ទាន់ហេតុការណ៍
សម្តេច​តេជោ ហ៊ុន សែន និង សម្តេច​កិត្តិ​ព្រឹទ្ធ​បណ្ឌិត បាន​រៀបចំ​ពិធីរាប់បាត្រ​ក្នុង​កិច្ច​បង្ហើយ​បុណ្យ​គម្រប់​១០០​ថ្ងៃ ឧទ្ទិស​កុសល​ជូន​វិញ្ញាណក្ខន្ធ​មហា​ឧបាសិកា ប៊ុន ស៊ា​ង​លី​ - ពិធី​បិទ​កិច្ចប្រជុំ​ផ្សព្វផ្សាយ​បទបញ្ជា​លេខ ០១ បប របស់​រាជដ្ឋាភិបាល​កម្ពុជា ស្ដីពី​ការអនុវត្ត​ផែនការ​ដោះស្រាយ​បញ្ហា​កូដកម្ម បាតុកម្ម​នៅ​តាម​មុខសញ្ញា​សម្រាប់​ឆ្នាំ​២០២០-២០២៤ - ពលរដ្ឋ​ត្រូវ​បង្កើន​ការប្រុងប្រយ័ត្ន ដើម្បី​ទប់ស្កាត់​ជំងឺ​កូវី​ដ​១៩ កុំឲ្យ​ឆ្លង​រាលដាល​ក្នុងសហគមន៍ - ឯកឧត្តម អ៊ុន ចាន់​ដា ចុះ​ពិនិត្យ បញ្ហា​វិវាទ​ដី តំបន់​មេទឹក​ក្នុងស្រុក​បាធាយ និង​កំណត់​នីតិវិធី​ឈ្នះ​ឈ្នះ​ដើម្បី​ដោះស្រាយ​ - ​អាជ្ញាធរ​និង​ជំនាញ​ត្រូវ​ឆ្លើយតប​ជា​បន្ទាន់​រាល់​សំណូមពរ​របស់​ប្រជាពលរដ្ឋ​ពី​បញ្ហា​ទាក់ទង​ផ្លូវ និង​ស្ពាន ដែល​ពិបាក​ធ្វើ​ដំណើរ​ - ឯកឧត្តម វេង សាខុន អញ្ជើញ​មក​ជួប​សំណេះសំណាល​ជាមួយ​ប្រជា​ពលរដ្ធ​និង​នាំយក​កូន​ឈើហូប​ផ្លែ​(​ដូង ខ្មុរ មាន ឬ​ស្សី ស្វាយ​ត្របែក និង​ស្តៅ​)​ពូជ មាន់​និង​ចំណី​មាន់មក​ចែក​ជូន​ប្រជា​ពលរដ្ធ​ចំនួន​២០០​គ្រួសារ​ក្នុង​ស្រុក​តា​លោ សែន​ជ័យ​ - ឯកឧត្តម អ៊ុន ចាន់​ដា អញ្ជើញ​ដឹកនាំ​ប្រតិភូ​រដ្ធបាលខេត្ត ជួបប្រជុំ​ជាមួយ​ប្រតិភូ​គណ​:​កម្មា​ការទី​៧ នៃ​ព្រឹទ្ធសភា​ - ជនសង្ស័យ​០៨​នាក់​ដែល​ជា​មុខសញ្ញា​ជួញដូរ ប្រើប្រាស់​គ្រឿងញៀន ត្រូវ​កម្លាំង​សមត្ថកិច្ច​ស្រុក​ឈូក​បង្ក្រាប​ - ទីស្នាក់ការ​គណបក្ស​ប្រជាជន​កម្ពុជា​គោក​រកា តម្លៃ​៦​ម៉ឺន​ដុល្លារ នឹង​សម្ពោធ​ឲ្យប្រើ​ប្រាស់​ ​ក្រោម​អធិបតីភាព​ដ៏​ខ្ពង់ខ្ពស់ ឯកឧត្តម ប៉ា សុជាតិ​វង្ស សមាជិក​គណៈកម្មការ​កណ្តាល និង​ជា​ប្រធាន​គណៈកម្មការ​បក្ស​រាជធានី​ភ្នំពេញ​ - ​ពលរដ្ឋ​ក្រីក្រ​ឃុំ​ស្វាយ​ទង​ខាងត្បូង ស្រុក​កំពង់ត្រាច​ទទួលបាន​ប័ណ្ណ​សមធម៌​ពី​រាជរដ្ឋាភិបាល​
0

​សម្តេច​តេជោ ហ៊ុន សែន ស្នើ​ឱ្យ​មន្ទីរពេទ្យ​ឯកជន​ទទួលខុសត្រូវ ចំពោះ​អ្នកជំងឺ​តាំងពី​ដើម​ដល់​ចប់ កុំ​ពេល​ព្យាបាល​មិនបាន បញ្ជូន​ទៅ​ស្លាប់​នៅ​មន្ទីរពេទ្យ​រដ្ឋ​

​សម្តេច​តេជោ ហ៊ុន សែន ស្នើ​ឱ្យ​មន្ទីរពេទ្យ​ឯកជន​ទទួលខុសត្រូវ ចំពោះ​អ្នកជំងឺ​តាំងពី​ដើម​ដល់​ចប់ កុំ​ពេល​ព្យាបាល​មិនបាន បញ្ជូន​ទៅ​ស្លាប់​នៅ​មន្ទីរពេទ្យ​រដ្ឋ​

​ភ្នំពេញ ៖ សម្តេច​តេជោ ហ៊ុន សែន នាយករដ្ឋមន្ត្រី​នៃ​កម្ពុជា នៅ​ថ្ងៃ​ទី​១៦ ខែ​ធ្នូ ឆ្នាំ​២០១៩​នេះ បាន​ស្នើ​ឱ្យ​គ្លីនិក​ឯកជន​ទាំងអស់ ត្រូវ​ទទួលខុសត្រូវ ចំពោះ​អ្នកជំងឺ​តាំងពី​ដើម​ដល់​ចប់ ដោយ​មិន​ត្រូវ​ពេល​អ្នកជំងឺ​សង្គ្រោះ​មិនបាន ទើប​រុញ​ទៅ​មន្ទីរពេទ្យ​រដ្ឋ​នោះទេ​។​

​ការ​ថ្លែង​របស់​សម្តេច​តេជោ​យ៉ាង​ដូច្នេះ ធ្វើឡើង​ក្នុង​ឱកាស​ដែល​សម្តេច​អញ្ជើញ​ជា​អធិបតី​ដ៏​ខ្ពង់ខ្ពស់ ក្នុង​ពិធី​ប្រគល់​សញ្ញាបត្រ​ដល់​និស្សិត​ពេទ្យ ២,៥៨៨​នាក់ បន្ទាប់ពី​ពួកគេ​បាន​បញ្ចប់​ការសិក្សា​ដោយ​ជោគជ័យ ដែល​ពិធី​នេះ​ប្រារព្ធ​ឡើង​នៅ​មជ្ឈមណ្ឌល​សន្និបាត និង​ពិព័រណ៍​កោះ​ពេជ្រ​។​

​សម្តេច​តេជោ ហ៊ុន សែន បាន​ថ្លែង​យ៉ាង​ដូច្នេះ​ថា «​ខ្ញុំ​សូម​សំណូមពរ​ដូច្នេះ យើង​មាន​មន្ទីរពេទ្យ​ទាំង​រដ្ឋ និង​ឯកជន ក៏​ប៉ុន្តែ​សូម​កុំ​ដណ្តើម​អ្នកជំងឺ​គ្នា ប៉ុន្តែ​បើ​មាន​ការដណ្តើម​អ្នកជំងឺ​គ្នា សូមឲ្យ​មាន​ការទទួល​ខុស​ត្រូវ​ពី​ដើម​ដល់​ចប់ កុំឲ្យ​ដល់​ថ្នាក់​សង្គ្រោះ​លែង​បាន​ហើយ បានចាប់ផ្តើម​មន្ទីរពេទ្យ​ឯកជន​បញ្ជូនទៅ​មន្ទីរពេទ្យ​រដ្ឋ ដល់​តែ​ស្លាប់ៗ​ឯ​មន្ទីរពេទ្យ​រដ្ឋ … មន្ទីរពេទ្យ​ឯកជន​ដណ្តើម​អ្នកជំងឺ​យក​ទៅ​មើល ដល់​តែ​ពេស​ង្គ្រោះ​លែង​បាន ថា​បញ្ជូន​ទៅ​មន្ទីរពេទ្យ​រដ្ឋ​បាន​រស់ ទៅ​ដល់​ស្លាប់​នៅ​មន្ទីរពេទ្យ​រដ្ឋ ជេរ [​គ្រួសារ​ជំងឺ​ជេរ​] ហើយ​ដែល​ធ្ងន់ធ្ងរ​ជាងគេ គឺ​មន្ទីរពេទ្យ​កាល់ម៉ែ​ត​»​។​

​ចំពោះ​ការងារ​នេះ សម្តេច​តេជោ ហ៊ុន សែន បាន​ណែនាំ​ឲ្យ​ក្រសួង​សុខាភិបាល ធ្វើការ​ជាមួយ​មន្ទីរពេទ្យ​ឯកជន ដើម្បី​បញ្ជាក់​ឲ្យ​ច្បាស់លាស់ នៅពេល​ដែល​ទទួល​អ្នក​ជំងឺ ត្រូវ​ចាប់ផ្តើម​ព្យាបាល តាំងពី​ដើម​រហូត​ដល់​ចប់ ហើយ​បើ​ដឹងខ្លួន​ថា​មិន​អាច​ទទួល​បាន​ទេ ត្រូវ​ផ្តល់​ឲ្យ​មន្ទីរពេទ្យរដ្ឋ កុំ​ចាំ​ដល់​ពេល​អ្នកជំងឺ​ជិត​ដាច់ដង្ហើម​ហើយ ទើប​បញ្ជូន​ឲ្យ​មន្ទីរពេទ្យរ​ដ្ឋនោះ​។​

​សម្តេច​តេជោ ហ៊ុន សែន បានបញ្ជាក់​ថា មន្ទីរពេទ្យ​ឯកជន​ខ្លះ​ខូច នៅពេល​អ្នកជំងឺ​ព្យាបាល​ទទួលបាន​ប្រាក់​ពី​អ្នកជំងឺ​មួយចំនួន​ធំ​ហើយ ដឹងថា​ខ្លួន​គ្មាន​សមត្ថភាព​ជួយ​អ្នកជំងឺ​នោះបាន ខ្លាច​អ្នកជំងឺ​ស្លាប់​នៅ​កន្លែង​របស់​ខ្លួន ក៏​បញ្ជូន​ទៅ​មន្ទីរពេទ្យ​រដ្ឋ ដែល​ខ្លះ​ស្លាប់​តាម​ផ្លូវ​ក៏មាន ដែល​នេះ​ជា​រឿង​មិនគួរ​គប្បី​ទាល់តែសោះ​។​

​ក្រៅពី​ការណែនាំ​ឲ្យ​យកចិត្តទុកដាក់ លើ​ការដណ្តើម​អ្នកជំងឺ​គ្នា​រវាង​មន្ទីរពេទ្យ​រដ្ឋ និង​ឯកជន​នេះ សម្តេច​តេជោ ហ៊ុន សែន ក៏​បាន​ជំរុញ​ក្រសួង​សុខាភិបាល ត្រូវធ្វើ​ការយកចិត្តទុកដាក់​បន្ថែមទៀត ចំពោះ​ការប្រើប្រាស់ ឬ​ចរាចរណ៍​ឱសថ​ក្លែងក្លាយ និង​ខូចគុណភាព​ក្នុងប្រទេស​កម្ពុជា ព្រោះ​បញ្ហា​ឱសថ​នេះ គឺជា​រឿង​ដែល​សំខាន់​បំផុត​សម្រាប់​ជីវិត​មនុស្ស​។​

​ជាមួយគ្នា​នេះ​សម្តេច​តេជោ​ប្រមុខរាជ​រដ្ឋាភិបាល ក៏​បាន​ជំរុញ​ឲ្យ​ក្រុមគ្រូពេទ្យ​ទាំងអស់ គោរព​នូវ​ក្រមសីលធម៌​វិជ្ជាជីវៈ​ជា​គ្រូពេទ្យ ក្នុងនោះ​មាន​ទាំង​ការប្រើប្រាស់​ឥរិយាបទ និង​ពាក្យ​សម្តី ចំពោះ​អ្នកជំងឺ​ផងដែរ​៕

Filed in: ព័ត៌មានជាតិ

Recent Posts

Bookmark and Promote!

Leave a Reply

Submit Comment
«រស្មីស្ទឺងត្រង់ | Rasmei Stoeng Trang» ព័ត៌មានថ្មីៗ ទាន់ហេតុការណ៍ !​ ទាក់ទងផ្តល់​ព័ត៌មាន តាមទូរស័ព្ទលេខ xxx xxx xxx ឬ តាម Whatsapp : xxx xxx xxx | Telegram : xxx xxx xxx ! សូមអរគុណ !

©២០១៨ រក្សាសិទ្ធិដោយសារព័ត៌មាន «រស្មីស្ទឺងត្រង់ | Rasmei Stoeng Trang»ា | ទូរស័ព្ទ៖ xxx xxx xxx | អ៊ីម៉ែល៖ mailtobot@gmail.com

សហការផ្តល់ព័ត៌មាន៖ xxx xxx xxx | អ៊ីម៉ែល ៖ mailtobot@gmail.com