ភ្នុំពេញ ៖ គណបញ្ជាការឯកភាពខណ្ទឬស្សីកែវបានចុះអនុវត្តន៍ និងហ៊ុព័ន្ធដីទំនាស់ចំនួន០៨គ្រួសារ ដើម្បីអោយម្ចាស់ដីថ្មីធ្វើរបង។
ខណៈអាជ្ញាធរបានការពារគ្រឿងចក្រអោយភាគីម្ចាស់ដីថ្មីនៅតំបន់អភិវឌ្ឍន៍ឫស្សីកែវ ហើយក៏មានការចាប់ប្រជាពលរដ្ឋម្នាក់ផងដែរ នៅព្រឹក ថ្ងៃទី ៣០ ខែធ្នូ ឆ្នាំ២០១៩ ចំណុចដីអភិវឌ្ឍន៍ឫស្សីកែវ ស្ថិតនៅផ្លូវ៥៩៨ ក្រុម ទី៥ ភូមិទួលពពែរ សង្កាត់ ទួលសង្កែ ទី២ ខណ្ឌឫស្សីកែវ រាជធានីភ្នំពេញ ប្រជាពលរដ្ឋចំនួន ៨ គ្រួសារ និងអ្នកគាំទ្របានផ្ទុះកាតវ៉ាដោយប៉ះទង្គិះគ្នា១ប្រាវ ។
កិច្ចប្រតិបត្តិការនេះប្រើកម្លាំងសរុប២០៨ក្នុងនោះ កម្លាំងប្រជាការពារសាលាខណ្ទចំនួន១៣០នាក់ កម្លាំងប៉ូលីសខណ្ទឬស្សីកែវ៦៥នាក់កម្លាំងប៉េអឹមខណ្ទឬស្សីកែវ១៣នាក់ដឹកនាំដោយលោក ជា ពិសី អភិបាលខណ្ទឬស្សីកែវនិងជាប្រធានគណះបញ្ជាឯកភាព ។
ចំពោះមុខ ម្ចាស់ដីទាំង០៨ឡូត៍កំពង់ធ្វើរបងហ៊ុព័ន្ធរៀងៗខ្លួន។ដោយឡែកប្រពន្ធលោក គង់ ទី បានចេញមកតវ៉ាទាមទារ សុំអោយផ្អាក និងសូមអោយសម្តេចតេជោជួយអន្តរាគមន៍។
បច្ចុប្បន្ន ខាងម្ចាស់ដីថ្មីកំពុងធ្វើរបង រីឯភាគីខាងលោកស្រី សេក សុភក្រ សឿមូនា ដែលជាក្មួយរបស់លោក គង់ ទី កំពុងនៅខាងកើតថ្នល់ ធ្វើការតវ៉ានិងមានការចាប់ប្រជាពលរដ្ឋម្នាក់ខណៈពួកគាត់ដុតកង់ឡាន ។
ប្រជាពលរដ្ឋដែលគេចាប់ខ្លួនឈ្មោះឡេងសុភក្រ័ភេទប្រុសអាយុ២៦ឆ្នាំរស់នៅកន្លែងកើតហេតុខាងលើ។
សូមរម្លឹកថា កាលពីថ្ងៃទី២៦ ដល់ថ្ងៃទី២៩ ខែធ្នូ ឆ្នាំ២០១៩ អាជ្ញាធរខណ្ឌឬស្សីកែវ លោក ជា ពិសី អភិបាល នៃគណអភិបាលខណ្ឌឬស្សីកែវ និងអាជ្ញាធររាជធានីភ្នំពេញ លោក ឃួង ស្រេង អភិបាល នៃគណៈអភិបាលរាជធានីភ្នំពេញ បានដឹកនាំកម្លាំងចម្រុះមករុះរើផ្ទះប្រជាពលរដ្ឌចំនួន០៨គ្រួសារស្ថិត នៅភូមិពពែ២ សង្កាត់ទួលសង្កែ ខណ្ឌឬស្សីកែវ រាធានីភ្នំពេញ ហើយជនរងគ្រោះ ទី១-គង់ទី ២-លោកស្រី ខៃ ណារិន ៣-លោក កែម មង្គល ៥-ព្រំ បូរ ៦-លោក សុខ អៀង ៧-អ៊ឹង ព្រូ ៨-ឆាយ ដាវី ៩-លោក រត្ន័ ស៊ា ។
បើតាមការអះអាងរបស់ប្រជាពលរដ្ឋ៨គ្រួសារបញ្ជាក់ថា ដីនេះស្ថិតនៅតំបន់អភិវឌ្ឍន៍ខណ្ឌឬស្សីកែវ បានលក់ឲ្យពួកគាត់ប្រជាពលរដ្ឋតាំងពីឆ្នាំ១៩៩០ មកដល់ឆ្នាំ២០១៩ តែមកដល់ពេលនេះ ត្រូវអាជ្ញាធរខណ្ឌឬស្សីកែវ និងអាជ្ញាធររាជធានីភ្នំពេញ បានដឹកនាំកម្លាំងចំរុះចុះមកកំទេចផ្ទះ និងដំណាំដែលគាត់បានដាំឲ្យខ្ទិចខ្ទីអស់ ចាប់តាំងពីថ្ងៃទី ២៧ ដលថ្ងៃទី ៣០ តែនៅបន្តវាយទៀត ៕