ទាន់ហេតុការណ៍
សម្តេច​តេជោ ហ៊ុន សែន និង សម្តេច​កិត្តិ​ព្រឹទ្ធ​បណ្ឌិត បាន​រៀបចំ​ពិធីរាប់បាត្រ​ក្នុង​កិច្ច​បង្ហើយ​បុណ្យ​គម្រប់​១០០​ថ្ងៃ ឧទ្ទិស​កុសល​ជូន​វិញ្ញាណក្ខន្ធ​មហា​ឧបាសិកា ប៊ុន ស៊ា​ង​លី​ - ពិធី​បិទ​កិច្ចប្រជុំ​ផ្សព្វផ្សាយ​បទបញ្ជា​លេខ ០១ បប របស់​រាជដ្ឋាភិបាល​កម្ពុជា ស្ដីពី​ការអនុវត្ត​ផែនការ​ដោះស្រាយ​បញ្ហា​កូដកម្ម បាតុកម្ម​នៅ​តាម​មុខសញ្ញា​សម្រាប់​ឆ្នាំ​២០២០-២០២៤ - ពលរដ្ឋ​ត្រូវ​បង្កើន​ការប្រុងប្រយ័ត្ន ដើម្បី​ទប់ស្កាត់​ជំងឺ​កូវី​ដ​១៩ កុំឲ្យ​ឆ្លង​រាលដាល​ក្នុងសហគមន៍ - ឯកឧត្តម អ៊ុន ចាន់​ដា ចុះ​ពិនិត្យ បញ្ហា​វិវាទ​ដី តំបន់​មេទឹក​ក្នុងស្រុក​បាធាយ និង​កំណត់​នីតិវិធី​ឈ្នះ​ឈ្នះ​ដើម្បី​ដោះស្រាយ​ - ​អាជ្ញាធរ​និង​ជំនាញ​ត្រូវ​ឆ្លើយតប​ជា​បន្ទាន់​រាល់​សំណូមពរ​របស់​ប្រជាពលរដ្ឋ​ពី​បញ្ហា​ទាក់ទង​ផ្លូវ និង​ស្ពាន ដែល​ពិបាក​ធ្វើ​ដំណើរ​ - ឯកឧត្តម វេង សាខុន អញ្ជើញ​មក​ជួប​សំណេះសំណាល​ជាមួយ​ប្រជា​ពលរដ្ធ​និង​នាំយក​កូន​ឈើហូប​ផ្លែ​(​ដូង ខ្មុរ មាន ឬ​ស្សី ស្វាយ​ត្របែក និង​ស្តៅ​)​ពូជ មាន់​និង​ចំណី​មាន់មក​ចែក​ជូន​ប្រជា​ពលរដ្ធ​ចំនួន​២០០​គ្រួសារ​ក្នុង​ស្រុក​តា​លោ សែន​ជ័យ​ - ឯកឧត្តម អ៊ុន ចាន់​ដា អញ្ជើញ​ដឹកនាំ​ប្រតិភូ​រដ្ធបាលខេត្ត ជួបប្រជុំ​ជាមួយ​ប្រតិភូ​គណ​:​កម្មា​ការទី​៧ នៃ​ព្រឹទ្ធសភា​ - ជនសង្ស័យ​០៨​នាក់​ដែល​ជា​មុខសញ្ញា​ជួញដូរ ប្រើប្រាស់​គ្រឿងញៀន ត្រូវ​កម្លាំង​សមត្ថកិច្ច​ស្រុក​ឈូក​បង្ក្រាប​ - ទីស្នាក់ការ​គណបក្ស​ប្រជាជន​កម្ពុជា​គោក​រកា តម្លៃ​៦​ម៉ឺន​ដុល្លារ នឹង​សម្ពោធ​ឲ្យប្រើ​ប្រាស់​ ​ក្រោម​អធិបតីភាព​ដ៏​ខ្ពង់ខ្ពស់ ឯកឧត្តម ប៉ា សុជាតិ​វង្ស សមាជិក​គណៈកម្មការ​កណ្តាល និង​ជា​ប្រធាន​គណៈកម្មការ​បក្ស​រាជធានី​ភ្នំពេញ​ - ​ពលរដ្ឋ​ក្រីក្រ​ឃុំ​ស្វាយ​ទង​ខាងត្បូង ស្រុក​កំពង់ត្រាច​ទទួលបាន​ប័ណ្ណ​សមធម៌​ពី​រាជរដ្ឋាភិបាល​
0

​រដ្ឋបាល​ខេត្ត​កែប រៀបចំ​កិច្ចប្រជុំ​បូក​សរុប​លទ្ធផល​ការងារ​របស់​ក្រុមការងារ​រាជរដ្ឋាភិបាល​ចុះ​មូលដ្ឋាន​ខេត្ត​កែប​

​រដ្ឋបាល​ខេត្ត​កែប រៀបចំ​កិច្ចប្រជុំ​បូក​សរុប​លទ្ធផល​ការងារ​របស់​ក្រុមការងារ​រាជរដ្ឋាភិបាល​ចុះ​មូលដ្ឋាន​ខេត្ត​កែប​

(​ខេត្ត​កែប​)៖ នៅ​ព្រឹក​ថ្ងៃទី​២២ ខែកក្កដា ឆ្នាំ​២០២០ ដោយយោង​តាម​សេចក្ដីណែនាំ​របស់​រាជរដ្ឋាភិបាល ស្ដីពី​តួនាទី ភារកិច្ច និង​របៀបរបប​ការងារ​សម្រាប់​ក្រុមការងារ​ចុះ​បំពេញ​បេសកកម្ម​តាម​មូលដ្ឋាន ដើម្បី​ត្រួតពិនិត្យ និង​គាំទ្រ​ការអនុវត្ត​កម្មវិធី​នយោបាយ និង​យុទ្ធសាស្ត្រ​ចតុកោណ​ដំណាក់កាល​ទី​៤​របស់​រាជរដ្ឋាភិបាល ក្រុមការងារ​រាជរដ្ឋាភិបាល​ចុះ​មូលដ្ឋាន​ខេត្ត​កែប បានរៀបចំ​កិច្ចប្រជុំ​បូក​សរុប​លទ្ធផល​ការងារ​ដែល​បាន​អនុវត្ត​ក្នុង​ឆមាស​ទី​១ ឆ្នាំ​២០២០ និង​ឆ្លុះបញ្ចាំង​រាល់​ចំណុចខ្លាំង ក៏ដូចជា​បញ្ហា​ប្រឈម​នានា ដែល​បាន​ជួបប្រទះ​ក្នុង​ពេល​អនុវត្ត ក្នុង​គោលបំណង ដើម្បី​ពិនិត្យ គាំទ្រ​ការអនុវត្ត​កម្មវិធី​នយោបាយ និង​យុទ្ធសាស្ត្រ​ចតុកោណ​ដំណាក់កាល​ទី​៤ ប្រចាំ​ឆមាស​ទី​១ ឆ្នាំ​២០២០ និង​ទិសដៅ​អនុវត្ត​បន្ត​របស់​ក្រុមការងារ​រាជរដ្ឋាភិបាល​ចុះ​មូលដ្ឋាន​ខេត្ត ក្រោម អធិបតីភាព លោក ជិន ប៊ុនស៊ាន ទេស​រដ្ឋមន្ត្រី​ទទួលបន្ទុក​បេសកកម្ម​ពិសេស និង​ជា​ប្រធាន​ក្រុមការងារ​រាជរដ្ឋាភិបាល​ចុះ​មូលដ្ឋាន​ខេត្ត​កែប និង លោក លូ​យ សុផាត ប្រធាន​គណៈកម្មាធិការ​ទី​៣ រដ្ឋសភា នៃ​ព្រះរាជាណាចក្រ​កម្ពុជា​។​

​ក្នុង​កិច្ចប្រជុំ​នេះ មាន​ការចូលរួម​ដោយ លោក សំ សារី​ន ប្រធាន​ក្រុមប្រឹក្សា​ខេត្ត លោក សោម ពិសិដ្ឋ អភិបាល នៃ​គណៈ​អភិបាលខេត្ត​កែប ព្រមទាំង លោក លោកស្រី ជា​សមាជិក​សមាជិការ​ក្រុម​ការងារ​ទាំងអស់​សរុប​ប្រមាណ ១៨៩ រូប​។

​លោក សោម ពិសិដ្ឋ អភិបាលខេត្ត បាន​លើកឡើង​ថា តាម​គោលការណ៍​របស់​រាជរដ្ឋាភិបាល ដែលមាន​សម្តេច​តេជោជា​ប្រមុខ បានសម្រេច​បញ្ចេញ​សាច់ប្រាក់​ដើម្បី​ជួយឧ​ប​ត្ត​ម្ភ​ជូន​ប្រជាពលរដ្ឋ​ក្រីក្រ នៅ​មូលដ្ឋាន ដែល​បាត់បង់​ចំណូល​ក្នុង​អំឡុង​កូវី​ដ​១៩ កើតឡើង ទាំង​នេះ​បង្ហាញ​ពី​ឆន្ទះ​របស់​ប្រមុខ​រាជរដ្ឋាភិបាល​កម្ពុជា តែងតែ​យកចិត្តទុកដាក់​អំពី​សុខទុក្ខ​របស់​បងប្អូន​មិន​ទុកចោល ទោះ​ក្នុង​កាលទេស​ណា​ក៏​ដោយ​។​ចំពោះ​ទិន្នន័យ​អត្តសញ្ញាណ​កម្ម​គ្រួសារ​ក្រីក្រ​នេះ ត្រូវតែ​អនុវត្ត​ជាដាច់ខាត​តាម​បច្ចេកទេស​របស់​ក្រសួង​ផែនការ​ដែល​បានកំណត់ មិន​ត្រូវ​បន្លំ ឬ​បក្សពួក​និយម​ឡើយ​។

​បន្ទាប់ពី​បាន​ស្តាប់​របាយការណ៍​របស់​មេឃុំ​ចៅសង្កាត់​ទាំង​ប្រាំ អភិបាលក្រុង ស្រុក និង​របាយការណ៍​សង្ខេប របស់លោក សោម ពិសិដ្ឋ អភិបាល នៃ​គណៈ​អភិបាលខេត្ត និង​ជា​អនុប្រធាន​អចិន្ត្រៃយ៍​ក្រុមការងារ​រាជរដ្ឋាភិបាល​ចុះ​មូលដ្ឋាន​ខេត្ត រួចមក លោក ជិន ប៊ុនស៊ាន ទេស​រដ្ឋមន្ត្រី​ទទួលបន្ទុក​បេសកកម្ម​ពិសេស និង​ជា​ប្រធាន​ក្រុមការងារ​រាជរដ្ឋាភិបាល​ចុះ​មូលដ្ឋាន​ខេត្ត​កែប បាន​ជំរុញ​ឲ្យ​មន្ត្រី​ពាក់ព័ន្ធ​ទាំងអស់​ត្រូវ​សហការ​គ្នា​ទប់ស្កាត់​បទ​ល្មើស​ផ្សេងៗ បង្ក្រាប​ល្បែងស៊ីសង​គ្រប់​ប្រភេទ រក្សា​សុខ​សន្តិភាព សណ្តាប់ធ្នាប់​សាធារណៈ​ជូន​ប្រជាពលរដ្ឋ​ឲ្យបាន​ល្អ​ប្រសើរ មិន​ត្រឹមតែ​ប៉ុណ្ណោះ​ត្រូវ​ចុះ​ឲ្យដល់​មូលដ្ឋាន​សិក្សា​ស្វែងយល់​ពី​តម្រូវការ​របស់​ប្រជាពលរដ្ឋ តាមរយៈ​ការរៀបចំ​ឲ្យមាន​វេ​ទិ​ការ​សាធារណៈ និង​ជួប​ជាមួយ​ប្រជាពលរដ្ឋ​តាម​ខ្នង​ផ្ទះ​ឲ្យបាន​ញឹកញាប់​។​

​លើសពីនេះ លោក​ទេសរដ្ឋមន្ត្រី បាន​បញ្ជាក់​ឲ្យ​មន្ត្រី​ពាក់ព័ន្ធ ត្រូវ​យកចិត្តទុកដាក់​ដោះស្រាយ​បញ្ហា​ប្រឈម​ដែល​នៅ​សេសសល់​ឲ្យបាន​ឆាប់រហ័ស ពិសេស​គឺ​ការផ្តល់សេវា​សាធារណៈ​ជូន​ពលរដ្ឋ​ឲ្យបាន​ល្អ ស្រប​តាម​អភិក្រម ធ្វើឲ្យបាន ធ្វើឲ្យ​លឿន និង​ធ្វើឲ្យមាន​ប្រសិទ្ធភាព សំដៅ​ធ្វើឲ្យ​ប្រជាពលរដ្ឋ​មាន​ការទុកចិត្ត ជឿជាក់ និង​គាំទ្រ​រាជរដ្ឋាភិបាល ដែលមាន​សម្តេច​តេជោ ហ៊ុន សែន នាយករដ្ឋមន្ត្រី ជា​ប្រមុខ​ដឹកនាំ​៕

Filed in: ព័ត៌មានជាតិ

Recent Posts

Bookmark and Promote!

Leave a Reply

Submit Comment
«រស្មីស្ទឺងត្រង់ | Rasmei Stoeng Trang» ព័ត៌មានថ្មីៗ ទាន់ហេតុការណ៍ !​ ទាក់ទងផ្តល់​ព័ត៌មាន តាមទូរស័ព្ទលេខ xxx xxx xxx ឬ តាម Whatsapp : xxx xxx xxx | Telegram : xxx xxx xxx ! សូមអរគុណ !

©២០១៨ រក្សាសិទ្ធិដោយសារព័ត៌មាន «រស្មីស្ទឺងត្រង់ | Rasmei Stoeng Trang»ា | ទូរស័ព្ទ៖ xxx xxx xxx | អ៊ីម៉ែល៖ mailtobot@gmail.com

សហការផ្តល់ព័ត៌មាន៖ xxx xxx xxx | អ៊ីម៉ែល ៖ mailtobot@gmail.com