ទាន់ហេតុការណ៍
​ក្រសួង​ព័ត៌មាន​ជួបជុំ​ពិភាក្សា​ជាមួយ​មេធាវី​សម្ដេច​តេជោ ដើម្បី​សហការ​ក្នុង​ការការពារ​អ្នកសារព័ត៌មាន មាន​វិជ្ជាជីវៈ​ត្រឹមត្រូវ - មន្ត្រី​កាំកុងត្រូល​ខេត្ត​ត្បូងឃ្មុំ បន្ត​ចុះ​ត្រួតពិនិត្យ​រកឃើញ និង​ដកហូត​ទឹកក្រូច​ខូចគុណភាព​៧០​កំប៉ុង នំ​ចម្រុះ​១០​គីឡូក្រាម និង​ត្រី​បបែល​ងៀត​ផ្ទុក​សារធាតុ​គីមី​០៩​គីឡូក្រាម ពី​ផ្សារ​ជី​មាន់ ក្នុង​ស្រុក​ពញាក្រែក - ​អគ្គស្នងការដ្ឋាន​នគ​របាល​ជាតិ បើក​កិច្ចប្រជុំ​ពិនិត្យ​វាយតម្លៃ​សភាពការណ៍​បទល្មើស លួច ឆក់ ក្នុង​រាជធានី​ភ្នំពេញ​, ខែ​ធ្នូ ឆ្នាំ​២០១៩ បទល្មើស​កើតឡើង​៥៦​ករណី បង្ក្រាបបាន​៤១​ករណី​ - ​ដងផ្លូវ​ជាច្រើន​កន្លែង នៅ​ភូមិសាស្ត្រ​ខេត្ត​កែប ត្រូវបាន​មន្ទីរជំនាញ​ជួសជុល និង​កែលម្អ ប្រកប​ដោយ​សោភ័ណភាព​ - ​គណៈប្រតិភូ​ខេត្តកំពត ចូលរួម​ទទួល​ជ័យលាភី​ទីក្រុង​ទេសចរណ៍ ស្អាត​អាស៊ាន នៅ​ប្រទេស​ប្រុយ​ណេ​ - រដ្ឋមន្ត្រី​កសិកម្ម​៖ បញ្ហា​ខ្វះខាត​ទឹក មិនមែន​ជា​រឿង​លេងសើច​ទេ ក្រសួង​ពាក់ព័ន្ធ​ត្រូវតែ​ធ្វើ ផែន ការ គ្រប់គ្រង​ទឹក ឲ្យបាន​ច្បាស់លាស់ - សម្តេច​តេជោ ហ៊ុន សែន អរគុណ​អ្នកព័ត៌មាន ដែល​ជួយ​ផ្សាយ​ព័ត៌មាន​ពិត​ពី​ការអភិវឌ្ឍ​របស់​កម្ពុ​ជា - ​ឧត្តមសេនីយ៍ឯក ហ៊ុន ម៉ា​ណែ​ត អរគុណ​សាលា​នាយទាហាន​សកម្ម ដែល​បំពេញ​តួនាទី​ជា​ថ្នាល​បណ្តុះបណ្តាល​ជួរ​នាយទាហាន​វ័យក្មេង​ - នាយ​ឧត្តមសេនីយ៍ សៅ សុខា ដឹកនាំ​រៀបចំ​ប្រារព្ធ​ពិធី​អបអរ​ជ័យជម្នះ​៧ មករា នៅ​ស្រុក​រមាស​ហែក ខេត្ត​ស្វាយរៀង​ - ​រដ្ឋបាល​ខេត្ត​កែប រៀបចំ​ពិធី​បង្សុកូល ឧទ្ទិស​កុសល​ជូន​ដល់​ដួងព្រលឹង​ជនរងគ្រោះ​ដែល​ស្លាប់​ដោយសារ​បាក់​រលំ​អគារ​
0

​មហាជន​ជាង ៣​ម៉ឺន​នាក់ នឹងចូលរួម​អបអរសាទរ​ខួប​លើក​ទី​៤១ នៃ​ទិវា​ជ័យជម្នះ ៧ មករា

​មហាជន​ជាង ៣​ម៉ឺន​នាក់ នឹងចូលរួម​អបអរសាទរ​ខួប​លើក​ទី​៤១ នៃ​ទិវា​ជ័យជម្នះ ៧ មករា

​ភ្នំពេញ ៖ មហាជន​ជាង​៣​ម៉ឺន​នាក់​នឹង​ចូលរួម​អបអរ​ខួប​លើក​ទី​៤១ នៃ​ទិវា​ជ័យជម្នះ ៧ មករា (៧ មករា ១៩៧៩-៧ មករា ២០២០) ខណៈ​ពិធី​នេះ​នឹង​ប្រារព្ធ​ធ្វើឡើង​ក្រោម​អធិបតីភាព​សម្តេច​អគ្គមហាសេនាបតី​តេជោ ហ៊ុន សែន នាយករដ្ឋមន្ត្រី នៃ​ព្រះរាជណាចក្រ​កម្ពុជា និង​ប្រធាន​គណៈបក្ស​ប្រជាជន​កម្ពុជា​នៅ​មុខ​សាល​មហោស្រព​កោះ​ពេជ្រ ក្រោម​ការយកចិត្តទុកដាក់​ក្នុង​កិច្ចការពារ​សុវត្ថិភាព សន្តិសុខ និង​សណ្តាប់ធ្នាប់ ពី​អាជ្ញាធរ​មាន​សមត្ថិកិច្ច​។​

​នេះ​តាម​ការ​ឲ្យដឹង​ពី​នាយ​ឧត្តមសេនីយ៍ ទូច ណារ៉ុថ អគ្គស្នងការ​រង​នគរបាលជាតិ និង​ជា​ប្រធាន​នាយកដ្ឋាន​អង្គរក្ស ខណៈ​អញ្ជើញ​ជា​អធិបតីភាព​តំណាង នាយ​ឧត្តមសេនីយ៍សន្តិ​បណ្ឌិ​ត នេ​ត សាវឿន អគ្គស្នងការ​នគរបាល​ជាតិ ក្នុង​កិច្ចប្រជុំ​ត្រួតពិនិត្យ​ផែនការ​ការពារ សន្តិសុខ សណ្តាប់ធ្នាប់ ក្នុង​ឱកាស​ប្រារព្ធ​ពិធីបុណ្យ​ខួប​លើក​ទី​៤១ នៃ​ទិវា​ជ័យជម្នះ​៧ មករា (៧ មករា ១៩៧៩-៧ មករា ២០២០)​នៅ​សាលា​រាជធានី​ភ្នំពេញ​។​

​នាយ​ឧត្តមសេនីយ៍ ទូច ណារ៉ុថ បាន​បន្ថែម​ឲ្យដឹង​ថា កម្លាំង​សមត្ថិកិច្ច​ចម្រុះ រួមមាន​កម្លាំង​នគរបាលជាតិ កងរាជអាវុធហត្ថ និង​កម្លាំង​កង​អង្គរក្ស ត្រូវ​បាក​ដាក់ពង្រាយ​នៅ​តាម​ទីតាំង​ជុំវិញ​កន្លែង​ប្រារព្ធ​ពិធី​សំដៅ​ជួយ​សម្រួល​ធ្វើ​យ៉ាងណា​ឲ្យ​ពិធី​មេ​ទ្ទិញ​ប្រារព្ធ​ទៅ​ដោយ​រលូន ដែល​ក្នុងនោះ​មាន​ការចាត់ចែង​ពី​ទីតាំង​ចំណតរថយន្ត ច្រក​សុវត្ថិភាព​ចេញចូល ជា​ពិសេស​ពាក់ព័ន្ធ​ពី​ការ​បង្ហោះ​ដ្រូ​ន​ដែល​គ្មាន​ការអនុញ្ញាត និង​ត្រូវ​ឃាត់​ដកហូត​រក្សាទុក​ផងដែរ​។​

​លោក ឃួ​ង ស្រេង អភិបាល​រាជធានី​ភ្នំពេញ មានប្រសាសន៍ថា កិច្ចប្រជុំ​នេះ ទិសដៅ​សំខាន់ គឺ​ការពារ​ពិធី ការពារ​ថ្នាក់ដឹកនាំ និង​ការពារ​មហាជន​ដែល​ចូលរួម​ក្នុង​ពិធីបុណ្យ ឯកឧត្តម ក៏​បាន​ណែនាំ​ឲ្យ​អភិបាលខណ្ឌ​ដែល​ពាក់ព័ន្ធ​ធ្វើយ៉ាងណា​រៀបចំ​អនាម័យ បរិស្ថាន និង​សណ្តាប់ធ្នាប់​ជុំវិញ​ទីតាំង​ប្រារព្ធ​ពិធី ក្នុងនោះ​ក៏​បាន​ណែនាំ​ឲ្យ​អាជ្ញាធរ និង​សមត្ថកិច្ច​ពាក់ព័ន្ធ​យកចិត្តទុកដាក់​ខ្ពស់​សំដៅ​ការពា​រសុខ​សុវត្ថិភាព​មហាជន​ឲ្យបាន​១០០​ភាគរយ​។​

​លោក​បន្តថា ក្នុង​នាម​រដ្ឋបាល​រាជធានី​ភ្នំពេញ​ត្រូវតែ​មាន​ការចូលរួម​សហកា​រ​ពី​សមត្ថកិច្ច​ជំនាញ​ពាក់ព័ន្ធ​ទាំង​អស់​ទើប​ធ្វើ​ឲ្យ​ពិធី​ទទួលបាន​ជោគជ័យ បើទោះបីជា​ពិធីបុណ្យ​នេះ​យើង​ធ្លាប់​បាន​ប្រារព្ធ​ធ្វើ​ជា​ច្រើន​ដង​កន្លងមក​ទទួលបាន​ជោគជ័យ​ជា​បន្តបន្ទាប់​ក៏​ដោយ ប៉ុន្តែ​អាជ្ញាធរ និង​កម្លាំង​មាន​សមត្ថកិច្ច​មិនគួរណា​មាន​ការធ្វេសប្រហែស​ក្នុង​ការការពារ​សន្តិសុខ សុវត្ថិភាព និង​សណ្តាប់ធ្នាប់​ជូន​ប្រជាពលរដ្ឋ និង​ថ្នាក់ដឹកនាំ​ដែល​ចូលរួម​ក្នុង​ពិធីបុណ្យ​ខាងលើ​ឡើយ​។​

​លោក​អភិបាល​រាជធានី ក៏​បាន​ថ្លែងអំណរគុណ​ដល់​អាជ្ញាធរ និង​កម្លាំង​សមត្ថកិច្ច​ពាក់ព័ន្ធ​ទាំងអស់ ដែល​កន្លង​បាន​ខិតខំ​យកចិត្តទុកដាក់​ការពារ​សន្តិសុខ សុវត្ថិភាព និង​សណ្តាប់ធ្នាប់ ពិធីបុណ្យ​ជាតិ​ធំៗ​ទទួលបាន​ភាពជោគជ័យ​។​

​គួរបញ្ជាក់​ថា នេះ​ជា​ខួប​លើក​ទី​៤១ នៃ​ទិវា​ជ័យជម្នះ ៧ មករា (៧ មករា ១៩៧៩-៧ មករា ២០២០) ដែល​នឹង​ប្រារព្ធ​ធ្វើឡើង​នៅ​កោះ​ពេជ្រ ដោយ​មាន​ការចូលរួម​ពី​មហាជន​ប្រមាណ​ជាង​៣​ម៉ឺន​នាក់​៕

Filed in: ព័ត៌មានជាតិ

Recent Posts

Bookmark and Promote!

Leave a Reply

Submit Comment
«រស្មីស្ទឺងត្រង់ | Rasmei Stoeng Trang» ព័ត៌មានថ្មីៗ ទាន់ហេតុការណ៍ !​ ទាក់ទងផ្តល់​ព័ត៌មាន តាមទូរស័ព្ទលេខ xxx xxx xxx ឬ តាម Whatsapp : xxx xxx xxx | Telegram : xxx xxx xxx ! សូមអរគុណ !

©២០១៨ រក្សាសិទ្ធិដោយសារព័ត៌មាន «រស្មីស្ទឺងត្រង់ | Rasmei Stoeng Trang»ា | ទូរស័ព្ទ៖ xxx xxx xxx | អ៊ីម៉ែល៖ mailtobot@gmail.com

សហការផ្តល់ព័ត៌មាន៖ xxx xxx xxx | អ៊ីម៉ែល ៖ mailtobot@gmail.com