ទាន់ហេតុការណ៍
ប្រជា​ពលរដ្ឋ​ខ្មែរ​ជាច្រើន​កំពុងតែ​បាន​មេខ្យល់​ជម្លៀស​ឆ្លងដែន​ដោយ​ខុសច្បាប់​ស្ទើរតែ​រាល់ថ្ងៃ ហាក់បីដូចជា​មិន​មាន​ការរំខាន​ដល់​អាជ្ញាធរ​ឬ​សមត្ថកិច្ច​ពាក់ព័ន្ធ​ទាល់តែសោះ​.. - ឯកឧត្តម សុខ ចាន់​ភក្ដី អញ្ជើញ​ចូលរួម​ក្នុង​កិច្ចប្រជុំ​រវាង​ថ្នាក់ដឹកនាំ​ក្រសួង​ព័ត៌មាន និង​សមាគម​អ្នកសារព័ត៌មាន​នៅ​កម្ពុជា​លើក​ទី​០២ ក្រោម​អធិបតីភាព ឯកឧត្តម នេត្រ ភ​ត្ត្រា រដ្ឋមន្ត្រីក្រសួង​ព័ត៌មាន​ - ឯកឧត្តម គង់ សោភ័ណ្ឌ អភិបាល​នៃ​គណៈ​អភិបាលខេត្ត​កណ្ដាល បាន​អញ្ជើញ​ចូលរួម​ក្នុង​ពិធី​ផ្សព្វផ្សាយ​របាយការណ៍​ជាតិ​ការងារ​ប្រយុទ្ធប្រឆាំង​អំពើ​ជួញដូរ​មនុស្ស​ - បញ្ជូន​ខ្លួន​ជនសង្ស័យ​ម្នាក់​ទៅ​ពន្ធនាគារ ក្រោម​បទ​កាត់​រូបរាង​ឈូសឆាយ​ដី​ព្រៃ​យក​ធ្វើជា​កម្មសិទ្ធិ ស្ថិតនៅ​ឃុំ​អូរ​កណ្ដៀរ​សែន​ជ័យ ស្រុក​អូរ​គ្រៀង​សែន​ជ័យ ខេត្ត​ក្រចេះ​. - កាន់​ប្លែក បែកធ្លាយ ក្រុមការងារ​ចុះ​ជួយ​ឃុំ​សំបុក ស្រុក​ចិត្រ​បុរី បែរជា​មក​ជួប​សំណេះសំណាល​ជាមួយ​ប្រជាពលរដ្ឋ​ជា​សមាជិក​បក្ស​នៅ ភូមិ ត្រពាំង​ឈូក ឃុំ​ឃឹម ស្រុក​ស្នួល ទៅវិញ តើ​មាន​គោលបំណង​អ្វី​ឲ្យ​ពិតប្រាកដ​ - ឯកឧត្តម​បណ្ឌិត អ៊ាង សុផល្លែត រដ្ឋមន្ត្រី​ក្រសួង​បរិស្ថាន បាន​អនុញ្ញាឱ្យ​សមាគមយុវជ​ន​លើកកម្ពស់​សេដ្ឋកិច្ច​ប្រជាជន​កម្ពុជា (YAEP) ចូលជួប​សម្តែង​ការគួរសម និង​ទទួល​ស្តាប់​នូវ​អនុសាសន៍​ដ៏​ខ្ពង់ខ្ពស់​ពី​ឯកឧត្តម​រដ្ឋមន្ត្រី នៅ​ទីស្តីការ​ក្រសួង​បរិស្ថាន​ - រថយន្ត​សាំ​យ៉ុង​កែច្នៃ​ដឹក​ឈើ​របស់​មេ​ឈ្មួញ​ឈ្មោះ ធា ត្រូវ​អស់លក្ខណ៍​ជាប់អន្ទាក់​កម្លាំង​បរិស្ថាន​ - ​ឧបនាយករដ្ឋមន្ដ្រី ហ៊ុន ម៉ា​នី តំណាង​សម្ដេច​តេជោ ហ៊ុន សែន និង​សម្ដេច​កិត្តិ​ព្រឹទ្ធ​បណ្ឌិត ប្រគល់​ផ្ទះ​មួយ​ខ្នង​ជូន​យុវជន អន ផានិត ដែល​ប្រឡង​ជាប់​និទ្ទេស A នៅ​ខេត្ត​កំពត​ - សម្តេច​ធិបតី ហ៊ុន ម៉ា​ណែ​ត អនុញ្ញាត​ឱ្យ​ប្រធាន​សមាគម​មិត្តភាព​ឡាវ​-​កម្ពុជា ចូលជួប​សម្តែង​ការគួរសម និង​ពិភាក្សា​ការងារ​នៅ​រដ្ឋធានី​វៀង​ចន្ទន៍ សាធារណរដ្ឋ​ប្រជាធិបតេយ្យ​ប្រជាមានិត​ឡាវ​ - ឧត្តមសេនីយ៍ឯក រ័ត្ន ស្រ៊ាង រំលេច​នូវ​គុណធម៌​ចំពោះ​អតីត​លោកគ្រូ អ្នកគ្រូ សាលា​បាក់​ទូក ក្នុងឱកាស​ជប់លៀង ជូន​ដល់​កម្លាំង​អាវុធហត្ថ​រាជធានី​ភ្នំពេញ​!
0

​ប្រជាពលរដ្ឋ​រងគ្រោះ​ខ្យល់ក​ន្ទ្រា​ក់​ចំនួន ១០​គ្រួសារ​នៅ​ស្រុក​ដំណាក់​ចង្អើរ​បានទទួល​អំណោយ សង្គ្រោះបន្ទាន់​ពី​សាខា​កាកបាទក្រហមកម្ពុជា​ខេត្ត​កែប​

​ប្រជាពលរដ្ឋ​រងគ្រោះ​ខ្យល់ក​ន្ទ្រា​ក់​ចំនួន ១០​គ្រួសារ​នៅ​ស្រុក​ដំណាក់​ចង្អើរ​បានទទួល​អំណោយ សង្គ្រោះបន្ទាន់​ពី​សាខា​កាកបាទក្រហមកម្ពុជា​ខេត្ត​កែប​

«គេហទំព័រ រស្មីស្ទឹងត្រង់ | Rasmeistoengtrang News» ទូរស័ព្ទទំនាក់ទំនង097 72 88 071 | 076 44 44 373

http://www.rasmeistoengtrang.com

(​ខេត្ត​កែប​)៖ នៅ​ព្រឹក​ថ្ងៃទី​០៤ ខែ​សីហា ឆ្នាំ​២០១៩ លោក កែ​ន សត្ថា អភិបាលខេត្ត និង​ជា​ប្រធាន​គណៈកម្មាធិការ​សាខា​កាកបាទក្រហមកម្ពុជា​ខេត្ត​កែប អមដំណើរ​ដោយ​សមាជិក សមាជិកា គណៈកម្មាធិការ​សាខា មន្ត្រី​ប្រតិបត្តិ រួម​ជាមួយ​លោកស្រី គឹម ច​ន្នី អភិបាលស្រុក និង ជា​ប្រធាន​អនុសាខា​កាកបាទក្រហម​កម្ពុជា​ស្រុក​ដំណាក់​ចង្អើរ និង សហការី ព្រម​ទាំង​អាជ្ញាធរ​មូលដ្ឋាន ឃុំ ភូមិ បាន​ចុះ​ពិនិត្យ​ស្ថានភាព និង នាំយក​អំណោយ​សង្គ្រោះបន្ទាន់​របស់​សាខា​កាកបាទក្រហមកម្ពុជា​ខេត្ត ទៅ​ឧបត្ថម្ភ ដល់​បងប្អូន​ប្រជាពលរដ្ឋ​ដែល​រងគ្រោះ ដោយ​គ្រោះធម្មជាតិ​ខ្យល់ក​ន្ទ្រា​ក់​កាល​ពី​ម្សិលមិញ​។​

​អំណោយ​សង្គ្រោះ ដែល​សាខា​កាកបាទក្រហមកម្ពុជា​ខេត្ត​កែប នាំយក​ទៅ​ជួយ​ឧបត្ថម​នាពេលនោះ ក្នុង​មួយ​គ្រួសារៗ​ទទួលបាន តង់​ធំ​០១ អាវ​៦ និង ថវិកា សម្រាប់​គ្រួសារ​រង​ការខូចខាត​ធ្ងន់ ចំនួន​៤​គ្រួសារ ក្នុង​មួយ​គ្រួសារៗ ៣០ ម៉ឺន​រៀល គ្រួសារ​ខូចខាត​មធ្យម ចំនួន​១​គ្រួសារ ទទួលបាន ១៥ ម៉ឺន​រៀល និង គ្រួសារ​ដែល​រង​ការខូចខាត​ស្រាល ចំនួន​៥​គ្រួសារ ទទួលបាន​ថវិកា ១០ ម៉ឺន​រៀល​។​

​មានប្រសាសន៍​សំណេះសំណាល​ក្នុងឱកាស​នោះ លោក កែ​ន សត្ថា បាន​សម្តែង​នូវ​ការចូលរួម​សោកស្តាយ​ចំពោះ​ការ​ខួច​ខាត​ទ្រព្យសម្បត្តិ ផ្ទះសំបែង​របស់​បងប្អូន​ប្រជាពលរដ្ឋ ព្រមទាំង ពាំនាំ​នូវ​ការ​ផ្តាំផ្ញើ​សាកសួរ​សុខទុក្ខ​ពី​សំណាក់​សម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុន សែន ប្រធាន​កាកបាទក្រហមកម្ពុជា ដែល​ជា​និច្ច​ជា​កាល​តែងតែ​នឹករលឹក និង គិតគូរ​ដល់​ជីវភាព​រស់នៅ​របស់​បង​ប្អូន​ប្រជាពលរដ្ឋ​គ្រប់ទិសទី​ទូទាំងប្រទេស ដោយ​គ្មាន​ការរើសអើង និង​មិន​ប្រកាន់​និន្នាការ​នយោបាយ​អ្វី​ឡើយ​។​

​លោក​អភិបាលខេត្ត បាន​បន្តថា អំណោយ​សង្គ្រោះ​ដែល​នាំយកមក​ចែកជូន នាពេលនេះ គឺ​គ្រាន់តែ​ដោះស្រាយ​ជីវភាព​របស់​បងប្អូន​មួយគ្រា​ប៉ុណ្ណោះ ហេតុ​នេះ​បងប្អូន​ត្រូវ​បន្ត​ខិតខំ​បង្កបង្កើន​ផល​បន្ថែមទៀត ទាំង​ដំណាំ​ស្រូវ ទាំង​ដំណាំ​រួមផ្សំ​ផ្សេងៗ ឲ្យបាន​ច្រើន ទៅ​តាម​ទីកន្លែង និង​តាម​លទ្ធភាព​ដែល​អាច​ធ្វើ​បាន​ទើប​ធានា​ផ្គត់ផ្គង់​ជីវភាព​គ្រួសារ​បាន​គ្រប់គ្រាន់​តាម​តម្រូវការ​។​

​ក្នុងឱកាស​នោះ លោក​ក៏​បាន​ផ្តាំផ្ញើ​ដល់​បងប្អូន​ប្រជា​ពល រដ្ឋ​ឲ្យមាន​ការប្រុងប្រយ័ត្ន ចំពោះ​គ្រោះធម្មជាតិ ព្រោះ​បច្ចុប្បន្ននេះ ពេល​មាន​ភ្លៀង​ផ្គរ​រន្ទះ តែងតែ​មាន​ខ្យល់ក​ន្ទ្រា​ក់មក​ជា​មួយ ដែល​អាច​បង្ករ​គ្រោះថ្នាក់ ជាយថាហេតុ​។ ជាមួយ​នេះ​លោក​ក៏​បាន​កោត សរសើរ ចំពោះ​អាជ្ញាធរ​ស្រុក ឃុំ ភូមិ និង សមត្ថកិច្ច​ពាក់ព័ន្ធ​ទាំងអស់​ដែល​បាន​យកចិត្តទុកដាក់​ចំពោះ​ស្ថានភាព ជីវភាព​រស់នៅ​របស់​ប្រជាពលរដ្ឋ​នៅ​តាម​មូលដ្ឋាន រាល់​ពេល​កើតមាន​គ្រោះអាសន្ន តែងតែ​បាន​ផ្តល់​ដំណឹង មក​ដល់​សាខា​កាកបាទ​ក្រហម​ដើម្បី​ជួយសង្គ្រោះ​ទាន់​ពេលវេលា​។​

​សូមជម្រាបថា កាលពី​ព្រឹក​ថ្ងៃទី​០៣ ខែ​សីហា ឆ្នាំ​២០១៩ ខណៈ​មេឃ​កំពុង​ភ្លៀង លាយឡំ​ជាមួយ​នឹង​ខ្យល់ក​ន្ទ្រា​ក់ ក៏​បាន​បណ្តាល​ឲ្យ​លំនៅដ្ឋាន​របស់​ប្រជាពលរដ្ឋ​ចំនួន​១០​ខ្នង​ស្ថិត​ភូមិសាស្ត្រ​ស្រុក​ដំណាក់​ចង្អើរ ត្រូវ​រង​ការខូចខាត​ដោយសារ​អំណាច​គ្រោះធម្មជាតិ ក្នុងនោះ​មានផ្ទះ​០៣​ខ្នង​នៅ​ភូមិរ​នេស ឃុំ​ពងទឹក និង​០៧​ខ្នង​ទៀត ស្ថិតក្នុង​ភូមិ​អំពេ​ង ឃុំ​អង្កោល នៃ​ស្រុក​ដំណាក់​ចង្អើរ ខេត្ត​កែប​៕

Filed in: ព័ត៌មានជាតិ

Leave a Reply

Submit Comment
«រស្មីស្ទឺងត្រង់ | Rasmei Stoeng Trang» ព័ត៌មានថ្មីៗ ទាន់ហេតុការណ៍ !​ ទាក់ទងផ្តល់​ព័ត៌មាន តាមទូរស័ព្ទលេខ 097 72 88 071 / 076 44 44 373 ឬ តាម Whatsapp | Telegram : 097 72 88 071 / 076 44 44 373 ! សូមអរគុណ !

©២០១៨ រក្សាសិទ្ធិដោយសារព័ត៌មាន «រស្មីស្ទឺងត្រង់ | Rasmei Stoeng Trang» | ទូរស័ព្ទ៖ 097 72 88 071 / 076 44 44 373 |

អាសយដ្ឋាន ៖ ផ្ទះលេខ ៦៤០ ផ្លូវលំ ភូមិរាំងដេក ឃុំគគីរធំ ស្រុកកៀនស្វាយ ខេត្តកណ្ដាល