សមស្រប​ទៅនឹង​ប្រភេទ​ពិការភាព​របស់​ខ្លួន​។​

​ការផ្តល់​អនុសាសន៍​នេះ ធ្វើឡើង​ក្រោយ​សង្កេតឃើញថា ការងារ និង​មុខរបរ​សម្រាប់​ជន​មាន​ពិការភាព ត្រូវបាន​យកចិត្តទុកដាក់ និង​បាន​ជោគជ័យ​គួរឱ្យ​កត់សម្គាល់ ប៉ុន្តែ​មុខរបរ និង​ជំនាញ ឬ​ប្រភេទ​ការងារ​ខ្លះ មិន​ស៊ីសង្វាក់​គ្នា​ទៅ​នឹង​ស្ថានភាព​របស់​ជនពិការ​នាំ​ឱ្យ​ការផ្តល់ និង​ការទទួល​ការងារ ឬ​មុខរបរ​ខ្លះ​ជួប​ឧបសគ្គ​។ អ្នកពាក់ព័ន្ធ​ទាំងឡាយ គប្បី​គិតគូរ​ធ្វើ​ឱ្យ​យ៉ាងណា ឱ្យ​ជន​មាន​ពិការភាព​បង្កើត​មុខរបរ​ដោយ​ខ្លួនឯង ជាពិសេស​មុខរបរ​ដែល​នៅនឹងកន្លែង ឬ​មុខរបរ​ដែល​មិនសូវ​ចាំបាច់​ធ្វើដំណើរ​ឆ្ងាយ ព្រោះ​មុខរបរ​បែបនេះ អាច​ផ្តល់​លទ្ធភាព​ឱ្យ​ជន​មាន​ពិការភាព អាច​បត់បែន​ទៅតាម​ស្ថានភាព​របស់​ពួកគាត់​បាន​ដោយ​ស្រួល​ជាង ហើយក៏​មិន​ប៉ះពាល់​ស្ថាប័ន ឬ​បុគ្គល​ណា​ផ្សេង​។​

​នេះ​ជា​ការលើកឡើង​របស់​លោក ញ៉ឹក វណ្ណា​រ៉ា រដ្ឋលេខាធិការ​ក្រសួង​សង្គមកិច្ច អតីតយុទ្ធជន និង​យុវនីតិសម្បទា តំណាង​លោក វង សូ​ត រដ្ឋមន្ត្រី​ក្រសួង​សង្គមកិច្ច អតីតយុទ្ធជន និង​យុវនីតិសម្បទា នៅក្នុង សិក្ខាសាលា និង​វេទិកា​ពិគ្រោះ​យោបល់​ស្ដីពី បញ្ហា​ប្រឈម​រវាង​អ្នកទទួល និង​អ្នកផ្ដល់​សេវា​ការងារ​ដល់​យុវជន​មាន​ពិការភាព​នៅក្នុង​ប្រទេស​កម្ពុជា រៀបចំ​នៅ​ឯ​សណ្ឋាគារ​ភ្នំពេញ នា​ថ្ងៃ​ទី​១៧ ខែតុលា ឆ្នាំ​២០១៩​។​

​លោក ញ៉ឹក វណ្ណា​រ៉ា បានបញ្ជាក់​ដូច្នេះ​ថា «​ដើម្បី​ចៀសវាង​ពិបាក​ក្នុង​ការស្វែងរក​ការងារ​ធ្វើ ហើយ​ក៏​ដើម្បី​ងាយស្រួល​ដល់​ស្ថាប័ន​ជា​អ្នក​ផ្តល់​ការងារ​ជូន​ផង អ្នកពាក់ព័ន្ធ​ទាំងឡាយ គឺ​ទាំង​អ្នកផ្តល់ មុខរបរ និង ផ្តល់​ជំនាញ គប្បី​ផ្តល់​ឱ្យ​សមស្រប​ទៅនឹង​ស្ថានភាព​របស់​ជន​មាន​ពិការភាព ចំណែក​ជន​មាន​ពិការភាព មុន​នឹង​សម្រេច​ចិត្ត​ជ្រើស​សិក្សា​ចាប់​យក​មុខជំនាញ​ណាមួយ គប្បី ពិចារណា​ដល់​ស្ថានភាព​របស់​ខ្លួន ពោល​គឺ​ត្រូវ​ជ្រើសរើស​មុខរបរ ឬ​ជំនាញ​ណា​ដែល​សមស្រប​ទៅនឹង​ប្រភេទ​ពិការភាព​របស់​ខ្លួន​»​។​

​នៅ​ទូទាំង​ប្រទេស​កម្ពុជា មាន​ជន​មាន​ពិការភាព​ប្រមាណ​ជា​ជាង ៥២ ម៉ឺន​នាក់ ហើយ​តាមរយៈ​ការអនុវត្ត​ប្រព័ន្ធ​ការងារ​សម្រាប់​ជន​មាន​ពិការភាព ឬ​ច្បាប់​ស្តីពី​កិច្ចការពារ និង លើកកម្ពស់​សិទ្ធិ​ជនពិការ គ្រាន់​តែ​កាលពី​ឆ្នាំ ២០១៨ កន្លងទៅ ជន​មាន​ពិការភាព​ប្រមាណ​ជា ៥.០០០ នាក់ ត្រូវបាន​ជ្រើសរើស​ចូល​បម្រើ​ការងារ​នៅតាម​ក្រសួង​ស្ថាប័ន​រដ្ឋ និង ឯកជន ហើយ​ត្រូវបាន​មើលឃើញថា ជន​មាន​ពិការភាព នៅ​មាន​សក្តានុពល​ច្រើន​ទៀត​ក្នុង​ការចូលរួម​ក្នុង​វិស័យ​ផ្សេងៗ ជាពិសេស​ក្នុង​ផ្នែក​កសាង​សេដ្ឋកិច្ច​គ្រួសារ​។​

​លោក យៀប ម៉ាលី​ណូ ប្រធាន​នាយកដ្ឋាន​សុខុមាលភាព​ជនពិការ​បាន​លើកឡើង​ថា រយៈពេល​ប៉ុន្មាន​ឆ្នាំ​ចុងក្រោយ​នេះ វិស័យ​ពិការភាព​នៅ​កម្ពុជា មាន​សន្ទុះ គួរឱ្យកត់សម្គាល់ ហើយ វិស័យ​ពិការភាព​នៅ​កម្ពុជា មាន​ភាព​លេចធ្លោ​ជាង​បណ្តា​ប្រទេស​ជាច្រើន​នៅក្នុង​តំបន់ ហើយ​មាន​ប្រទេស​ខ្លះ​បាន និង កំពុង​រៀនសូត្រ​ពី​កម្ពុជា ដូច​ជា​ឧបករណ៍​វាយតម្លៃ​ពិការភាព និង​ច្បាប់​ការងារ​ជន​មាន​ពិការភាព​ជាដើម​៕

Filed in: ព័ត៌មានជាតិ

Leave a Reply

Submit Comment
«រស្មីស្ទឺងត្រង់ | Rasmei Stoeng Trang» ព័ត៌មានថ្មីៗ ទាន់ហេតុការណ៍ !​ ទាក់ទងផ្តល់​ព័ត៌មាន តាមទូរស័ព្ទលេខ 097 72 88 071 / 076 44 44 373 ឬ តាម Whatsapp | Telegram : 097 72 88 071 / 076 44 44 373 ! សូមអរគុណ !

©២០១៨ រក្សាសិទ្ធិដោយសារព័ត៌មាន «រស្មីស្ទឺងត្រង់ | Rasmei Stoeng Trang» | ទូរស័ព្ទ៖ 097 72 88 071 / 076 44 44 373 |

អាសយដ្ឋាន ៖ ផ្ទះលេខ ៦៤០ ផ្លូវលំ ភូមិរាំងដេក ឃុំគគីរធំ ស្រុកកៀនស្វាយ ខេត្តកណ្ដាល